Don't Wake Me Up

Վիքիպեդիայից՝ ազատ հանրագիտարանից
Jump to navigation Jump to search
«Don't Wake Me Up»
«Don't Wake Me Up» սինգլի շապիկը (Քրիս Բրաուն, )
Քրիս Բրաունի սինգլը
«Fortune» ալբոմից
ԹողարկվածՄայիսի 18, 2012 (2012-05-18)
ՖորմատԹվային ներբեռնում
ԺանրEDM
Տևողություն3:42
ԼեյբլRCA Records
ՊրոդյուսերԲենի Բենասի, Ալե Բենասի, Ժան-Բատիստ, Վիլյամ Օրբիթ, Բրայան Քենեդի
Քրիս Բրաունի սինգլների ժամանակագրություն
«Put It Down»
(2012)
«Don't Wake Me Up»
(2012)
«Don't Judge Me»
(2012)

«Don't Wake Me Up», ամերիկացի R&B երգիչ Քրիս Բրաունի երգն է։ Այն թողարկվել է 2012 թվականի մայիսի 18-ին RCA Records լեյբլի կողմից, որպես նրա «Fortune» (2012) կոչվող հինգերորդ ստուդիական ալբոմի չորրորդ սինգլ։

Երգի հիմնականում ստացել է դրական արձագանքներ երաժշտական քննադատների կողմից և ունեցել է կոմերցիոն հաջողություններ։ Երգը ընդգրկվել է Ավստրալիայի, Ավստրիայի, Հունգարիայի, Իռլանդիայի, Ճապոնիայի, Նորվեգիայի և Մեծ Բրիտանիայի հիթ շքերթների տասնյակներում, ինչպես նաև ամերիկյան Billboard Hot 100-ի տասնյակում։ Երգի տեսահոլովակի, որի ռեժիսորն է Քոլին Թիլին, թողարկվել է 2012 թվականի հունիսի 11-ին։

Նախապատմություն և թողարկում[խմբագրել | խմբագրել կոդը]

Երգը ի սկզբանե գրվել է Մադոննայի համար

«Don't Wake Me Up» երգը գրվել է Ալեն Ուայթի, Ալե Բենասիի, Բրայան Քենեդիի, Քրիս Բրաունի, Ժան-Բատիստի, Բենի Բենասիի, Մայքլ Մակ Հենրիի, Նիք Մարշի, Պրիսցիլա Համիլթոնի, Ռայան Բուենդիայի և Վիլյամ Օրբիթի կողմից։ Այն ի սկզբանե նախատեսված է եղել ամերիկացի երգչուհի Մադոննայի «MDNA» ալբոմի համար, սակայն ժամանակի սղության պատճառով նա չի կարողացել ձայնագրել երգը և համահեղինակ Վիլյամ Օրբիթը այն տվել է Քրիս Բրաունին[1][2]։ Երբ 2012 թվականի հունվարին երգի ոչ պաշտոնական տարբերակը հայտնվել է համացանցում[3], մի շարք կայքեր սկսել են գրել, որ երգի պրոդյուսերն է ֆրանսիացի դիջեյ Դեյվիդ Գետտան։ Սակայն նա իր Ֆեյսբուքի և Թվիթթերի էջերում հերքել այդ լուրը[4], քանի որ երգի պրոդյուսերներն են Բենի Բենասին, Ալե Բենասին, Ժան-Բատիստը, Վիլյամ Օրբիթը և Բրայան Քենեդին։

2012 թվականի մայիսի 12-ին Քրիս Բրաունը իր Թվիթթերի էջում գրում է, որ «Don't Wake Me Up» երգը նա թողարկելու որպես «Fortune» ալբոմի հաջորդ սինգլ[5]։ Մայիսի 18-ին այն թողարկվում է որպես ալբոմի չորրորդ սինգլ[6]։

Քննադատների արձագանքներ[խմբագրել | խմբագրել կոդը]

