Լսոնք

Գյուղ
Լսոնք
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բաբերդի գավառակ
Այլ անվանումներ	Լըսհոնք, Լսհոնք, Լուշոնք, Լուսահոնք, Լուսհանք, Լուսհոնգ, Լուսհոնք, Լուսոնք
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Լսոնք, գյուղ Արևմտյան Հայաստանում, Էրզրումի վիլայեթի Բաբերդի գավառակում։ Գտնվում է Բաբերդ քաղաքից 16 կմ արևելք, Ճորոխ գետի աջ ափին` նրա վտակ Լսոնք գետի ափին։

Աշխարհագրություն

Տարածքը լեռնային դաշտավայր էր։

Պատմություն

Գյուղում մինչև 1914 թվականը ամեն տարի մեծ հանդիսավորությամբ նշվում էր «Գիւտ նշխարաց» տոնը, որի մասնակցում էին նաև շրջակա գյուղերի բնակիչները։

1895 թվականի կոտորածների ժամանակ գյուղում սպանդի զոհ է դառնում 30 մարդ։ 1915 թվականի Մեծ եղեռնի ժամանակ գյուղը հիմնատակ է արվում, բանկչության մեծ մասը կոտորվում, իսկ կենդանի մնացածները ապաստանում են այլ երկրներում։

Բնակչություն

1872-1873 թվականներին ուներ 59 տուն, որից 57 տուն` միայն հայ բնակիչ, իսկ 1914 թվականին ուներ 130 տուն միայն հայ բնակիչ։

Տնտեսություն

Բնակչության հիմնական զբաղմունքը այգեգործություն, անասնապահություն, հողագործությունն ու արհեստներն էր։

Պատմամշակութային կառույցներ

Լսոնքն ուներ Ս. Աստվածածին եկեղեցի և Ս. Լուսավորիչ վանք։ Վանքը կառուցվել էր Թուրքիայի արքունական նշանավոր ճարտարապետ Կարապետ Պալյանի միջոցներով։

Կրթություն

Գյուղում 1870-ական թվականներից սկսած գործում էր Ղազարյան երսեռ վարժարանը, որն ուներ մոտ 200 աշակերտ։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Էրզրումի նահանգի հայաբնակ բնակավայրեր

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 596)։