Ազատությունը բարիկադներում
 | |
|---|---|
 | |
| տեսակ | գեղանկար |
| նկարիչ | Էժեն Դելակրուա[1] |
| տարի | 1830[1] |
| բարձրություն | 260 սանտիմետր[2] |
| լայնություն | 325 սանտիմետր[1] |
| ստեղծման վայր | Փարիզ |
| ստեղծման երկիր | .svg){kind=small} Ֆրանսիա |
| ուղղություն | ռոմանտիզմ[3] |
| ժանր | պատմական գեղանկարչություն |
| նյութ | յուղաներկ և կտավ |
| գտնվում է | Սենյակ 700[4] |
| հավաքածու | Լուվրի գեղանկարի բաժին |
| սեփականատեր | Էժեն Դելակրուա և Ֆրանսիական պետություն |
| հիմնական թեմա | Հուլիսյան հեղափոխություն |
| մակագրություն | Eug. Delacroix 1830 |
պատկերված են
| |
| https://www.wga.hu/html_m/d/delacroi/2/208delac.html կայք | |
Ծանոթագրություններ | |
 La Liberté guidant le peuple (RF 129) by Eugène Delacroix Վիքիպահեստում | |
«Ժողովրդին առաջնորդող ազատությունը» (ֆր.՝ La Liberté guidant le peuple) կամ «Ազատությունը բարիկադներում», ֆրանսիացի նկարիչ Էժեն Դելակրուայի վրձնին պատկանող նկարը, որը ստեղծվել է 1830 թվականին։ Նկարում պատկերված է Ֆրանսիայի Հուլիսյան հեղափոխությունից մի դրվագ։
Ստեղծման պատմություն
[խմբագրել | խմբագրել կոդը]Էժեն Դելակրուան կտավը ստեղծել է 1830 թվականի հուլիսյան հեղափոխության մոտիվներով, երբ ժողովուրդը պայքարում էր ընդդեմ Բուրբոնների կառավարության։ Բազմաթիվ էսքիզներ անելուց հետո, Դելակրուային պահանջվեց ընդամենը երեք ամիս, որպեսզի ավարտին հասցնի այս աշխատանքը։ 1830 թվականի հոկտեմբերի 12-ին եղբորը հասցեագրված նամակում կարդում ենք. «Եթե ես չմարտնչեցի վասն հայրենյաց, ուրեմն գոնե կնկարեմ նրա համար»։
Ցուցադրում
[խմբագրել | խմբագրել կոդը]Առաջին անգամ «Ժողովրդին առաջնորդող ազատությունը» կտավը հասարակությանը ցուցադրվել է 1831 թվականի մայիսին, երբ այն տեղադրվեց Փարիզյան սալոնում։ Հենց այդ օրերին էլ բոլորի հիացմունքին արժանացած կտավը գնվեց հանրապետության կողմից։ Փարիզյան սալոնի և Դելակրուայի աշխատանքից ստացած տպավորությունների մասին պատմել է Հայնրիխ Հայնեն[5]։ Հեղափոխական սյուժեի պատճառով կտավը առաջիկա քառորդ դարի ընթացքում չցուցադրվեց հասարակության համար։
Սյուժե
[խմբագրել | խմբագրել կոդը]Նկարի գլխավոր՝ կենտրոնական դիրքում պատկերված է կին, որը խորհրդանշում է ազատությունը։ Կնոջ գլխին փռյուգիական թասակ է դրած։ Աջ ձեռքում Ֆրանսիայի Հանրապետության դրոշն է։ Ձախ ձեռքով բռնել է հրացանը։ Հոլանի կուրծքը խորհրդանշում է այդ ժամանակի Ֆրանսիայում ընդունված անձնուրացությունը, երբ կանայք «մերկ կրծքով» գնում էին ընդդեմ թշնամու։ Ազատության կողքին գտնվող մարդիկ նույնպես խորհրդանշական իմաստ ունեն. այստեղ պատկերված են աշխատավոր, բուրժուա, ինչպես նաև պատանի, որոնք խորհրդանշում են հուլիսյան հեղափոխության ժամանակ բոլոր դասակարգերի միասնությունը։
Ըստ որոշ արվեստագետների մեկնության, նկարի ձախ կողմում գտնվող գլանագլխարկով տղամարդը հենց ինքը նկարիչ Էժեն Դելակրուան է։
Հետաքրքիր փաստեր
[խմբագրել | խմբագրել կոդը]1999 թվականին «Ազատությունը» կատարեց ուղևորություն Airbus Բելուգա ինքնաթիռով։ Վերջինս Փարիզից մեկնեց դեպի Տոկիո՝ երկու անգամ կանգ առնելով՝ մեկը Բահրեյնում, մյուսը՝ Կալկաթայում։ 20 ժամ տևեց ընդհանուր ուղևորությունը։ Բոյինգ 747-ի համար նկարի չափերը բավականին մեծ էին ( 2,66 մետր բարձրությունը, 3,25 լայնությունը), ուստի այն տեղափոխվեց ուղղահայաց դիրքով իզոթերմիկ բարոխցիկի մեջ տեղադրված վիճակում, որպեսզի պաշտպանվի վիբրացիաներից։
2013 թվականի փետրվարի 7-ին «Louvre-Lens» թանգարանի այցելուներից մեկը վանդալիզմի ենթարկեց «Ժողովրդին առաջնորդող ազատությունը» կտավը՝ մարկերով գրոտելով այն։ Դրա համար ձերբակալվեց[6]։ Փետրվարի 8-ին վերականգնող մասնագետները վերականգնեցին նկարը՝ ծախսելով գրեթե երկու ժամ։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 https://www.louvre.fr/en/oeuvre-notices/july-28-liberty-leading-people
- ↑ http://www.louvre.fr/en/oeuvre-notices/july-28-liberty-leading-people
- ↑ https://www.louvre.fr/oeuvre-notices/le-28-juillet-la-liberte-guidant-le-peuple
- ↑ Atlas (ֆր.)
- ↑ Генрих Гейне. Собрание сочинений в десяти томах. М.; Государственное издательство художественной литературы, 1958. Том V, стр. 188-191.
- ↑ «Во Франции задержана женщина, исписавшая маркером картину Делакруа «Свобода на баррикадах» - Газета.Ru | Новости культуры». Արխիվացված օրիգինալից 2013 թ․ փետրվարի 11-ին. Վերցված է 2013 թ․ փետրվարի 10-ին.
Արտաքին հղումներ
[խմբագրել | խմբագրել կոդը]- Сайт об Эжене Делакруа Արխիվացված 2012-12-30 Wayback Machine
- Louvre
 Արտաքին տեսաֆայլեր
| |
|---|---|
|
|
Liberty Leading the People, Accidental Icon? (26 min), Canal Educatif. |
- Podcast of BBC Radio 4's In Our Time on Delacroix's Liberty Leading the People
- Eugène Delacroix (1798–1863): Paintings, Drawings, and Prints from North American Collections. Full text exhibition catalog from The Metropolitan Museum of Art, which discusses the painting.
- Romanticism in France Delacroix's Liberty Leading the People Արխիվացված 2014-03-10 Wayback Machine From smarthistory.
- ArtSleuth: Liberty Leading the People, accidental icon ? Video analysis.
 | Վիքիպահեստն ունի նյութեր, որոնք վերաբերում են «Ազատությունը բարիկադներում» հոդվածին։ |
| ||||||
