Տիգրան Քեոսայան
 Тигра́н Эдмо́ндович Кеосая́н | |
|---|---|
.jpg) Տիգրան Քեոսայանը 2009 թվականին | |
| Ծնվել է | հունվարի 4, 1966 (57 տարեկան) |
| Ծննդավայր | Մոսկվա, ԽՍՀՄ |
| Կրթություն | Մոսկվայի Գերասիմովի անվան կինեմատոգրաֆիայի ինստիտուտ |
| Քաղաքացիություն |  ԽՍՀՄ և  Ռուսաստան |
| Գործունեության տարիներ | 1983-ից մինչ օրս |
| Ազգություն | Հայ |
| Մասնագիտացում | կինոռեժիսոր, դերասան, հեռուստահաղորդավար, սցենարիստ, հաղորդավար, պրոդյուսեր, թատերական ռեժիսոր, երաժշտական տեսահոլովակների ռեժիսոր և կինոպրոդյուսեր |
| Ամուսին | Ալյոնա Խմելնիցկայա և Մարգարիտա Սիմոնյան |
| IMDb | ID ID 0449085 |
Տիգրան Էդմոնդի Քեոսայան (ռուս.՝ Тигран Эдмондович Кеосаян, հունվարի 4, 1966, Մոսկվա, ԽՍՀՄ), ռուսահայ կինոռեժիսոր, դերասան, հաղորդավար։ Կինոռեժիսոր Էդմոնդ Քեոսայանի և դերասանուհի Լաուրա Գևորգյանի որդին, դերասան, սցենարիստ, պրոդյուսեր Դավիթ Քեոսայանի եղբայրը։ 2009 թվականից՝ «Պերեց» հեռուստաընկերության (մինչև 2011 թվականի հոկտեմբերը՝ «ԴՏՎ») պրոդյուսերն է[1]։
Անցանկալի անձ (persona non grata) Հայաստանում, Ուկրաինայում, Ղազախստանում և Եվրոպական միությունում։
Կենսագրություն[խմբագրել | խմբագրել կոդը]
1984 թվականին ընդունվել է Մոսկվայի Գերասիմովի անվան կինեմատոգրաֆիայի պետական համալսարանի ռեժիսորական ֆակուլտետ։ 1983 թվականից աշխատում է «Մոսֆիլմ» կինոստուդիայում։ Այդ թվականին նա նկարահանել է իր առաջին՝ «Արևոտ ծովափ» դրաման։
Համալսարանն ավարտելուց հետո աշխատել է որպես ռեժիսոր, նկարահանել տեսահոլովակներ ռուսական էստրադայի տարբեր երգիչների՝ Իրինա Ալեգրովայի, Միխայիլ Շուֆուտինսկու, Իգոր Սարուխանովի և այլոց համար։
1992 թվականին նկարահանել է առաջին լիամետրաժ խաղարկային ֆիլմը՝ «Կատկան և Շիզը»։ 1993 թվականին դարձել է «Gold Vision» ստուդիայի հիմնադիրներից մեկը և գեղարվեստական ղեկավարը։
2000 թվականին բեմադրել է առաջին ներկայացումը թատրոնում՝ Սլուցկու «Նորը»։ 2002 թվականին խաղացել է «Գլխավոր դերեր» սերիալում։
Խաղացել է բազմաթիվ գեղարվեստական ֆիլմերում, արժանացել մրցանակների ու պատվոգրերի։ Եղել է ռուսական բազմաթիվ մեծամասշտաբ հեռուստանախագծերի ժյուրիի անդամ։
2007 թվականից վարել է ռուսական «Ren TV» հեռուստաընկերության «Երեկոն Տիգրան Քեոսայանի հետ», 2011 թվականից՝ «Բավական է լռել», 2009 թվականից՝ «Ռոսիա» հեռուստաընկերության «Ես և դու» հաղորդումները։ 2009 թվականից «Պերեց» (նախկինում՝ «ԴՏՎ») հեռուստաընկերության գործադիր պրոդյուսերն է, որտեղ նաև վարում է «Թեժ երեկո Տիգրան Քեոսայանի հետ» հաղորդաշարը։
2020 թվականի հուլիսին միացել է Մարգարիտա Սիմոնյանի՝ ՀՀ իշխանություններին ուղղված նամակին։
2022 թվականի փետրվարի 28-ին, կապված Ուկրաինա Ռուսաստանի ներխուժման հետ, կնոջ և բազմաթիվ այլ անձանց հետ հայտնվել է Եվրամիության պատժամիջոցների տակ՝ ռուսաստանյան լրավամիջոցներում հակաուկրաինական քարոզչությամբ զբաղվելու համար[2]։ Քեոսայանին արգելվեց մուտք գործել ԵՄ տարածք և սառեցվեցին նրա բոլոր ակտիվները[3]։
2022 թվականի հոկտեմբերի 10-ին իր կնոջ՝ Մարգարիտա Սիմոնյանի հետ միաժամանակ Հայաստանի իշխանությունների կողմից հռչակվել է անցանկալի անձ (persona non grata) և արգելվել է նրանց մուտքը Հայաստանի Հանրապետություն[4]։
Ֆիլմագրություն[խմբագրել | խմբագրել կոդը]
- «Կատկան և Շիզը» (1992)
- «Գործեր ծիծաղելի, գործեր ընտանեկան» (1996)
- «Խեղճ Սաշան» (1997)
- «Նախագահը և նրա թոռնուհին» (1999)
- «Մահվան դիրեկտորիան» (1999)
- «Արծաթափայլ հովտաշուշան» (ֆիլմ, 2000)
