Մարգարիտա Սիմոնյան

Վիքիպեդիայից՝ ազատ հանրագիտարանից
Jump to navigation Jump to search
Մարգարիտա Սիմոնի Սիմոնյան
Маргарита Симоновна Симоньян
Margarita Simonyan 14 April 2010.jpg
Ծնվել էապրիլի 6, 1980 (39 տարեկան)
ԾննդավայրԿրասնոդար, Կրասնոդարի երկրամաս
ՔաղաքացիությունՌուսաստան Ռուսաստան
Ազգությունհայ
Մայրենի լեզուհայերեն
ԿրթությունԿուբանի պետական համալսարան[1] և Newfound Regional High School?[1]
Մասնագիտությունլրագրող
Աշխատանքգլխավոր խմբագիր
Աշխատավայր«RT»
«Russia Today»
ԱմուսինԱնդրեյ Բլագոդիրենկո (քաղաքացիական)
Տիգրան Քեոսայան
ԾնողներՍիմոն Սիմոնյան (հայրը)
Զբաղեցրած պաշտոններգլխավոր խմբագիր, գլխավոր խմբագիր և գլխավոր խմբագիր
Քաղաքական կուսակցությունՄիասնական Ռուսաստան
Պարգևներ և
մրցանակներ
Մովսես Խորենացու մեդալ Բարեկամության շքանշան «Հայրենիքին մատուցած ծառայությունների համար» 4-րդ աստիճանի շքանշան «Մարտական համագործակցության ամրապնդման համար» մեդալ Բարեկամության շքանշան Ռուսաստանի Դաշնության նախագահի երախտագիտություն և Ալեքսանդր Նևսկու շքանշան (Ռուսաստան)
ԵրեխաներՄարիաննա (12.08.2013)
Բագրատ (2014)
Category:Margarita Simonyan Վիքիպահեստում

Մարգարիտա Սիմոնի Սիմոնյան (ռուս.՝ Маргарита Симоновна Симоньян, ծնվ. 1980 թ., ապրիլի 6, Կրասնոդար, Կրասնոդարի երկրամաս, ՌԽՍՖՀ, ԽՍՀՄ), ռուսահայ լրագրող, RT հեռուստաընկերության և «Ռուսաստանն այսօր» միջազգային լրատվական գործակալության գլխավոր խմբագիր (2013 թ. դեկտեմբերի 31-ից)[2]։

Ռուսաստանի Դաշնության Հանրային պալատի երկրորդ կազմի անդամ է (2010-2012 թթ.), Ռուսաստանի ներքին գործերի նախարարությանն առընթեր հանրային խորհրդի անդամ։

2012 թ. հունվար-մարտ ամիսներին եղել է նախագահի թեկնածու Վլադիմիր Պուտինի՝ Մոսկվայում գործող «Ազգային շտաբի» անդամ[3]։

Կրթություն[խմբագրել | խմբագրել կոդը]

10-րդ դասարանում անգլերենը կատարելագործելու նպատակով ուղևորվել է Նյու Հեմպշիր (ԱՄՆ)։ Կրասնոդարում № 36 դպրոցն ավարտելուց հետո խորացնելով իր գիտելիքները օտար լեզուներում՝ ավարտել է Կուբանի պետական համալսարանի լրագրության ֆակուլտետը, ինչպես նաև Վլադիմիր Պոզների հեռուստատեսային վարպետության դպրոցը։

Լրագրություն և գործունեություն[խմբագրել | խմբագրել կոդը]

1999 թվականի փետրվարից մինչև 2000 թվականի հունվարը եղել է «Կրասնոդար» հեռուստաընկերության թղթակիցը

2000 թվակականի հունվարին ռազմական ռեպորտաժների շարքի համար Կուբանի լրագրողների միության կողմից ստացել է «Պրոֆեսիոնալ արիության համար» մրցանակը։

2000 թվականի մայիսին Անապայում հանգստացող չեչեն երեխաների մասին ռեպորտաժի համար ստացել է II Տեղական հեռուստառադիոընկերությունների համառուսական մրցույթի պարգև։ Նշանակվել է «Կրասնոդար» ՀՌԸ-ի տեղեկատվական հաղորդումների գլխավոր խմբագիր։

2000 թվականի սեպտեմբերին արժանացել է նախագահական կրթաթոշակի։ 2001 թվականի փետրվարին նշանակվել է ՎԳՏՌԿ-ի սեփական թղթակից Դոնի Ռոստովում։ Այնուհետև դարձել է «Լուրերի» հատուկ թղթակից, 2002 թվականի աշնանը դարձել է լրագրողների նախագահական միավորման կազմի անդամ։ 2004 թվականի սեպտեմբերին լուսաբանել է Բեսլանի իրադարձությունները։