Երգը հիմնականում դրական արձագանքներ է ստացել երաժշտական քննադատների կողմից։ Բրիտանական Digital Spy կայքի լրագրող Լյուիս Քորները երգին տվել է 5/5 աստղ և այն անվանել է «այս ամառվա ամենամեծ հիթը»[1]։ Time ամսագրի լրագրող Մելիսա Լոքերը գրել է, որ «Don't Wake Me Up» և «Turn Up the Music» երգերը միակ հավանական հիթերն են «Fortune» ալբոմից[7]։ AOL Radio օնլայն ռադիոյի լրագրող Ֆիլ Կուկավինսկին գրել է, որ երգը «հանգստի և էներգետիկայի գեղեցիկ համադրում է», և շարունակելով իր հոդվածը նշել է, որ սա այն երգերից է, որը կատարյալ ձևով է միավորել այդ երկուսը[8]։ Idolator կայքի լրագրող Ռոբբի Դաուն գրել է, որ եթե ընթերցողները սիրում են Auto-Tune երգեր, ապա չեն հիասթափվի այս երգը լսելուց[9]։

Տեսահոլովակ[խմբագրել | խմբագրել կոդը]

Երգի տեսաահոլովակը, որի ռեժիսորն է Քոլին Թիլին, նկարահանվել է 2012 թվականի մայիսի 14-ին[10]։ Հաջորդ օրը համացանցում հայտնվում են տեսահոլովակի նկարահանումների առաջին լուսանկարները[10], իսկ հունիսի 11-ին կայանում է տեսահոլովակի պրեմիերան[11]։ Տեսահոլովակի նկարահանումների ընթացքի տեսանյութը տեղադրվել է Քրիս Բրաունի VEVO էջում հունիսի 26-ին, 2012[12]։

Սյուժե[խմբագրել | խմբագրել կոդը]

Տեսահոլովակի սկզբում Քրիս Բրաունը կանգնած է անապատում, իսկ նրա ետևում մայրամուտ է։ Հաջորդ կադրում նա արթնանալով ննջանարանում նկատում է մի խորհրդավոր աղջկա, ով բացում է նրա կողքին գտնվող երեք դռներից մեկը։ Յուրաքանչյուր դռան վրա պատկերված են հիերոգլիֆներ։ Նա գնում է այդ աղջկա ետևից և նրանք հայտնվում է լաբիրինթոս այգում։ Այնուհետև Քրիսը կրկին վերադառնում է ննջարան, որտեղ աղջիկը բացում է երկրորդ դուռը, իսկ նա գնում է նրա ետևից։ Նրանք հայտնվում են ամպերի մեջ գտնվող մի քաղաքում, որտեղ ավելի ուշ նրան հարվածում է ջրի ալիքը և ետ է ուղարկում ննջարան։ Նա այնուհետև մտնում է երրորդ դռնով և հայտնվում է մի անապատում, որտեղ վարում է մեքենա։ Նա մեքենայով մրցակցության մեջ է մտնում աղջկա հետ, սակայն չնկատելով «ճանապարհը փակ է» զգուշացումը, հարվածում է դրան և ընկնում է ձորը։ Տեսահոլովակը, ապա ավարտվում է նրանով, որ նա և աղջիկը պառկած են անկողնում, իսկ նրանց գլխին միացված է էլեկտրոդ։

Հիթ շքերթներ[խմբագրել | խմբագրել կոդը]

Շաբաթական հիթ շքերթներ[խմբագրել | խմբագրել կոդը]

Հիթ շքերթ (2012-13) Զբաղեցրած
տեղ
Ավստրալիա (ARIA) 2
Ավստրիա (Ö3 Austria Top 40) 1
Բելգիա (Ultratop 50 Flanders) 12
Բելգիա (Ultratop 50 Wallonia) 17
Բրազիլիա (Billboard Brasil Hot 100) 55
Բրազիլիա (Hot Pop Songs) 16
Կանադա (Canadian Hot 100) 22
Չեխիա (IFPI) 34
Դանիա (Tracklisten) 16
Ֆրանսիա (SNEP) 11
Գերմանիա (Media Control Charts) 11
Հունգարիա (Rádiós Top 40) 8
Իռլանդիա (IRMA) 4
Ճապոնիա (Japan Hot 100) 9
Լյուքսեմբուրգ (Billboard) 6
Նիդերլանդներ (Dutch Top 40) 34
Նոր Զելանդիա (Recorded Music NZ) 2
Նորվեգիա (VG-lista) 8
Սլովակիա (IFPI) 27
Իսպանիա (PROMUSICAE) 31
Շոտլանդիա (Scottish Singles Chart) 1
Շվեդիա (Sverigetopplistan) 20
Շվեյցարիա (Schweizer Hitparade) 12
Մեծ Բրիտանիա (UK Singles Chart) 2
ԱՄՆ (Billboard Hot 100) 10
ԱՄՆ (Billboard Adult Top 40) 30
ԱՄՆ (Billboard Dance/Mix Show Airplay) 5
ԱՄՆ (Billboard Hot Dance Club Songs) 12
ԱՄՆ (Billboard Mainstream Top 40) 6
ԱՄՆ (Billboard Rhythmic) 2

