Jump to content

Արագընթաց գնացք

Վիքիպեդիայից՝ ազատ հանրագիտարանից
Արագընթաց գնացք
անգլ.՝ Bullet Train
Երկիր ԱՄՆ
Ժանրմարտաֆիլմ[1], վեպի էկրանավորում, թրիլեր[1] և կատակերգական էքշն ֆիլմ
ՀիմքԱրագընթաց գնացք
Թվականօգոստոսի 3, 2022[1][2], հուլիսի 18, 2022[3], օգոստոսի 4, 2022 և օգոստոսի 5, 2022
Լեզուանգլերեն
ՌեժիսորԴևիդ Լիթչ
ՊրոդյուսերԴևիդ Լիթչ և Անտուան Ֆուքուա
Սցենարի հեղինակZak Olkewicz?
ԴերակատարներԲրեդ Փիթ, Ջոյ Լին Քինգ, Էնդրյու Կոձի, Աարոն Թեյլոր-Ջոնսոն, Բրայան Թայրի Հենրի, Զազի Բիթց, Մասի Օկա, Մայքլ Շենոն, Լոգան Լերման, Հիրոյուկի Սանադա, Bad Bunny, Քերեն Ֆուկուհարա, Սանդրա Բուլոք, Պավել Լիչնիկով, Yoshi Sudarso?, Չաննինգ Տատում, Ռայան Ռեյնոլդս, Michelle Lee?, Դևիդ Լիթչ և Nancy Daly?
ՕպերատորՋոնաթան Սելա
ԵրաժշտությունԴոմինիկ Լյուիս
ՄոնտաժԷլիզաբեթ Ռոնալդսդոտիր
Պատմվածքի վայրՏոկիո, Կիոտո և Սինկանսեն
Նկարահանման վայրԼոս Անջելես և Sony Pictures Studios[4]
ԿինոընկերությունSony Pictures Entertainment
Տևողություն126 րոպե
Բյուջե90 000 000 $
Շահույթ239 246 943 $[5] և 103 346 943 $[6]
Պաշտոնական կայքէջ
 Bullet Train (film) Վիքիպահեստում

«Արագընթաց գնացք» (անգլ.՝ Bullet Train), 2022 թվականի ամերիկյան կատակերգական մարտաֆիլմ է, որի ռեժիսորն է Դևիդ Լիչը։ Այն հիմնված է Քոթարո Իսակայի 2010 թվականին հրատարակված «Մարիա Բիթլ» վեպի վրա։ Այս վեպը Իսակայի «Սպաներ» շարքի երկրորդ գիրքն է, որի առաջին գիրքը անցյալում նկարահնավել էր 2015 թվականի ճապոնական «Մորեխներ» ֆիլմում: Ֆիլմի սյուժեն կենտրոնացած է մի շարք վարձու մարդասպանների վրա, որոնք հայտնվում են միմյանց դեմ պայքարի մեջ JR Central Shinkansen գնացքում։

Ֆիլմի դերասանական կազմը ներառում է Բրեդ Փիթին, Ջոյ Լին Քինգին, Աարոն Թեյլոր-Ջոնսոնին, Բրայան Թայրի Հենրիին, Էնդրյու Կոջիին, Հիրոյուկի Սանադային, Մայքլ Շենոնին, Բեդ Բաննիին և Սանդրա Բուլոքին։

Հիմնական նկարահանումները սկսվել են Լոս Անջելեսում 2020 թվականի նոյեմբերին և ավարտվել 2021 թվականի մարտին։ Ֆիլմի պրեմիերան տեղի է ունեցել Փարիզում 2022 թվականի հուլիսի 18-ին և ԱՄՆ-ի կինոթատրոններում թողարկվել է 2022 թվականի օգոստոսի 5-ին՝ Sony Pictures Releasing ընկերության կողմից։

Ֆիլմը ստացել է խառը արձագանքներ քննադատներից. գովասանքի արժանացել են դերասանական կազմն ու կռվի տեսարանները, սակայն քննադատվել են սյուժեն և կերպարների ռասայական փոփոխությունները։ Ֆիլմն ունեցավ 239.3 միլիոն դոլարի համաշխարհային եկամուտ՝ 85.9–90 միլիոն դոլար բյուջեի դեպքում։