- «Տղամարդու գործ» (հեռուստասերիալ, 2001)
- «Տղամարդու գործ-2» (հեռուստասերիալ, 2002)
- «Արծաթափայլ հովտաշուշան-2» (հեռուստասերիալ, 2005)
- «Նապաստակն անդունդի վրա» (2006)
- «Միրաժ» (2008)
- «Յալթա-45» (հեռուստասերիալ, 2012)
- «Երեք ընկեր» (հեռուստասերիալ, 2012)
- «Ծով, լեռներ, կերամզիտ» (հեռուստասերիալ, 2013)
Այլ աշխատանքներ[խմբագրել | խմբագրել կոդը]
- «Նորը» (ներկայացում, 2000)
- «12 աթոռ» (մյուզիքլ, 2003)
Դերասանական աշխատանք կինոյում[խմբագրել | խմբագրել կոդը]
- «Ստալինգրադ» (1989)
- «Ջոկեր» (1991)
- «Արծաթափայլ հովտաշուշան» (2000)
- «Գլխավոր դերեր» (հեռուստասերիալ, 2002)
- «Արծաթափայլ հովտաշուշան-2» (հեռուստասերիալ, «Դուստրը» սերայում, 2005)` Կիմ
- «Սիրուհի» (հեռուստաֆիլմ, 2005)` Սերգեյ
- «Տապ» (2006)` ծաղկավաճառ
- «Երջանիկ ենք միասին» (հեռուստասերիալ, 2010)` «Սիրային սեր» սերիալի ռեժիսոր
Ընտանիք[խմբագրել | խմբագրել կոդը]
- Հայրը՝ Էդմոնդ Քեոսայան (1936-1994), կինոռեժիսոր, սցենարիստ
- Մայրը՝ Լաուրա Գևորգյան (ծնվ.` 1939), դերասանուհի
- Եղբայրը Դավիթ Քեոսայան (ծնվ.` 1961), դերասան, սցենարիստ, պրոդյուսեր
- Կինը՝ Ալյոնա Խմելնիցկայա (1993-2014)[5], դերասանուհի
- Դուստրը՝ Ալեքսանդրա (ծնվ.` 1994)
- Դուստրը` Քսենիա (ծնվ.՝ 2010)
- 2012 թվականից փաստացի կինը հեռուստահաղորդավարուհի Մարգարիտա Սիմոնյանն է։ Զույգն ունի երեք երեխա[6].
Ծանոթագրություններ[խմբագրել | խմբագրել կոդը]
- ↑ «Mediа-ն Քեոսայանին նշանակել է ԴՏՎ-ի գլխավոր պրոդյուսեր»։ Արխիվացված է օրիգինալից 2021-11-29-ին։ Վերցված է 2014-04-27
- ↑ «ԵՄ պատժամիջոցների տակ են հայտնվել նաև Տիգրան Քեոսայանը, Ռոման Բաբայանը և Ռուստամ Մուրադովը»։ Սպուտնիկ Արմենիա։ փետրվարի 28, 2022։ Վերցված է մարտի 17, 2022
- ↑ «ԵՄ-ն 26 անձանցից բաղկացած պատժամիջոցների նոր փաթեթ է սահմանել»։ armeniatoday.news։ Վերցված է մարտի 17, 2022
- ↑ amartikian (2022-10-26)։ «Zatulin and Simonyan banned from Armenia»։ English Jamnews (en-US)։ Վերցված է 2023-01-16
- ↑ Հարցազրույց Ալյոնա Խմելնիցկայայի հետ
- ↑ Милена Жарова. Алёна Хмельницкая, Тигран Кеосаян и его новая жена Маргарита Симоньян устроили переполох в Ницце. Российская электронная газета «Дни.ру» // dni.ru (14 сентября 2016 года)
- ↑ Сусанна Альперина. «Марьяна Today». — Маргарита Симоньян родила дочь. «Российская газета» // rg.ru (12 августа 2013 года)
- ↑ Елена Лаптева (27 сентября 2014 года)։ «Тигран Кеосаян и Маргарита Симоньян назвали сына Багратом. — Режиссёр и редактор снова стали родителями»։ Газета «Комсомольская правда»։ Վերցված է 2014-10-04
- ↑ У Кеосаяна и Симоньян родилась дочь Маро
Արտաքին հղումներ[խմբագրել | խմբագրել կոդը]
- Տիգրան Քեոսայանի կենսագրությունը avproduction.am կայքում Archived 2020-08-15 at the Wayback Machine.
- Տիգրան Քեոսայանը «Էխո Մոսկվի» ռադիոկայանում
- Տիգրան Քեոսայանի երկրպագուների կայքը Archived 2011-09-27 at the Wayback Machine.
| ||||||||||||||||||
- Հունվարի 4 ծնունդներ
- 1966 ծնունդներ
- Ապրող անձինք
- Մոսկվա քաղաքում ծնվածներ
- ՎԳԻԿ-ի շրջանավարտներ
- Անձինք այբբենական կարգով
- Կինոռեժիսորներ այբբենական կարգով
- Հայ կինոռեժիսորներ
- Հայ դերասաններ
- Հայ հաղորդավարներ
- 20-րդ դարի դերասաններ
- Ռուս հրապարակախոսներ
- Ռուս դերասաններ
- Ռուսաստանի «Նիկա» կինեմատոգրաֆիական արվեստների ակադեմիայի ակադեմիկոսներ
- Ռուս հաղորդավարներ
- Հայ սցենարիստներ
- Հայ թատերական ռեժիսորներ