Քսանթագ

Գյուղ
Քսանթագ
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բաբերդի գավառակ
Այլ անվանումներ	Կազանդակ, Քըսանթա, Քսանդա, Քսանթա, Քսանթաց, Քսնթաց
Պաշտոնական լեզու	Հայերեն
Բնակչություն	8657 մարդ (2018)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Քսանթագ, գյուղ Արևմտյան Հայաստանում, Էրզրումի վիլայեթի Բաբերդի գավառակում։ Գտնվում էր Բաբերդ քաղաքից 30 կմ հարավ-արևմուտք, Ճորոխ գետի աջ կողմի Լոռի վտակի ափին։

Անվան ստուգաբանություն

Գյուղի անվանումը առաջացել է գյուղի վանքերում պահված թագերի քանակից, որոնց թիվը 20-ն էր։

Պատմություն

1895 թվականի հայկական կոտորածների ժամանակ թուրքերը սրախողխող են արել 400 մարդու։ Փրկվածները, որոնք մեծ մասամբ կանայք էին, հավատափոխ են արվելլ։ Գյուղի եկեղեցին վերածվել է մզկիթի։ 1915 թվականին ողջ հայերեին բռնագեղթեցրել են և գյուղում բնակություն են հաստատել թուրքեր։

Բնակչություն

1872-1873 թվականներին ուներ 86 տուն, 1909 թվականին` 158 տուն հայ բնակիչ։

Պատմամշակութային կառույցներ

Քսանթագն ուներ Ս. Աստվածածին եկեղեցին, որը 1895 թվականին վերածվել է մզկիթի։ Գյուղում է գտնվել Քսանթագ վանքը, որն ունեցել է 20 վանք-եկեղեցի և յուրաքանչյուրում պահված էր մեկ թագ։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Էրզրումի նահանգի հայաբնակ բնակավայրեր