Jump to content

Ռոբին Գիբ

Վիքիպեդիայից՝ ազատ հանրագիտարանից
Ռոբին Գիբ
Բնօրինակ անունանգլ.՝ Robin Gibb
Ի ծնե անունանգլ.՝ Robin Hugh Gibb
Ծնվել էդեկտեմբերի 22, 1949(1949-12-22)[1][2][2][…]
Դուգլաս, Մեն
Երկիր Միացյալ Թագավորություն
Մահացել էմայիսի 20, 2012(2012-05-20)[3][1][2][…] (62 տարեկան)
Լոնդոն, Միացյալ Թագավորություն
ԳերեզմանSaint Mary the Virgin Churchyard[4]
Ժանրերփոփ և նոր ալիք
Մասնագիտություներգիչ, կոմպոզիտոր, երգերի հեղինակ, հեղինակ-կատարող և երաժշտական պրոդյուսեր
Երգչաձայնտենոր
Գործիքներվոկալ
ԱշխատավայրԼիվերպուլի Կատարողական արվեստի ինստիտուտ
ԼեյբլAtco Records, EMI և Leedon?
ԱնդամակցությունThe Bee Gees
Պարգևներ
Կայքrobingibb.com
Ստորագրություն
Ստորագրություն
 Robin Gibb Վիքիպահեստում

Ռոբին Հյու Գիբ (անգլ.՝ Robin Hugh Gibb, դեկտեմբերի 22, 1949(1949-12-22)[1][2][2][…], Դուգլաս, Մեն - մայիսի 20, 2012(2012-05-20)[3][1][2][…], Լոնդոն, Միացյալ Թագավորություն, Դուգլաս, Մեն կղզի[6], Լոնդոն), բրիտանացի երգիչ և երգերի հեղինակ, առավել հայտնի է որպես Bee Gees խմբի անդամ, որը հիմնադրել է երկվորյակ եղբոր՝ Մորիսի և ավագ եղբայր Բարրի Գիբի հետ։ Խմբի սկավառակների համաշխարհային վաճառքը գերազանցում է միլիոնավոր օրինակները, ինչի շնորհիվ Bee Gees-ը երաժշտական ինդուստրիայի պատմության ամենահաջողակ խմբերից մեկն է համարվում[7]։

Կենսագրություն

[խմբագրել | խմբագրել կոդը]

Ծնվել է Մեծ Բրիտանիայում, Մորիս Գոբի երկվորյակ եղբայրն է (Մորիսը ծնվել է 35 րոպե ուշ)։ Նրանց ծննդից հետո ծնողներ՝ Հյու և Բարբարա Գիբերը (ծնունդով Պասից) տեղափոխվել են Մաչեսթեր։

1958 թվականի վերջին, ընտանիքը տեղափոխվում է Բրիսբեն, որից հետո Ավստրալիայում սկսվում է Ռոբինի (ինչպես նաև մյուս երկու եղբայրների) երաժշտական կարիերան։ Հենց այնտեղ էլ նրանք որոշակի ճանաչում են ստանում, որից հետո վերադառնում են Միացյալ Թագավորություն և շարունակում են իրենց երաժշտական գործունեությունն արդեն հայրենիքում։ 60-ական թվականների վերջին, երբ գտնվում էին հաջողության գագաթնակետին, Ռոբինը որոշեց դուրս գալ խմբից և զբաղվել մենակատարի կարիերայով։ Սակայն նրա առաջին ալբոմը ճանաչում չգտավ և հաջողության չհասավ, ուստի տասնութ ամիս անց նա վերադարձավ խումբ[8]։

Ռոբինն ու իր եղբայրները փոփոխակի հաջողությունների էին ունենում՝ մինչև 2003 թվականին մահացավ եղբայրներից Մորիսը։ Նրա մահից հետո Ռոբինն ու Բարրին հայտարարեցին, որ Bee Gees խումբը դադարեցնում է իր գործունեությունը։ Մորիսի մահից յոթը տարի անց, 2009 թվականի աշնանը, նրանք հայտարարում են խմբի վերաստեղծման մասին[9], սակայն նոր սինգլներ և կենդանի կատարումներ չունեցան։

Վերջին տարիներին, Ռոբին Գիբբը և նրա որդին Ռոբին-Ջոնը աշխատում էին «Ռեքվիմ Տիտանիկի մասին» ֆիլմի սիմֆոնիկ երաժշտության ստեղծման վրա, որն 2012 թվականի ապրիլին առաջին անգամ կատարում է Մեծ Բրիտանիայի ֆիլհարմոնիկ երգչախումբը[10]։ Ռոբին Գրիբն առողջական խնդիրների պատճառով չի կարողանում ներկա գտնվել դրա պրեմիերային։

Առողջական խնդիրներ և մահ

[խմբագրել | խմբագրել կոդը]