Սյուժե

[խմբագրել | խմբագրել կոդը]

Յուիչի Կիմուրան՝ հայտնի որպես «Հայր», նստում է Տոկիոյում գնացք՝ իր որդուն՝ Վատարուին, վնասած անձին գտնելու համար։ Այդ ընթացքում, գործակալ «Լեդիբագը»՝ Մարիա Բիթլի ուղեցույցով, ստանձնում է նույն գնացքից կանխիկ գումարով լի ճամպրուկը վերադարձնելու հանձնարարություն՝ փոխարինելով հիվանդ գործընկերոջը՝ Վարձկան (Կտրիչին): Լեդիբագը դժկամությամբ ընդունում է առաջադրանքը՝ իր վերջին անհաջողությունների շարքի պատճառով, որոնք հաճախ ավարտվել էին պատահական մահերով։

Գնացքում են նաև երկու բրիտանացի վարձու մարդասպան եղբայրներ՝ «Կիտրոնը» և «Տանժերինը», որոնք փրկել են մի մարդու՝ «Որդուն», առևանգողներից և այժմ ուղեկցում են նրան և ճամպրուկը իր հորը՝ «Սպիտակ մահ» մականունով ռուսական ծագումով Յակուձայի առաջնորդին։

Ճամփորդության ընթացքում Որդուն թունավորում են և նա մահանում է։ Լեդիբագը գաղտնի վերցնում է ճամպրուկը, բայց երբ փորձում է դուրս գալ գնացքից, նրա վրա հարձակվում է վարձու մարդասպան «Գայլը»։ Գայլը ճանաչում է Լեդիբագին իր հարսանիքից, որտեղ նրա կինը և բոլոր հյուրերը սպանվել էին։ Գայլը սխալմամբ կարծում է, որ Լեդիբագը նրա սպանողներից մեկն է։ Լեդիբագի հետ պայքարի ժամանակ Գայլը պատահաբար ինքն իրեն սպանում է՝ սխալ դաշույնի նետման արդյունքում։

Յուիչին գտնում է, թե ով է Վատարուին վնասողը՝ երիտասարդ մի աղջիկ՝ «Փրինս» կոդային անվամբ։ Սակայն Փրինսը խաբում է նրան։ Նա Յուիչիին խաբեությամբ գնացք է բերում, որպեսզի ստիպի նրան սպանել իր ղեկավարին՝ Սպիտակ մահին։ Յուիչիի հավատարմությունն ապահովելու համար Փրինսի ենթական պահում է Վատարուին հիվանդանոցում որպես պատանդ։

Լեդիբագը, ճանաչելով Կիտրոնին՝ Յոհաննեսբուրգում սխալ ընթացած աշխատանքի ժամանակ, առաջարկում է վերադարձնել ճամպրուկը՝ պայմանով, որ իրեն թույլ տան գնալ։ Սակայն Կիտրոնը կասկածում է, որ նա է սպանել Որդուն, և նա հարձակվում է Լեդիբագի վրա, որի արդյունքում Կիտրոնը զրկվում է գիտակցությունից, իսկ Լեդիբագը նրա ջուրին խառնում է քնաբեր։

Տանժերինը արթնացնում է Կիտրոնին, և նրանք բաժանվում են՝ գտնելու Լեդիբագին և նրան մեղադրելու Որդու սպանության մեջ։ Այդ ընթացքում Փրինսը գտնում է ճամպրուկը և պայթյունավտանգ մեխանիզմ է տեղադրում դրա մեջ, ինչպես նաև խախտում է Յուիչիի ատրճանակը, որի հետևանքով կրակելու դեպքում այն կպայթի։ Լեդիբագը հանդիպում է Տանժերինին և Սպիտակ մահի մարդկանցից ազատվելուց հետո նրան դուրս է նետում գնացքից։ Բայց Տանժերինին հաջողվում է կրկին բարձրանալ գնացք։

