Ուենդել Փիրս

Վիքիպեդիայից՝ ազատ հանրագիտարանից
Ուենդել Փիրս
Ծննդյան թիվ՝դեկտեմբերի 8, 1963(1963-12-08)[1][2] (60 տարեկան)
Ծննդավայր՝Օռլեան շրջան, Լուիզիանա, ԱՄՆ
Քաղաքացիություն՝ ԱՄՆ
Մասնագիտություն՝կինոպրոդյուսեր, հեռուստատեսային դերասան, կինոդերասան, դերասան, գործարար, ինքնակենսագիր և ռադիոհաղորդավար
IMDb։ID 0682495

Ուենդել Էդվարդ Փիրս (անգլ.՝ Wendell Edward Pierce, դեկտեմբերի 8, 1963(1963-12-08)[1][2], Օռլեան շրջան, Լուիզիանա, ԱՄՆ), ամերիկացի դերասան։ Առավել հայտնի է HBO-ի դրամայի՝ խուզարկու Մորլանդի Բանքի պաշտամունքային «Գաղտնալսում» և թրոմբոնիստ Էնթոնի Բատիստայի «Թրիմեյ» դերերով, ինչպես նաև Մայքլ Դավենպորտի դերով՝ «Արտաշնչման սպասումով» ֆիլմում։

Կենսագրություն[խմբագրել | խմբագրել կոդը]

Փիրսը ծնվել է 1963 թվականի դեկտեմբերի 8-ին Լուիզիանա նահանգի Նոր Օռլեան քաղաքում՝ ուսուցչի և Երկրորդ համաշխարհային պատերազմի ժամանակ պարգևատրված վետերանի ընտանիքում, որն աշխատել է որպես գործառնական ինժեներ[3]։ Նրա հոր բանակային ստորաբաժանումն օգնել է ծովային հետևակայիններին 1944 թվականին հաղթել Սայփանի ճակատամարտում։ Փիրսը հոր մասին ասել է․ «Երբ երկիրը չէր սիրում հորս, հայրս սիրում էր իր երկիրը։ Սա հայրենասիրության բարձրագույն ակտն է»[4]։

Փիրսը մեծացել է աֆրոամերիկացի միջին խավի Potchartrein Park համայնքում, որը հանդիսանում է աֆրոամերիկացիների առաջին ռազմական արվարձանը։ Նրա հայրը, ինչպես շատ սև վետերաններ, պատերազմից վերադառնալուց հետո տեղափոխվել են այս տարածք։ Տարածքը երկրի երեսից ջնջվել է 2005 թվականին «Կատրինա» փոթորկի ժամանակ։ Ավերվել է նաև Փիրս ընտանիքի տունը, որը հեղեղվել է չորս մետր ջրով[5][6]։

Փիրսը հաճախել է Նոր Օռլեանի Բենջամին Ֆրանկլինի անվան միջնակարգ դպրոցը, այնուհետև ավարտել է Նոր Օռլեանի Արվեստի կենտրոնը, որտեղ նա նախագահական կրթաթոշակառու էր[7]։ Որպես երիտասարդ դերասան` հայտնվել է Թուլեյնի համալսարանի Շեքսպիրյան փառատոնի «Ձմեռային հեքիաթ» բեմադրության մեջ։ Նա դարձել է «Մտածիր այդ մասին» դեռահասային թոք-շոուի պրոդյուսերն ու վարողը NBC կայանի տեղական մասնաճյուղում, ինչպես նաև վարել է մեկշաբաթյա ջազ-շոու՝ «Լրացումներ Կոնգոյի հրապարակով», WYLD-FM ռադիոյով[8]։

1981-1985 թվականներին հաճախել է Ջուլիարդի դրամայի դպրոցը, որտեղ ստացել է արվեստի բակալավրի աստիճան[9][10]։

Գործունեություն[խմբագրել | խմբագրել կոդը]

Կինո և հեռուստատեսություն[խմբագրել | խմբագրել կոդը]