Եղել է 2005 թվականին հիմնադրված շուրջօրյա անգլերեն հեռարձակվող Russia Today (նախկինում՝ RT) ռուսական առաջին տեղեկատվական հեռուստաընկերության գլխավոր խմբագիրը։ Հետագայում դարձել է նաև RT-ի արաբալեզու (Ռուսիա ալ Յում) և իսպանալեզու (RT Español) տարբերակների գլխավոր խմբագիրը։

2010 թվականին լույս է տեսել Մարգարիտա Սիմոնյանի «В Москву» («Մոսկվայում») գիրքը։

Aquote1.png Սա պատմություն է երկրի մասին, սիրո մասին, 1980-ականներին ծնված գավառացի պատանիների ու աղջիկների մասին: Մենք բոլորս երազում էինք գնալ Մոսկվա լավ կյանքի համար, և մեզնից ոչ ոք չգիտեր, որ պետք է զգույշ լինել երազանքների մեջ. դրանք կարող են իրականանալ:
- Հատված Մարգարիտա Սիմոնյանի «Կրասնոդար» թերթին տրված հարցազրույցից
Aquote2.png


2011 թվականի ապրիլից մինչև 2012 թվականի փետրվարը «РЕН ТВ» հեռուստաալիքում վարել է ամեն շաբաթ հեռարձակվող վերլուծական «Ի՞նչ է կատարվել» հաղորդումը[4][5]: 2011 թվականի հունիսին Մարգարիտա Սիմոնյանը որպես Russia Today հեռուստաընկերության գլխավոր խմբագիր՝ դարձել է «Ռուսական առաջին ալիքի» տնօրենների միության անդամ[6]։

2012 թվականին Մարգարիտա Սիմոնյանը ներառվել է Ռուսաստանի առավել ազդեցիկ կանանց ցուցակում և զբաղեցրել է 33-րդ հորիզոնականը։ Հարցումն անց է կացվել երեք լիազոր ներկայացուցիչների կողմից՝ «Մոսկվայի արձագանքը», «Ռիա լուրեր» և «Փոքրիկ կրակ»:

2012 թվականի հոկտեմբերից մինչև նոյեմբերը վարել է հաղորդումներ «Կոմերսանտ» ռադիոկայանից[7]:

2013 թվականի փետրվարի 17-ից մինչև հունիսի 23-ը Թինա Կանդելակիի հետ եղել է ՆՏՎ-ով հեռարձակվող «Երկաթե լեդի» քաղաքական հաղորդման հաղորդավարուհին[8][9]:

2013 թվականի դեկտեմբերի 31-ին «Ռուսաստանն այսօր» տեղեկատվական գործակալության գլխավոր տնօրեն Դմիտրի Կիսելյովը Մարգարիտա Սիմոնյանին նշանակել է «Ռուսաստանն այսօր» տեղեկատվական գործակալության գլխավոր խմբագիր[10]:

Քաղվածքներ[խմբագրել | խմբագրել կոդը]