Կասկածելով Յուիչիին և Փրինսին, Կիտրոնը կրակում է Յուիչիի վրա և պատրաստվում է սպանել Իշխանուհուն, սակայն ուշաթափվում է քնաբեր ջուրը խմելուց հետո։ Փրինսը կրակում է Կիտրոնի վրա՝ կրծելով, որ սպանե է նրան և թաքցնում է նրան և Յուիչիին լոգարանում։

Լեդիբագը հանդիպում է մարդասպան «Ձիաբոռին», ով թունավորել էր թե՛ Գայլի հարսանիքի հյուրերին, թե՛ Որդուն՝ օգտագործելով բումսլանգ օձի թույնը։ Պայքարի ընթացքում երկուսն էլ ենթարկվում են թույնի ազդեցությանը, բայց Լեդիբագը հասցնում է ընդունել հակաթույնըի, ինչը հանգեցնում է Շյուղի մահվանը։

Տանժերինը հանդիպում է Փրինսին և նկատում Կիտրոնի նախազգուշացնող նկարներից մեկը նրա վրա, ինչից հասկանում է, որ Փրինսն է կրակել Լեմոնի վրա։ Լեդիբագը խանգարում է Տանժերինին և Փրինսին, ինչի ընթացքում Տանժերինը մահանում է՝ չհասցնելով սպանել նրա վրա։ Հաջորդ կայարանում Յուիչիի հայրը՝ «Ավագը», բարձրանում է գնացք։ Նա ճանաչում է Փրիսնի ձայնը և հայտնում, որ Վատարուն ապահով է, քանի որ աղջկա ենթական սպանվել է։

Փրինսը փախչում է, իսկ Ավագը պատմում է Լեդիբագին, որ մնալու է՝ առերեսվելու Սպիտակ մահին, ով սպանել էր իր կնոջը՝ Յակուձայի վերահսկողությունը զավթելու ժամանակ։ Գտնելով Յուիչիին և ողջ Կիտրոնին՝ նրանք միանում են Ավագին և պատրաստվում Սպիտակ մահի դեմ պայքարին։

Կիոտոյում Լեդիբագը Սպիտակ մահին է հանձնում ճամպրուկը։ Փրինսը, ով իրականում Սպիտակ մահի դուստրն էր, փորձում է ստիպել հորը կրակել իր վրա՝ օգտագործելով ծուղակավորված ատրճանակը, սակայն չի հաջողվում։

Սպիտակ մահը բացատրում է, որ բոլոր մարդասպանները և Որդին կապ ունեն իր կնոջ մահվան հետ։ Նա վարձել էր նրանց՝ հույս ունենալով, որ նրանք կսպանեն միմյանց, բայց տեղյակ չէր, որ իր կնոջ իսկական սպանողը՝ Կտրիչը, փոխարինվել էր Լեդիբագով։ Երբ Սպիտակ մահի ենթակաները բացում են ճամպրուկը, այն պայթում է՝ Սպիտակ մահին և Լեդիբագին հետ նետելով գնացք։

Սպիտակ մահի մնացած ենթակաները բարձրանում են գնացք և պայքարում մարդասպանների դեմ։ Ավագը մենամարտում է Սպիտակ մահի հետ։ Գնացքը վթարի է ենթարկվում Կիոտոյի կենտրոնում։ Վթարից դուրս գալով՝ Սպիտակ մահը, ով խոցվել էր Ավագի Կատականայով, փորձում է սպանել Լեդիբագին, բայց Փրինսի ծուղակավորված ատրճանակը պայթում է նրա դեմքին։

Փրինսը սպառնում է Լեդիբագին, Յուիչիին և Ավագին գնդացրով, բայց վրաերթի է ենթարկվում մանդարիններով լի թրեյլերով, որը վարում էր Լեմոնը։

Մարիան ժամանում է՝ վերցնելու Լեդիբագին, մինչ ճապոնացի իրավապահները սկսում են մաքրել գնացքի վթարի հետևանքով պատճառված ավերածությունները։

Դերերում

[խմբագրել | խմբագրել կոդը]