Փիրսը նկարահանվել է ավելի քան 30 ֆիլմում և հայտնվել մոտ 50 հեռուստաշոուում, ինչպես նաև մասնակցել է տասնյակ թատերական ներկայացումների։ Աշխատել է HBO-ի «Գաղտնալսում» և «Թրիմեյ» դրամաներում։ Խաղացել է Ջեյ Ջենքսի դերը «Մթնշաղ։ Լուսաբաց - Մաս 2»[11] և բանդիտ Կարլսոնի դերը «Փարկեր» ֆիլմերում։ Ուենդելը հայտնի է նաև Ռոբերտ Զեյնի դերով՝ «Suits» սերիալում։

«Տրիմեյ» ֆիլմում տրվող դերի համար Փիրսը սովորել է նվագել տրոմբոն, չնայած ապավինում էր այսպես կոչված «կրկնակի ձայնին»։ Երաժշտությունը, որը հնչում էր շոուում, նվագում էր Սթաֆորդ Էյջին` Rebirth Brass Band նվագախմբից[5]։ Էյջին տեսահոլովակում նվագում էր տրոմբոն՝ Փիրսի փոխարեն, հուսալիության հասնելու համար[12]։

Փիրսը առաջադրվել է «Անկախ ոգի» մրցանակ տղամարդու լավագույն դերակատարման համար մրցանակին՝ «Չորս» ֆիլմի համար, որտեղ խաղացել է ամուսնացած գեյ Ջոյի դերը, որն ընտանիքից հեռանում է երիտասարդ սպիտակ տղամարդու մոտ, ում հետ ծանոթացել է համացանցում։ Ֆիլմը թողարկվել է 2013 թվականի սեպտեմբերի 13-ին` մոտավորապես նույն ժամանակ, երբ NBC-ում ցուցադրվել է «Մայքլ Ջեյ Ֆոքսի շոու»-ն։ Այդտեղ խաղացել է Մայքլ Ջեյ Ֆոքս բոսի կերպարը նախքան սերիալի փակումը հինգ ամիս անց[13][14]։

Փիրսը Բալթիմորի քաղաքապետ Ստեֆանի Ռոուլինգս Բլեյքի հետ, 2010 թվականի դեկտեմբերին «Բալթիմոր Ռեյվենս»-ի դեմ խաղում «Նյու Օռլեանս Սեյնթս»-ի պարտությունից հետո

Թատրոն[խմբագրել | խմբագրել կոդը]

Փիրսը մասնակցել է մեծ թվով թատերական ներկայացումների։ Բարձր է գնահատվել «Քույնի» նրա Հոլթ Ֆրեի դերը John F. Kennedy Center for the Performing Arts կողմից։ Խաղացել է «Դաշնամուր նվագելու դաս», «Լուրջ փողեր» և «Ձմեռվա տղաներ» բրոդվեյան ներկայացումներում։

Մասնակցել է օֆֆ-բրոդվեյան ներկայացումներին՝ «Բալի այգին» (որի համար առաջադրվել է VIV Award լավագույն առաջատար դերի համար), «Գոդոյին սպասելիս» (որի գործողությունները տեղի է ունեցել տան տանիքում Կատրինա փոթորկից հետո), «Բաժանման գիտություններ», որը ցուցադրվել է Լինքոլն կենտրոնում[15]։

Բացի այդ, մասնակցել է՝ «Ցիմբելին» (The Public Theater-ում), «Լավ ժամանակները սպանում են ինձ», «Վերոնացի երկու ազնվական», «Ինչ ցավալի է, որ նա պոռնիկ է» և «Պարոն Էվերի տղաները» ներկայացումներին, որոնք բեմադրվում էին ACT Theatre թատրոնում։

Փիրսը նաև թատերական պրոդյուսեր է։ Նա է բրոդվեյյան «Քլայբուրն Փարկ» շոուի պրոդյուսերը։ Շոուն առաջադրվել է չորս «Թոնի» մրցանակի։ 2012 թվականին արժանացել է «Թոնի» մրցանակի լավագույն պիեսի համար[16]։