Տարեվերջի հիթ շքերթներ[խմբագրել | խմբագրել կոդը]

Հիթ շքերթ (2012) Տեղ
Ավստրալիա (ARIA) 46
Ավստրիա (Ö3 Austria Top 40) 38
Բելգիա (Ultratop 50 Flanders) 49
Բելգիա (Ultratop 40 Wallonia) 89
Գերմանիա (Media Control AG) 62
Հունգարիա (Rádiós Top 40) 81
Նոր Զելանդիա (RIANZ) 40
Շվեյցարիա (Schweizer Hitparade) 64
Մեծ Բրիտանիա (UK Singles Chart) 37
ԱՄՆ (Billboard Hot 100) 56
ԱՄՆ (Billboard Pop Songs) 48

Ծանոթագրություններ[խմբագրել | խմբագրել կոդը]

  1. 1,0 1,1 Corner Lewis (2012-06-13)։ «Chris Brown: 'Don't Wake Me Up' – Single Review»։ Digital Spy։ Hachette Filipacchi Médias։ Վերցված է 2012 թ․ հունիսի 16 
  2. Corner Lewis (2012-05-28)։ «Madonna's best 'MDNA' songs handed to Chris Brown, says William Orbit»։ Digital Spy։ Hachette Filipacchi Médias։ Վերցված է 2012 թ․ սեպտեմբերի 5–ին 
  3. «New Music: Chris Brown 'Don't Wake Me Up'»։ Vibe։ Vibe Media։ 2012-05-12։ Վերցված է 2012 թ․ մայիսի 31 
  4. Gruger William (2012-05-24)։ «Lady Gaga's 'Simpsons' Turn, Tour Controversy Spark Billboard Chart Gain»։ Billboard։ Prometheus Global Media։ Վերցված է 2012 թ․ հունիսի 2 
  5. Daniels Colin (2012-05-13)։ «Chris Brown's David Guetta collaboration 'Don't Wake Me Up'»։ Digital Spy։ Hachette Filipacchi Médias։ Վերցված է 2012 թ․ մայիսի 31 
  6. «iTunes – Music – Don't Wake Me Up – Single by Chris Brown»։ iTunes Store (Australia)։ Apple։ Վերցված է 2012 թ․ մայիսի 31 
  7. Locker Melissa (2012-07-03)։ «Chris Brown's Fortune Album Review: A Mix of Bangers and Ballads, But Not Regrets»։ Time։ Time Inc։ Վերցված է 2012 թ․ սեպտեմբերի 6–ին 
  8. Kukawinski Phil (2012-05-22)։ «Chris Brown, 'Don't Wake Me Up' – New Song»։ AOL Radio։ AOL։ Վերցված է 2012 թ․ մայիսի 31 
  9. Daw Robbie (2012-05-11)։ «UPDATED: Chris Brown’s “Don’t Wake Me Up”: Breezy Hits the Dance Floor»։ Idolator։ Buzz Media։ Վերցված է 2012 թ․ մայիսի 31 
  10. 10,0 10,1 «Chris Brown Heats Up the Desert in 'Don't Wake Me Up' Video»։ Rap-Up։ Devin Lazerine։ 2012-05-15։ Վերցված է 2012 թ․ մայիսի 31 
  11. Corner Lewis (2012-06-11)։ «Chris Brown releases new single 'Don't Wake Me Up' music video»։ Digital Spy։ Hachette Filipacchi Médias։ Արխիվացված է օրիգինալից 2012-11-29-ին 
  12. «Go Behind the Scenes of Chris Brown's 'Don't Wake Me Up' Video»։ Vibe։ 2012-06-27։ Վերցված է 2014 թ․ նոյեմբերի 23–ին 

Արտաքին հղումներ[խմբագրել | խմբագրել կոդը]