Բացի հիմնական դերասանական կազմից, Չենինգ Թաթումն ու Ռայան Ռեյնոլդսը ֆիլմում հայտնվում են առանց վերագրվող դերերի։ Ռեյնոլդսը համաձայնել է փոքրիկ դերին որպես շնորհակալություն Բրեդ Փիթին՝ իր մասնակցության համար Դեդփուլ 2 ֆիլմում, որը նույնպես Դևիդ Լիչի ռեժիսորությամբ է։

Դևիդ Լիչն ինքը նույնպես կարճատև հայտնվում է ֆիլմում՝ որպես 17-րդ անձը, որին սպանել են Կիտրոնը և Տանժերինը՝ փրկելով Որդուն[7]։

Արտադրություն

[խմբագրել | խմբագրել կոդը]

«Արագընթաց գնացք» ֆիլմի նախնական մշակմաբ զբաղվել է Անտուան Ֆուքուան՝ իր Fuqua Films ընկերության շրջանակներում[8]: Սկզբնապես այն նախատեսված էր որպես լուրջ մարտական ֆիլմ, սակայն մշակման ընթացքում նախագիծը վերածվել է թեթև, հումորային մարտաֆիլմի[9][10]:

2020 թվականի հունիսին հայտարարվեց, որ Sony Pictures-ը վարձել է Դևիդ Լիչին՝ Քոթարո Իսակայի սիքվել վեպի ադապտացիան նկարահանելու համար՝ Զակ Օլկևիչի սցենարով, իսկ հաջորդ ամիս Բրեդ Փիթը հրավիրվեց ֆիլմում նկարահանվելու համար[11]: Variety-ն տեղեկացրեց, որ Փիթը ստացել է 20 միլիոն դոլար հոնորար[12] : Դրանից հետո Ջոյ Լին Քինգը սկսեց բանակցությունները երկրորդական դերի համար, իսկ սեպտեմբերին նախագծին միացավ Էնդրյու Կոջին: Հոկտեմբերին կազմին միացան նաև Աարոն Թեյլոր-Ջոնսոնը և Բրայան Թայրի Հենրին:[13][14][15]

2020 թվականի նոյեմբերին հայտարարվեց, որ Զազի Բիթցը, Մասի Օկան, Մայքլ Շենոնը, Լոգան Լերմանը և Հիրոյուկի Սանադան նույնպես միացել են դերասանական կազմին: Դեկտեմբերին Լիչը հայտարարեց, որ Քերեն Ֆուկուհարան նույնպես կմասնակցի, իսկ Ջոնաթան Սելան կլինի ֆիլմի օպերատորը[16]: Նույն ամսին դերասանական կազմին միացավ նաև երգիչ Բեդ Բաննին (իր իսկական անունով՝ Բենիտո Ա. Մարտինես Օկասիո)[17]: 2021 թվականի փետրվարին Սանդրա Բուլոքը միացավ ֆիլմին՝ փոխարինելով Լեդի Գագային, ով ստիպված էր հեռանալ «Գուչիի տունը» (2021) ֆիլմի նկարահանման գրաֆիկի պատճառով[18][19]:

Նկարահանում

[խմբագրել | խմբագրել կոդը]

«Արագընթաց գնացք» ֆիլմի արտադրությունը սկսվել է 2020 թվականի հոկտեմբերին Լոս Անջելեսում։ Ֆիլմի արտադրական բյուջեն կազմել է մոտ 90 միլիոն դոլար։ Նկարահանումները պաշտոնապես սկսվել են 2020 թվականի նոյեմբերի 16-ին և ավարտվել 2021 թվականի մարտին։

Արտադրության ընթացքում կառուցվել են երեք ամբողջական գնացքի վագոններ, իսկ վագոնների պատուհանների շուրջ տեղադրվել են LED էկրաններ՝ ցուցադրելով Ճապոնիայի գեղատեսիլ բնությունը՝ դերասաններին ավելի լավ մթնոլորտ ապահովելու համար։ Սթանթերի օգնական Գրեգ Ռեմենտերը նշել է, որ Բրեդ Փիթը՝ ֆիլմի ընթացքում, անձամբ կատարել է իր հնարքների 95%-ը։

