Բորիս Տուրաև

Վիքիպեդիայից՝ ազատ հանրագիտարանից
Jump to navigation Jump to search
Բորիս Տուրաև
Борис Тураев.jpg
Ծնվել էհուլիսի 24 (օգոստոսի 5), 1868
Նովոգրուդոկ, Մինսկի նահանգ, Ռուսական կայսրություն
ԵրկիրՌուսական կայսրություն
ՌԽՖՍՀ
Մահացել էհունիսի 23, 1920(1920-06-23) (51 տարեկանում)
Պետրոգրադ, Խորհրդային Ռուսաստան
Մասնագիտությունպատմաբան, եգիպտագետ, հնագետ և համալսարանի պրոֆեսոր
ԱշխատավայրՍանկտ Պետերբուրգի համալսարան և Սանկտ Պետերբուրգի կայսերական համալսարան
ԿրթությունՍանկտ Պետերբուրգի կայսերական համալսարան
ԱնդամակցությունՌուսաստանի գիտությունների ակադեմիա և Պետերբուրգի գիտությունների ակադեմիա
Boris Turayev Վիքիպահեստում

Բորիս Ալեքսանդրովիչ Տուրաև (1868-1920), ռուս արևելագետ։ Հին Արևելքի պատմության, բանասիրության (մասնավորապես եգիպտաբանության) և եթովպագիտության ռուսական դպրոցի հիմնադիրը, ակադեմիկոս (1918Պետերբուրգի համալսարանի պատմաբանասիրական ֆակուլտետն ավարտելուց (1891) հետո արտասահմանում, գործուղման ժամանակ, ուսանել է նշանավոր արևելագետ Գ․ Մասուցերոյի և Ա․ Լրմանի մոտ, գիտական աշխատանք կատարել Բեռլինի, Փարիզի, Լոնդոնի և Իտալիայի մի շարք քաղաքների թանգարաններում։ 1896 թվականից դասախոսել է Պետերբուրգի համալսարանում։ 1912 թվականից Մոսկվայի գեղեցիկ արվեստների թանգարանի եգիպտ․ հնությունների հավաքածուի ավանդապահն էր։ Թողել է ավելի քան 150 աշխատություն, 400 բառահոդված ժամանակի նշանավոր հանրագիտարաններում, որոնք նվիրված են Հին Արևելքի (այդ թվում՝ Ուրարտուի) պատմության, հնագիտության, արվեստի, կրոնի պատմության, բանագիտության, աղբյուրագիտության և պատմագրության հարցերին։ Տուրաևը պատմական զարգացման հիմքը համարել է կրոնը և հոգևոր մշակույթը, սոցիալ-տնտեսական հարաբերությունները երկրորդական է դիտել, կարևորել է աշխարհագրական գործոնի դերը։ Տուրաևի հիմնական երկը՝ «Հին Արևելքի պատմություն» աշխատությունը, նյութի ընդգրկումով (ինչպես աշխարհագրական, այնպես էլ ժամանակագրական) և հարուստ փաստական նյութով, աննախադեպ էր (մաս 1-2, 1911, Հնագիտական ընկերության մեծ ոսկե մեդալ (1916), նոր հրտ․, հ․ 1-2, 1936), ներկայացնում է գիտ․ մեծ արժեք։ Մեծ է Տուրաևի դերը Ռուսաստանի գավառական թանգարաններում և մասնավոր հավաքածուներում պահվող հին արևելյան, հիմնականում հին եգիպտ․ հուշարձանների ուսումնասիրման և հրատարակման գործում։ Տուրաևը հեղինակ է Եթովպիայի և միջնադարյան Եթովպիայի եկեղեցու պատմության վերաբերյալ շատ աշխատությունների։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png