Aquote1.png Մեծ ողբերգություն է այն, ինչը վերապրել է իմ ժողովուրդը, ինչը վերապրել է իմ ընտանիքը, մարդիկ, ում բախտ եմ ունեցել տեսնել կենդանության օրոք, մարդիկ, ում ճանաչում ու սիրում եմ, ինչպիսին մեծ տատիկս էր: Մեծ անարդարություն կա այն իրողության մեջ, որ անգամ խոշոր երկրները, որոնք իրենց ժողովրդավար են անվանում, չեն ճանաչել այս փաստը: Իսկ քանի դեռ չարիքը չարիք չի կոչվել, միշտ վտանգ կա, որ այն կկրկնվի
- Մարգարիտա Սիմոնյան
Aquote2.png
Aquote1.png Հարյուր տարի առաջ սպանել են մեծ տատիկիս ընտանիքին: Իր ծնողներին, ավագ եղբայրներին ու քույրերին սրախոխող են արել: Իսկ նա ընդամենը հինգ տարեկան էր: Նա փրկվեց, որովհետեւ նրան հասցրեցին գորգի մեջ փաթաթել ու հենել պատին: Թուրքերը նրան ուղղակի չնկատեցին, իսկ նա կանգնած լսում էր, թե ինչպես են իր ամբողջ ընտանիքին սրախոխող անում: Իմ մյուս մեծ տատիկն ինձ պատմում էր, թե ինչպես իր աչքի առաջ իր եղբայրներին, քույրերին ու ծնողներին մի գիշերվա ընթացքում սպանեցին: Փրկվեցին միայն նա ու կրտսեր քույրիկը: Մեռնելուց առաջ իրենց հայրը հասցրեց մեկական ոսկի տալ, որը տատիկն այտի հետեւում թաքցրեց: Իր բախտը բերեց. տեղի թուրքերից մեկն իրեն՝ փոքր աղջնակին, տարավ իր ընտանիք: Միայն մի քանի տարի անց նա տուն վերադարձավ
- Մարգարիտա Սիմոնյան
Aquote2.png
Aquote1.png Գիտե՞ք, ես Հայաստանի Հանրապետության քաղաքացի չեմ, Ռուսաստանի Դաշնության քաղաքացի եմ, ու ինձ համար դժվար է աշխարհաքաղաքական տեսանկյունից դատողություններ անել ու խոսել Հայաստանի անունից՝ որպես պետության: Սակայն ես հայ եմ, իմ մեջ հայի արյուն է: Ես կարող եմ խոսել ժողովրդի անունից: Ես հայուհի եմ, սակայն առաջին հերթին՝ Ռուսաստանի քաղաքացի եմ, եւ այսօր դժվար է տարբերակել, թե իմ արժեհամակարգի որ մասն է հայկական, իսկ որը՝ ռուսական կամ համամարդկային: Ես երբեւէ չեմ խորհել այդ մասին: Ու ես երբեւէ չեմ մտածել այն մասին, թե ինչպես Ռուսաստանում կարող են մեկնաբանել իմ այս կամ այն քայլը՝ ելնելով իմ ազգային պատկանելությունից: Այս առումով ես ժամանակակից մարդ եմ: Ես ինքս մարդկանց չեմ դիտարկում իրենց ազգային պատկանելության տեսանկյունից ու այլոց խորհուրդ չեմ տալիս այդպես անել:
- Մարգարիտա Սիմոնյան
Aquote2.png
Aquote1.png Ամեն ինչ կանեմ երեխաներիս լավ մարդ դաստիարակելու համար: Առաջին հերթին կաշխատեմ նրանց հայերեն սովորեցնել, որն ինքս չգիտեմ ու շատ եմ ցավում: Լինում են իրավիճակներ, երբ ես ինձ անհարմար եմ զգում, երբ հայերի շրջանում չեմ կարողանում մասնակցել զրույցին, քանի որ չեմ հասկանում, թե ինչի մասին են նրանք խոսում: Սակայն աղջկաս համար կրկնուսույց եմ վարձել, ով շաբաթը երկու անգամ է իր հետ պարապում՝ գրքեր է կարդում, հեքիաթներ է պատմում, նրանք զրուցում են, երգեր են երգում: Որդիս դեռ փոքր է, սակայն երբ մի փոքր էլ մեծանա, անպայման իր հետ էլ կսկսենք պարապել: Որովհետեւ եթե մանկության ընթացքում լեզուն չսովորես, ապա այն երբեք մայրենի չի դառնա:
- Մարգարիտա Սիմոնյան
Aquote2.png
Aquote1.png Ամեն տարի ապրիլի 24-ին մեր ընտանիքում մենք անպայման ոգեկոչում ենք մեր՝ 1915 թվականի խոշտանգված նախնիների հիշատակը: Հայաստանն իրենց հայրենիքն է: Երկիր, որը ձեւավորել է իմ նախնիների մշակույթը, իրենց արժեհամակարգը, անձնական որակները: Երբ ես դադարեմ շատ աշխատելը, կուզենայի ինքս ինձ համար մի ճամփորդություն կազմակերպել դեպի Հայաստան, որպեսզի ավելի լավ ճանաչեմ այն, զգամ այն:[11]
- Մարգարիտա Սիմոնյան
Aquote2.png


Պատժամիջոցներ[խմբագրել | խմբագրել կոդը]

2014 թվականի օգոստոսին Ուկրաինական ազգային միությունը հրապարակել է Ռուսաստանի 49 լրագրողների և հեռուստատեսային ղեկավարների ցուցակը, որոնք չեն կարող մուտք գործել Ուկրաինա: Դրանց մեջ էր մտնում նաև Մարգարիտա Սիմոնյանը։ Որոշումը վերաբերվում էր ոչ միայն մուտք գործելուն, այլ նաև հրապարակվել է նրանց ցուցակը, որոնց մուտքը լիազորվում է միայն Ուկրաինայի պաշտպանության նախարարության կողմից[12].:

Անձնական կյանք[խմբագրել | խմբագրել կոդը]

2005 թվականին Մարգարիտա Սիմոնյանը չգրանցված ամուսնությամբ ապրում էր լրագրող Անդրեյ Բլագոդիրենկոյի հետ[13]: 2013 թվականի օգոստոսի 12-ին ծնվում է նրանց աղջիկը՝ Մարիաննան[14]:

2012 թվականին տրված հարցազրույցում Սիմոնյանը հայտարարել է, որ իր ընտանիքի անդամների հետ Կրասնայա Պոլյանա ավանում կառուցում է երկհարկանի ռեստորան[15]:

2014 թվականի սեպտեմբերին ծնվում է Տիգրան Քեոսայանի և Մարգարիտա Սիմոնյանի որդին՝ Բագրատը[16]:

Գրականություն[խմբագրել | խմբագրել կոդը]

Ֆիլմագրություն[խմբագրել | խմբագրել կոդը]

  • 2012Ժամկետ (Փաստագրական ֆիլմ), ռեժիսորներ՝ Ալեկսեյ Պիվովարով, Պավել Կոստոմարով և Ալեքսանդր Ռաստորգուև։

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 https://m-simonyan.livejournal.com/profile
  2. ««Ռուսաստանն այսօր» միջազգային լրատվական գործակալության գլխավոր խմբագիր կդառնա Մարգարիտա Սիմոնյանը»։ Forbes (ռուսերեն) (forbes.ru)։ 2013-12-31։ Վերցված է 2013-12-31 
  3. «Ազգային շտաբի» անդամների ցանկը putin2012.ru կայքում
  4. «Մարգարիտա Սիմոնյանը կդառնա РЕН ТВ-ի հաղորդավար»։ Lenta.ru։ 2011-03-23 
  5. «На что насмотрелась страна.Ինչպես է ընթացել հեռուստատեսային սեզոնը 2010/11 թվականներին»։ Коммерсантъ։ 2011-07-01 
  6. «Russia Today -ի գլխավոր խմբագիրը դարձել է Ռուսական առաջին ալիքի տնօրենների միության անդամ»։ Lenta.ru։ 2011-05-13 
  7. «Коммерсантъ FM». տեսակետ: Маргарита Симоньян // http://kommersant.ru/theme/1710
  8. ««Не собираюсь делать вид, что я объективная». Հարցազրույց Մարգարիտա Սիմոնյանի հետ «Երկաթե լեդի» քաղաքական հաղորդման ժամանակ»։ Lenta.ru։ 2013-03-07 
  9. «Քսենիա Սոբչակը «Երկաթե լեդի» հաղորդման մասին»։ Lenta.ru։ 2013-08-12 
  10. «Ռուսաստանն այսօր» տեղեկատվական գործակալության գլխավոր խմբագիր դարձավ Մարգարիտա Սիմոնյանը, տնտեսական լուրեր, լուրեր Mail.Ru
  11. https://auroraprize.com/hy/stories/detail/regular/7701/%D5%84%D5%A1%D6%80%D5%A3%D5%A1%D6%80%D5%AB%D5%BF%D5%A1-%D5%8D%D5%AB%D5%B4%D5%B8%D5%B6%D5%B5%D5%A1%D5%B6
  12. «Ուկրաինական իշխանությունները հրապարակել են այն ռուսական լրագրողների ցանկը, որոնց արգելվում է մուտք գործել Ուկրաինա»։ Росбалт։ 2014-08-28 
  13. ««Կուբանի» ֆուտբոլիստների գոլը նվիրված Մարգարիտա Սիմոնյանին»։ Արխիվացված է օրիգինալից 2012-02-14-ին 
  14. Сусанна Альперина (2013-08-12)։ «Մարգարիտա Սիմոնյանն ունեցել է աղջիկ Մարիաննա անունով»։ Российская газета (ռուսերեն)։ rg.ru։ Վերցված է 2014-01-07 
  15. «Մարգո թագուհի»։ Արխիվացված է օրիգինալից 2012-02-14-ին 
  16. «Տիգրան Քեոսայանը և Մարգարիտա Սիմոնյանն իրենց տղային անվանակոչել են Բագրատ»։ Комсомольская правда։ 27 сентября 2014։ Վերցված է 2014-10-04 
  17. Մովսես Խորենացու մեդալով պարգևատրելու մասին

Արտաքին հղումներ[խմբագրել | խմբագրել կոդը]