Թողարկում

[խմբագրել | խմբագրել կոդը]

Ֆիլմի սկզբնական թողարկման ամսաթիվը նախատեսված էր 2022 թվականի ապրիլի 8-ին, սակայն այն հետաձգվեց նախ 2022 թվականի հուլիսի 15-ին, ապա՝ հուլիսի 29-ին, և վերջապես՝ օգոստոսի 5-ին[20]: Ֆիլմի համաշխարհային պրեմիերան տեղի ունեցավ 2022 թվականի հուլիսի 18-ին Փարիզի Grand Rex կինոթատրոնում[21]:

Ֆիլմը թողարկվել է թվային տարբերակով 2022 թվականի սեպտեմբերի 27-ին, իսկ 4K UHD, Blu-ray և DVD ձևաչափերով՝ 2022 թվականի հոկտեմբերի 18-ին:

Ավելի ուշ ֆիլմը հասանելի դարձավ Նեթֆլիքս, Disney+ և Հուլու հարթակներում[22]։

Ընդունում

[խմբագրել | խմբագրել կոդը]

Եկամուտներ

[խմբագրել | խմբագրել կոդը]

«Արագընթաց գնացք»-ը վաստակել է 103.4 միլիոն դոլար ԱՄՆ-ում և Կանադայում և 135.9 միլիոն դոլար՝ այլ տարածաշրջաններում՝ համաշխարհային ընդհանուր եկամուտը հասցնելով 239.3 միլիոն դոլարի։

ԱՄՆ-ում և Կանադայում ֆիլմը թողարկվեց «Զատիկի կիրակի» ֆիլմի հետ միասին։ Կանխատեսվում էր, որ իր բացման շաբաթավերջին այն կվաստակի 26–30 միլիոն դոլար՝ ցուցադրվելով 4000-ից ավել կինոթատրոններում[23][24]։ Ֆիլմը բացման առաջին օրը վաստակեց 12.6 միլիոն դոլար, որից 4.6 միլիոնը՝ հինգշաբթի երեկոյան ցուցադրություններից։ Այն մեկնարկեց 30 միլիոն դոլարով և գլխավորեց վարձույթը[25]։ Երկրորդ շաբաթում ֆիլմն վաստակեց 13.4 միլիոն դոլար՝ պահելով առաջին տեղը[26]։ Երրորդ շաբաթում այն վաստակեց 8 միլիոն դոլար՝ իջնելով երրորդ տեղ[27]։

ԱՄՆ-ից և Կանադայից դուրս ֆիլմի ամենաշատ եկամուտ ապահոված շուկաները եղել են Մեծ Բրիտանիան, Ֆրանսիան, Մեքսիկան, Ավստրալիան և Իսպանիան։ Ճապոնիայում այն վաստակել է 7․09 միլիոն դոլար։

Քննադատների արձագանք

[խմբագրել | խմբագրել կոդը]

Rotten Tomatoes-ում ֆիլմը ստացել է 53% դրական գնահատական 342 քննադատի կողմից՝ միջին գնահատականը կազմելով 5.6/10։

Metacritic-ը ֆիլմին տվել է 49 միավոր 100-ից՝ հիմնվելով 61 քննադատի վրա, ինչը բնութագրվում է որպես «խառը կամ միջին արձագանքներ»[28] ։

CinemaScore-ի հարցումները հանդիսատեսին տվել են միջինում «B+» գնահատական A+ ից F սանդղակով, իսկ PostTrak-ը ֆիլմին տվել է 82% ընդհանուր դրական գնահատական, որից 63%-ը նշել են, որ «հաստատ խորհուրդ կտային» այն։

Կինոքննադատների կարծիք

[խմբագրել | խմբագրել կոդը]

Ռիչարդ Ռոփերը Chicago Sun-Times-ից ֆիլմը գնահատել է 3.5/4 աստղ, անվանելով այն «անտանելի զվարճալի» և գովելով դերասանական խաղը, արյունալի և ստեղծագործական գործողությունների տեսարանները, ինչպես նաև սցենարը[29] ։

