Վասիլի Ստրուվե (արևելագետ)

Վասիլի Ստրուվե; Василий Струве
Ծնվել է	հունվարի 21 (փետրվարի 2), 1889 կամ փետրվարի 2, 1889; Սանկտ Պետերբուրգ, Ռուսական կայսրություն
Մահացել է	սեպտեմբերի 15, 1965 (76 տարեկան); Լենինգրադ, ՌԽՖՍՀ, ԽՍՀՄ
Գերեզման	Սերաֆիմովսկոե գերեզմանատուն
Քաղաքացիություն	Ռուսական կայսրություն, Խորհրդային Ռուսաստան և ԽՍՀՄ
Մասնագիտություն	արևելագետ, եգիպտագետ, ասորագետ, մանկավարժ և պատմաբան
Հաստատություն(ներ)	Սանկտ Պետերբուրգի կայսերական համալսարան, Սանկտ Պետերբուրգի պետական համալսարանի արևելյան ֆակուլտետ, Պետական Էրմիտաժ, Գերցենի անվան ռուսական պետական մանկավարժական համալսարան, Միկլուխո-Մակլայի անվան ազգագրության և մարդաբանության ինստիտուտ և Ռուսաստանի գիտությունների ակադեմիայի արևելագիտության ինստիտուտ
Գործունեության ոլորտ	արևելագիտություն, Եգիպտագիտություն, ասորագիտություն, պատմություն և Հին աշխարհ
Անդամակցություն	Կայսերական ուղղափառ պաղեստինյան ընկերություն և ԽՍՀՄ գիտությունների ակադեմիա
Ալմա մատեր	Սանկտ Պետերբուրգի համալսարանի պատմա-բանասիրական ֆակուլտետ (1911), Սանկտ Պետերբուրգի պետական համալսարանի արևելյան ֆակուլտետ (1928) և Սուրբ Աննայի ուսումնարան
Կոչում	ԽՍՀՄ ԳԱ անդամ
Գիտական աստիճան	պատմական գիտությունների դոկտոր (փետրվարի 15, 1934)
Տիրապետում է լեզուներին	ռուսերեն
Գիտական ղեկավար	Բորիս Տուրաև, Պավել Կոկովցով և Միխայիլ Ռոստովցև
Եղել է գիտական ղեկավար	Միխայել Հելցեր, Anatóli Kifíchine?, I︠U︡. P. Frant︠s︡ev?, L. A. Lipin?, Vitalij Aleksandrovič Belâvskij? և Nikita Meshchersky?
Հայտնի աշակերտներ	Միխայել Հելցեր, Լև Գումիլյով, I. F. Fikhman?, Mikhail Shakhnovich?, Nikita Meshchersky?, Anatóli Kifíchine?, Vitalij Aleksandrovič Belâvskij?, I︠U︡. P. Frant︠s︡ev? և L. A. Lipin?
Պարգևներ	և Ուզբ․ԽՍՀ գիտության վաստակավոր գործիչ

Անվան այլ կիրառումների համար տե՛ս՝ Վասիլի Ստրուվե (այլ կիրառումներ)

Վասիլի Վասիլևիչ Ստրուվե (ռուս.՝ Василий Васильевич Струве, հունվարի 21 (փետրվարի 2), 1889^[1] կամ փետրվարի 2, 1889(1889-02-02), Սանկտ Պետերբուրգ, Ռուսական կայսրություն^[2] - սեպտեմբերի 15, 1965(1965-09-15)^[2], Լենինգրադ, ՌԽՖՍՀ, ԽՍՀՄ^[2]), խորհրդային արևելագետ, Հին Արևելքի պատմության մասնագետների խորհրդային դպրոցի հիմնադիր։ ԽՍՀՄ ԳԱ ակադեմիկոս (1935 թ.)։

Ավարտել է (1911 թ.) Պետերբուրգի համալսարանի պատմաբանասիրական ֆակուլտետը։ Դասավանդել է Լենինգրադի համալսարանում, եղել է Էրմիտաժի Եգիպտոսի բաժնի վարիչ (1918-1933 թթ.), ԽՍՀՄ ԳԱ ազգագրության ինստիտուտը (1937-1940 թթ.), արևելագիտության ինստիտուտի (1941-1950 թթ.) տնօրեն, նույն ինստիտուտի Հին Արևելքի բաժնի վարիչ (1959-1965 թթ.), Լենինգրադի համալսարանի Հին Արևելքի պատմության ամբիոնի վարիչ։ Խորհրդային և արտասահմանյան գիտական մի շարք կազմակերպությունների անդամ։

Շումերական հասարակության սոցիալ-տնտեսական կառուցվածքի ուսումնասիրությամբ պարզել է, որ Հին Արևելքի երկրներում չի եղել «հավիտենական» ֆեոդալիզմ, ինչպես ընդունված էր, այլ դրան նախորդել է ստրկատիրական հասարակարգը։

Ստրուվեի հիմնական ուսումնասիրությունները վերաբերում են Եգիպտոսի, Շումերի, Բաբելոնի, Ասորեստանի, Ուգարիթի, Ուրարտուի, Իրանի,Պաղեստինի, Փոքր Ասիայի, հյուսիսային մերձսևծովյան երկրների և Միջին Ասիայի ժողովուրդների քաղաքակրթության ու մշակույթի պատմության հարցերին։ Ստրուվեն անդրադարձել է նաև մ․ թ․ ա․ 521/520 թվականներին Հայաստանում տեղի ունեցած իրադարձություններին։

Եղել է մի շարք գիտական պարբերականների և կոլեկտիվ աշխատությունների խմբագիր, Սովետական պատմական հանրագիտարանի հրատարակության նախաձեռնողներից։

Պարգևատրվել է Լենինի և Աշխատանքային կարմիր դրոշի շքանշաններով, մեդալներով։

Ծանոթագրություններ[խմբագրել | խմբագրել կոդը]

↑ ^1,0 ^1,1 Большая российская энциклопедия (ռուս.) — М.: Большая российская энциклопедия, 2004.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Струве Василий Васильевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ ^3,0 ^3,1 ^3,2 ^3,3 ^3,4 Չեխիայի ազգային գրադարանի կատալոգ
↑ Ռուսաստանի գիտությունների ակադեմիայի արևելյան ձեռագրերի ինստիտուտ — 1818.
↑ Биографика СПбГУ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 161)։

[_7f4457c86a4a5bb4-1] 1,0 ^1,1 Большая российская энциклопедия (ռուս.) — М.: Большая российская энциклопедия, 2004.

[_cdd2a566c56de86e-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Струве Василий Васильевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_eef7cf0d9c897ca6-3] 3,0 ^3,1 ^3,2 ^3,3 ^3,4 Չեխիայի ազգային գրադարանի կատալոգ

[_6b99162c572c0b0f-4] Ռուսաստանի գիտությունների ակադեմիայի արևելյան ձեռագրերի ինստիտուտ — 1818.

[_81e54da7ac2aece6-5] Биографика СПбГУ

[1]

[2]

[3]

[4]

[5]