2010 թվականի օգոստոսին Ռոբին Գիբը շտապ հոսպիտալացվում է։ Նրան վիրահատում են հեռացնելով ուռուցքը, որը ստամոքսի խցանում էր առաջացրել (նրա երկվորյակ եղբայր Մորիս Գիբը 2003 թվականի հունվարին, նույնպես, մահացել է նման հանգամանքներում)։ 2011 թվականի հոկտեմբերին Գիբը կրկին հոսպիտալացվում է, իսկ 2011 թվականի նոյեմբերի 20-ին նրա մոտ ախտորշվում է լյարդի քաղցկեղ[11]։

2012 թվականի հունվարի 22-ին «The Mail on Sunday»-ին տված հարցազրույցում Գիբը խոստովանել է, որ դրանից 18 ամիս առաջ նրա մոտ ախտորոշվել է հաստ աղիքի բորբոքում, իսկ դրանից հետո՝ հաստ աղիքի քաղցկեղ։ Այնուամենայնիվ, այս ամենից հետո, նա նշում է, որ ողջ ժամանակ իրեն զգացել է «գերազանց», իսկ նրան բուժող բժիշկը քիմիոթերապիան անվանել է «տպավորիչ»[12]։

2012 թվականի մարտին Ռոբին Գիբը հայտարարում է, որ գնում է բուժվելու[13]։

2012 թվականի ապրիլի 13-ին Ռոբինը հանկարծական թոքաբորբից ընկնում է կոմայի մեջ[14]։ Ապրիլի 20-ին նա գիտակցության է գալիս[15]։ Հարազատների խոսքերով Գիբը հարցերին պատասխանում էր գլխի շարժումներով[16]։ Ապրիլի 22-ին նրան բուժող բժիշկը հայտարարում է, որ քաղցկեղն ազդել է նրա ինքնազգացողության վրա, որը հանգեցրել է նրան, որ նրա օրգանիզմը ինտենսիվ քիմիոթերապիաների արդյունքում թուլացել է ։ Սակայն Էնդրյու Թալլայնայագմը նշում է Գիբի «երկաթե կամքն» ու «ներքին մեծ ուժը», որոնց շնորհիվ էլ նա կարողանում է գիտակցության գալ[17]։

Ռոբին Գիբը մահացել է 2012 թվականի մայիսի 20-ին, Լոնդոնում։ Թաղված է ծննդավայր Թեյմում (Օքսֆորդ)։

Անձնական կյանք

[խմբագրել | խմբագրել կոդը]
Ռոբին Գիբը 1973 թվականին

1968 թվականին Ռոբին Գիբն ամուսնացել է Մոլի Հյուլիսի հետ, ով խմիբի պրոդյուսեր Ռոբերտ Ստինգվուդի քարտուղարուհին էր։ Նրանք ունենում են երկու երեխա՝ Սպենսերը (1972 թ.) և Մելիսան (1974 թ.)[18], սակայն 1980 թվականին, մի քանի տարի առանձին ապրելուց հետո զույգը բաժանվում է։ Երաժշտի երկրորդ կինը դրամատուրգ և բանաստեղծուհի Դուայնա Մյորփի Գիբն է։ Նա եղել է «Բրահմայի դուստրեր» աղանդի անդամ։

2008 թվականի նոյեմբերի 4-ին ծնվում է Ռոբինի չորրորդ երեխան՝ դուստր Սնոու Էվելին Ռոբին Ջուլիետ Գիբը։ Նրա մայրը Քլեր Յանգ Գիբերի ընտանիքի ծառան էր։ Նարա կին Դուայնան, ով մինչև այդ աչք էր փակել ամուսնու և տնային տնտեսուհու սիրավեպի վրա, ասում է, որ երեխայի ծնվելուց հետո նա «վրդովված և ցնցված» էր[19]։

Ռոբին Գրիբը բուսակեր էր և ալկոհոլ չէր օգտագործում։

Նրա քաղաքական հայացքները պատկանում էին Լեյբորիստների կուսակցությանը, 2005 թվականին մասնակցել է կուսակցության նախընտրական քարոզարշավին։ Եղել է նախկին վարչապետ Թոնի Բլեերի մոտ ընկերը։

Մրցանակներ

[խմբագրել | խմբագրել կոդը]
  • Բրիտանական կայսրության շքանշան, կոմանդորի աստիճան (2001 թվականի դեկտեմբերի 31) - «երաժշտության և զվարճանքի ասպարեզում մատուցած ծառայությունների դիմաց»[20]։ Հանձնվել է Արքայազն Չարլզի կողմից, Բուքինգհեմյան պալատի արարողության ժամանակ[21][22]։

Ռոբին Գրիբը Composers of Fame of Hall of Fame-ի անդամ է։ Համարվում է Ivor Novello Awards և «Գրեմի» մրցանակների դափնեկիր։