Փիթեր Դեբրուժը Variety-ում գրել է. «Արագընթաց գնացք»-ից զգացվում է, որ այն ստեղծվել է նույն մոտեցմամբ, ինչ «Գողություն»-ը՝ հագեցած պոպ-ոճով։ Դա «Սպանել Բիլին»-ի պես մարտարվեստների, մանգայի և մարդասպանների մասին պատմությունների խառնուրդ է, սակայն առանց այն հեռանկարների և հումորի, որոնք նման ոճը ենթադրում է»[30]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 Blanc J. AlloCiné (ֆր.) — 1993.
  2. ↑ film distribution certificate database
  3. ↑ Bitton L. Brad Pitt à Paris pour «Bullet Train», première mondiale avec «le meilleur des meilleurs» (ֆր.) — Hachette Filipacchi Médias, Hachette, 2022. — ISSN 0397-1635; 0031-2029
  4. ↑ https://www.screendollars.com/studios-distributors/sony-columbia/
  5. ↑ https://www.boxofficemojo.com/releasegroup/gr2109559301/
  6. ↑ https://www.boxofficemojo.com/release/rl192905985/?ref_=bo_gr_rls
  7. ↑ Dayani, Aahil (2023-08-26). «Bullet Train: Did You Spot Director David Leitch's Hilarious Cameo?». Looper (ամերիկյան անգլերեն). Վերցված է 2024-03-18-ին.
  8. ↑ Fleming, Mike Jr. (June 24, 2020). «'Hobbs & Shaw' Helmer David Leitch Boards Sony's 'Bullet Train'». Deadline Hollywood. Արխիվացված է օրիգինալից November 14, 2020-ին. Վերցված է November 14, 2020-ին.
  9. ↑ Andrew Garfield (March 7, 2022). «"You can change every bit of you" Aaron Taylor-Johnson is pushing extremes». Hero. Արխիվացված օրիգինալից March 7, 2022-ին. Վերցված է January 1, 2023-ին.
  10. ↑ Fleming, Mike Jr. (May 20, 2022). «Sony Chairman Tom Rothman Paddles Upstream To Keep Focus On Traditional Cinema — Deadline Disruptors». Deadline Hollywood. Արխիվացված է օրիգինալից May 15, 2022-ին. Վերցված է June 2, 2022-ին.
  11. ↑ Fleming, Mike Jr. (July 6, 2020). «Brad Pitt Commits To Board 'Bullet Train'; David Leitch To Helm Sony Pictures Action Film». Deadline Hollywood. Արխիվացված է օրիգինալից July 6, 2020-ին. Վերցված է November 14, 2020-ին.
  12. ↑ Donnelly, Matt (18 August 2021). «From Daniel Craig to Dwayne Johnson, Inside the Biggest Movie Stars' Salaries». Variety. Արխիվացված օրիգինալից August 18, 2021-ին. Վերցված է August 5, 2022-ին.
  13. ↑ Kroll, Justin (August 3, 2020). «'The Kissing Booth' Star Joey King Turns Assassin Opposite Brad Pitt in Sony's 'Bullet Train'». Deadline Hollywood. Արխիվացված է օրիգինալից November 17, 2020-ին. Վերցված է November 14, 2020-ին.
  14. ↑ Kroll, Justin (October 22, 2020). «Aaron Taylor-Johnson Joins Brad Pitt In Sony's Action Pic 'Bullet Train'». Deadline Hollywood. Արխիվացված է օրիգինալից November 2, 2020-ին. Վերցված է November 14, 2020-ին.
  15. ↑ Kroll, Justin (October 28, 2020). «Brian Tyree Henry Joins Brad Pitt In Sony Action Pic 'Bullet Train'». Deadline Hollywood. Արխիվացված է օրիգինալից November 2, 2020-ին. Վերցված է November 14, 2020-ին.
  16. ↑ David Leitch on Instagram. December 4, 2020. Արխիվացված է օրիգինալից December 26, 2021-ին. Վերցված է December 4, 2020-ին – via Instagram.
