Սոֆյա Ակիմովա

Սոֆյա Ակիմովա
Հիմնական տվյալներ
Ի ծնե անուն	Սոֆյա Վլադիմիրի Հեքիմյան
Ծնվել է	մարտի 15 (27), 1887; Թիֆլիս, Ռուսական կայսրություն
Երկիր	Ռուսական կայսրություն, Խորհրդային Ռուսաստան և ԽՍՀՄ
Մահացել է	հունվարի 19, 1972 (84 տարեկան); Լենինգրադ, ՌԽՖՍՀ, ԽՍՀՄ
Գերեզման	Տիխվինսկոե գերեզմանատուն
Ժանրեր	օպերա
Մասնագիտություն	օպերային երգչուհի, երաժշտության ուսուցիչ և դաշնակահարուհի
Երգչաձայն	սոպրանո
Գործիքներ	դաշնամուր և վոկալ
Աշխատավայր	Մարիինսկի թատրոն և Սանկտ Պետերբուրգի կոնսերվատորիա
Կրթություն	Լայպցիգի երաժշտության և թատրոնի բարձրագույն դպրոց (1909)
Ամուսին	Իվան Երշով
Պարգևներ

Սոֆյա Վլադիմիրի Ակիմովա (նախնիները՝ Հեքիմյան, մարտի 15 (27), 1887^[1], Թիֆլիս, Ռուսական կայսրություն^[1] - հունվարի 19, 1972(1972-01-19), Լենինգրադ, ՌԽՖՍՀ, ԽՍՀՄ^[1]), հայազգի օպերային արտիստուհի (սոպրանո), մանկավարժ։ Ուզբեկստանի վաստակավոր արտիստուհի 1944։

Ի. Վ. Երշովի կինը։

Կենսագրություն[խմբագրել | խմբագրել կոդը]

Ծնվել է 1887 թվականի մարտի 15-ին Թիֆլիսում։ Երգարվեստի նկատմամբ Ակիմովայի մեջ սեր են արթնացրել Ն. Պապայանը և Հ. Ղորղանյանը։ 1909 թվականին ավարտել Է Լայպցիգի կոնսերվատորիայի դաշնամուրի դասարանը։ 1913–1929 թվականներին եղել է Մարիինյան թատրոնի (այժմ՝ Սանկտ Պետերբուրգի Ս. Մ. Կիրովի անվան օպերայի և բալետի թատրոն) մեներգչուհի։

Վագների օպերաների դերերգերի՝ Ելիզավետա («Տանհոյզեր»), Էլզա («Լոհենգրին»), Զիգլինդե («Վալկիրիա»), Բրյունհիլդե («Զիգֆրիդ»), Գուտրունե («Աստվածների կործանումը»), լավագույն կատարողներից է։ Մասնակցել է Վագների «Թռչող հոլանդացին», «Տրիստան և Իզոլդա», Բախի «Տառապանքներն ըստ Մատթեոսի», Տենդելի «Սամսոն», Մոցարտի «Ռեքվիեմ», Ժ. Շումանի «Դրախտը և փերին» գործերի համերգային կատարումներին։

Մենահամերգներ[խմբագրել | խմբագրել կոդը]

Մենահամերգներում կատարել է Կոմիտասի, Ռ. Մելիքյանի, Սպենդիարյանի որոշ վոկալ ստեղծագործություններ։ Ակիմովայի երաժշտա-բեմական կերպարներն աչքի են ընկել հոգեբանական խորությամբ, արտահայտչականությամբ, դրամատիզմով։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Գրականություն[խմբագրել | խմբագրել կոդը]

Արզումանյան Ա., Էջեր մի կյանքից, «ՍԱ», 1969, № 6

Վիքիդարանն ունի նյութեր, որոնք վերաբերում են «Սոֆյա Ակիմովա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 223)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]