2015 թվականին Փիրսը վերադարձել է բեմ՝ Նյու Յորքի Billie Holiday Theatre-ի «Եղբայրներ ներքևից» բեմադրությունում խաղալու համար[17]։

Ռադիո[խմբագրել | խմբագրել կոդը]

2009 թվականին Փիրսը հյուրընկալվել է Jazz at Lincoln Center հեռարձակման ազգային ծրագրին, որը «Փիբոդի» մրցանակի դափնեկիր է։ Դրա ժամանակ եթերում հնչում էին Jazz at Lincoln Center's House of Swing ձայնագրությունները։

Ծանոթագրություններ[խմբագրել | խմբագրել կոդը]

  1. ↑ 1,0 1,1 http://next.liberation.fr/cinema/2016/11/10/wendell-pierce-comme-un-ouragan_1527584
  2. ↑ 2,0 2,1 filmportal.de — 2005.
  3. ↑ «Wendell Pierce profile». Վերցված է 2013 թ․ հուլիսի 27-ին.
  4. ↑ «Seen and Heard in New York: Wendell Pierce, Cory Booker, Alan Rickman». Վերցված է 2013 թ․ հուլիսի 27-ին.
  5. ↑ 5,0 5,1 «Pierce's New Orleans». Վերցված է 2013 թ․ հուլիսի 27-ին.
  6. ↑ «Why "Treme" Star Wendell Pierce is Getting into the Supermarket Business». Վերցված է 2013 թ․ հուլիսի 27-ին.
  7. ↑ Associated Press (2008). «Actor wants to revive Pontchartrain Park». KATC Channel 3. Արխիվացված է օրիգինալից 2008 թ․ օգոստոսի 27-ին. Վերցված է 2008 թ․ օգոստոսի 27-ին.
  8. ↑ «Wendell Pierce Award Winning Actor and President of the Pontchartrain Park Community Development Corp» (PDF). Վերցված է 2013 թ․ հուլիսի 27-ին.
  9. ↑ «Alumni News». The Juilliard School. 2007 թ․ սեպտեմբեր. Արխիվացված է օրիգինալից 2011 թ․ նոյեմբերի 11-ին.
  10. ↑ «Wendell Pierce». All Movie Guide. The New York Times. Վերցված է 2012 թ․ ապրիլի 5-ին.
  11. ↑ «Wendell Pierce». IMDb. Վերցված է 2016 թ․ մայիսի 16-ին.
  12. ↑ «'Treme's' Antoine Batiste gets his horn sound from Rebirth's Stafford Agee». NOLA.com. Վերցված է 2016 թ․ մայիսի 16-ին.
  13. ↑ «Controversial Award-Winning Film». Արխիվացված է օրիգինալից 2013 թ․ հոկտեմբերի 2-ին. Վերցված է 2013 թ․ հուլիսի 22-ին.
  14. ↑ «NBC Announces Fall Premiere Dates for New Season». The Futon Critic. 2013 թ․ հունիսի 21. Վերցված է 2013 թ․ հուլիսի 3-ին.
  15. ↑ «Cast: Wendell Pierce». Արխիվացված է օրիգինալից 2010 թ․ սեպտեմբերի 29-ին. Վերցված է 2013 թ․ հուլիսի 27-ին.
  16. ↑ «New Orleans Natives Bring Home Tony Award». Արխիվացված է օրիգինալից 2015 թ․ հուլիսի 5-ին. Վերցված է 2013 թ․ հուլիսի 27-ին.
  17. ↑ Pierce, Wendell (Մարտի 5, 2015). «Wendell Pierce Back on Stage in 'Brothers From the Bottom» (Interview). Interviewed by Derrick Hemphill. nbcnews.com.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ուենդել Փիրս» հոդվածին։
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ուենդել_Փիրս&oldid=9825294» էջից