  17. ↑ Kroll, Justin (December 16, 2020). «Bad Bunny Joins Brad Pitt In Sony Action Pic 'Bullet Train'». Deadline Hollywood. Արխիվացված է օրիգինալից January 8, 2021-ին. Վերցված է December 16, 2020-ին.
  18. ↑ Kroll, Justin (February 9, 2021). «Sandra Bullock Joins Brad Pitt In Sony's Action Movie 'Bullet Train'». Deadline Hollywood. Արխիվացված է օրիգինալից February 10, 2021-ին. Վերցված է February 9, 2021-ին.
  19. ↑ Romano, Nick (2022-05-13). «Bullet Train director explains why Lady Gaga role didn't work out». Entertainment Weekly. Վերցված է 2022-09-28-ին.
  20. ↑ D'Alessandro, Anthony (May 12, 2022). «'Bullet Train' Moves A Week Later This Summer». Deadline Hollywood. Արխիվացված է օրիգինալից May 13, 2022-ին. Վերցված է May 12, 2022-ին.
  21. ↑ Mizzy, Sugar (July 19, 2022). «Brad Pitt in Paris for "Bullet Train", world premiere with "the best of the best"». europe-cities.com. Արխիվացված օրիգինալից August 5, 2022-ին. Վերցված է August 4, 2022-ին.
  22. ↑ Couch, Aaron (2021-04-21). «Sony Films Will Move to Disney After Netflix Window Expires». The Hollywood Reporter. Վերցված է 2023-03-24-ին.
  23. ↑ Rubin, Rebecca (August 2, 2022). «Box Office: Brad Pitt's 'Bullet Train' Targets $30 Million Opening Weekend». Variety. Արխիվացված օրիգինալից August 3, 2022-ին. Վերցված է August 3, 2022-ին.
  24. ↑ Fuster, Jeremy (August 3, 2022). «'Bullet Train' Expected to Be the Final Movie This Summer to Exceed $15 Million Box Office Opening». TheWrap. Արխիվացված օրիգինալից August 3, 2022-ին. Վերցված է August 3, 2022-ին.
  25. ↑ D'Alessandro, Anthony (August 7, 2022). «'Bullet Train' Pulls Into Weekend Box Office Station With $30.1M Opening – Sunday Update». Deadline Hollywood. Արխիվացված է օրիգինալից August 7, 2022-ին. Վերցված է August 7, 2022-ին.
  26. ↑ D'Alessandro, Anthony (August 14, 2022). «'Bullet Train' Second Go-Round Now At $13.4M As Summer 2022 Clocks Lowest Weekend To Date With $64M – Saturday PM Box Office Update». Deadline Hollywood. Արխիվացված է օրիգինալից August 13, 2022-ին. Վերցված է August 14, 2022-ին.
  27. ↑ D'Alessandro, Anthony (August 21, 2022). «'Dragon Ball Super: Super Hero' Opens To $20M+: How Crunchyroll Pulled Off A No. 1 Box Office Win Via Non-Traditional Means — Sunday AM Update». Deadline Hollywood. Արխիվացված է օրիգինալից August 19, 2022-ին. Վերցված է August 21, 2022-ին.
  28. ↑ «Bullet Train Reviews». Metacritic. Արխիվացված օրիգինալից August 2, 2022-ին. Վերցված է August 5, 2022-ին.
  29. ↑ Roeper, Richard (August 2, 2022). «Wildly entertaining 'Bullet Train' handles its plot turns with finesse». Chicago Sun-Times. Արխիվացված օրիգինալից August 3, 2022-ին. Վերցված է August 3, 2022-ին.
  30. ↑ Debruge, Peter (2 August 2022). «'Bullet Train' Review: Brad Pitt Leads This Gleefully Overloaded, High-Speed Battle Royal». Variety. Արխիվացված օրիգինալից August 3, 2022-ին. Վերցված է August 3, 2022-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Արագընթաց գնացք» հոդվածին։
Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Արագընթաց_գնացք&oldid=10160039» էջից