Is This the World We Created...?

Վիքիպեդիայից՝ ազատ հանրագիտարանից
Jump to navigation Jump to search
«Is This the World We Created…?»
Քուինի սինգլը
«The Works» ալբոմից
ԹողարկվածՓետրվարի 23, 1984
ԺանրՖոլկ ռոք
ԵրգահանՖրեդի Մերկուրի
Բրայան Մեյ
Տևողություն2:13
ԼեյբլՄեծ Բրիտանիա EMI/Parlophone
Ամերիկայի Միացյալ Նահանգներ Capitol, Hollywood Records
ՊրոդյուսերՔուին
Ռեյնհոլդ Մակ

«Is This the World We Created…?», բրիտանական Քուին ռոք խմբի երգը, որը սկզբնապես թողարկվել է «The Works» ալբոմում 1984 թվականին:

Համերգների ժամանակ կատարվում էր 1984-1986 թվականներին: Ընդգրկված է Live Aid համերգի եզրափակիչ հատվածում: Ալբոմի ամենակարճատև երգն է[1][2]:

Պատմություն[խմբագրել | խմբագրել կոդը]

«Is This the World We Created…?» երգը ստեղծվել է Մյունխենում դրանից հետո, երբ Ֆրեդի Մերկուրին և Բրայան Մեյը լսել են Աֆրիկայում աղքատության մասին: Մերկուրին գրել է հիմնական տեքստը, Մեյը այն լրացրել և դարձել է երաժշտության հեղինակը:

Երգը ձայնագրվել է Ovation կիթառի վրա, սակայն կենդանի կատարումների ժամանակ Մեյը օգտագործել է թմբկահար Ռոջեր Թեյլորի գործիքը՝ Gibson Chet Atkins CE, որի առանձնահատկությունը նեյլոն[3] լարերն են: Դաշնամուրի հատվածը օգտագործվել է ձայնագրման ժամանակ, սակայն վերջնական տարբերակի մեջ չի մտել:

«The Works» ալբոմը ավարտվում է «Is This the World We Created…?» երգով, սակայն սկզբում ենթադրվում էր, որ ալբոմի վերջին երգը կդառնա «There Must Be More to Life Than This» երգը (ընդգրկված է Մերկուրիի դեբյուտային «Mr. Bad Guy» ալբոմում):

Երգը կատարվել է 1986 թվականին Ուեմբլի մարզադաշտում դեղի ունեցած հայտնի Live Aid համերգի ժամանակ՝ Մեյի և Մերկուրիի կողմից:

Քավերներ[խմբագրել | խմբագրել կոդը]

Երգը ընդգրկված է Էլեն Փեյջի «The Queen Album» տրիբյուտ ալբոմում, որը նվիրված է Քուին խմբին և թողարկվել է 1988 թվականին: Անդրեա Կոռը, ով The Corrs կելտական ֆոլկ ռոք և փոփ ռոք խմբի վոկալիստն է, Մեյի նվագակցմամբ կատարել է երգը Նելսոն Մանդելայի 90-ամյակի առիթով:

Ծանոթագրություններ[խմբագրել | խմբագրել կոդը]

  1. «The Works - Queen | Songs, Reviews, Credits»։ AllMusic (en-us)։ Վերցված է 2019-11-28 
  2. «Is This The World We Created...? - Queen | Song Info»։ AllMusic (en-us)։ Վերցված է 2019-11-28 
  3. նյութերի պոլիմերացումով ստացվող սինթետիկ մանրաթել