Սկավառակագրություն

[խմբագրել | խմբագրել կոդը]

Ալբոմներ

[խմբագրել | խմբագրել կոդը]
  • 1970 - «Robin’s Reign»
  • 1983 - «How Old Are You?»
  • 1984 - «Secret Agent»
  • 1985 - «Walls Have Eyes»
  • 2003 - «Magnet»
  • 2006 - «My Favourite Christmas Carols»
  • 2012 - «Titanic Requiem»
  • 2014 - «50 St. Catherine’s Drive»

Սինգլներ

[խմբագրել | խմբագրել կոդը]
  • 1969 - «Saved By the Bell»
  • 1969 - «One Million Years»
  • 1970 - «August, October»
  • 1978 - «Oh! Darling»
  • 1980 - «Help Me!» (Робин Гибб & Marcy Levy)
  • 1983 - «Juliet»
  • 1983 - «How Old Are You?»
  • 1983 - «Another Lonely Night in New York»
  • 1984 - «Boys Do Fall in Love»
  • 1984 - «Secret Agent»
  • 1985 - «In Your Diary»
  • 1985 - «Like a Fool»
  • 1986 - «Toys»
  • 2002 - «Please»
  • 2003 - «Wait Forever»
  • 2004 - «My Lover’s Prayer» (Ալիստեր Գրիֆինի հետ)
  • 2005 - «First of May» (G4 feat. Ռոբին Գիբ)
  • 2006 - «Mother of Love»
  • 2007 - «Too Much Heaven» (Ռոբին Գիբ & US5)
  • 2009 - «Islands in the Stream» (Ռոբին Գիբ & Comic Relief)
  • 2011 - «I’ve Gotta Get a Message to You» (Ռոբին Գիբ & The Soldiers)
  • 2012 - «Don’t Cry Alone»:

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 2,2 2,3 2,4 2,5 2,6 Internet Broadway Database — 2000.
  3. ↑ 3,0 3,1 3,2 Robin Gibb dies
  4. ↑ https://fr.findagrave.com/memorial/90460117/robin-gibb
  5. ↑ The London Gazette (բրիտ․ անգլ.) — 2016. — Iss. 56430. — P. 23.
  6. ↑ Lenta.ru: Скончался вокалист Bee Gees Робин Гибб
  7. ↑ Andy Kellerman. «Robin Gibb» (անգլերեն). Allmusic. Արխիվացված է օրիգինալից 2012 թ․ հուլիսի 6-ին. Վերցված է 2010 թ․ դեկտեմբերի 6-ին.
  8. ↑ Joseph Murrells. The Book of Golden Discs. — 2. — Лондон: Barrie and Jenkins Ltd, 1978. — ISBN 0-214-20512-6
  9. ↑ BBC News. (15 октября 2009). «Bee Gees to perform on Strictly» (անգլերեն). Արխիվացված է օրիգինալից 2012 թ․ հուլիսի 6-ին. Վերցված է 2009 թ․ հոկտեմբերի 16-ին.
  10. ↑ «Робин Гибб возвратится на сцену со своим новым произведением «Реквием по „Титанику"»». Արխիվացված է օրիգինալից 2014 թ․ մայիսի 28-ին. Վերցված է 2018 թ․ օգոստոսի 21-ին.
  11. ↑ У Робина Гибба обнаружили рак // Lenta.ru
  12. ↑ 'How my obsession with the Titanic has helped save my life,' says cancer-stricken Robin Gibb
  13. ↑ «New York Post»: Bee Gees star Robin Gibb in remission from cancer
  14. ↑ Участник легендарных Bee Gees впал в кому // НТВ
  15. ↑ Вокалист группы Bee Gees Робин Гибб вышел из комы(չաշխատող հղում) // Би-би-си
  16. ↑ Robin Gibb making good progress — family
  17. ↑ «The Sydney Morning Herald»: Bee Gees star Robin Gibb has advanced colorectal cancer, doctor says
  18. ↑ When are their families' birthdays and anniversaries? (Bee Gees)
  19. ↑ «Экспресс-газета»: Робин Гибб предал жену
  20. ↑ «Supplement 56430, page 23». The London Gazette. 31 декабря 2001. Վերցված է 30 декабря 2017-ին.
  21. ↑ «Royal Honors For Bee Gees». CBS News[en]. 28 мая 2004. Վերցված է 30 декабря 2017-ին.
  22. ↑ «Bee Gees collect CBEs». BeeGees-World.com. 27 мая 2004. Արխիվացված է օրիգինալից 2021 թ․ փետրվարի 10-ին. Վերցված է 30 декабря 2017-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ռոբին Գիբ» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ռոբին_Գիբ&oldid=9960591» էջից