Սինոփսիս
Սինոփսիս | |
|---|---|
 | |
 | |
| Տեսակ | բիզնես ձեռնարկություն, ձեռնարկություն և հանրային ընկերություն |
| Հիմնադրված է | 1986 |
| Հիմնադիր | Aart de Geus? և Alberto Sangiovanni-Vincentelli? |
| Վայր | Մաունթին Վյու, ԱՄՆ |
| Երկիր |  ԱՄՆ[1] |
| Տնօրեն | Aart de Geus? |
| Արդյունաբերություն | ծրագրային ապահովման ընկերություն |
| Դուստր ընկերություններ | Synopsys? |
| Նախկին | C Level Design? |
| Կայք | synopsys.com(անգլ.) |
| Մասնակից է | Լինուքս հիմնադրամ[2] և SD Association[3] |
| Բորսա | |
 Synopsys Վիքիպահեստում | |
Սինոփիս ԲԲԸ-ն NASDAQ: SNPS էլեկտրոնային ավտոմատացված նախագծման արդյունաբերության ամենամեծ ընկերություններից է, որը ինտեգրալ սխեմաների նախագծման ժամանակ կիրառվող գործիքներ է ծրագրավորում և մշակում։ Սինոփսիսի առաջին և ամենահայտնի արտադրյալը Design Compiler-ն (նախագծման կոմպիլյատոր) է, մի տրամաբանական-սինթեզի գործիք։ Սինոփսիսը ունի նաև այլ արտադրանքներ, որոնք օգտագործվում են կիրառման-առանձնահատուկ ինտեգրալ սխեմայի նախագծման մեջ։ Արտադրանքները պարունակում են տրամաբանական սինթեզ, վարքային սինթեզ, վայր և երթուղի, ստատիկ ժամանակապլանավորման վերլուծություն, ֆորմալ ստուգում, HDL (SystemC, Systemverilog/Verilog, VHDL) ձևացնողներ ինչպես նաև տրանզիստորի-մակարդակի սխեմայի մոդելավորում։ Ձևացնողները պարունակում են զարգացնող և վրիպազերծման միջավայրեր, որոնք օժանդակում են չիփերի և համակարգչային համակարգերի տրամաբանության նախագծման մեջ։
Ընկերությունն ունի 5000 աշխատակիցներ, այդ թվում 4000-ից ավելի ճարտարագետներ, ովքեր աշխատում են աշխարհի 60-ից ավելի տեղակայված մասնաճյուղերում[5]։
Պատմություն[խմբագրել | խմբագրել կոդը]
Ընկերությունը հիմնվել է 1986 թվականին՝ Optimal Solutions անվամբ, Աարտ դե Գեուսի և մի խումբ Ջեներալ Էլեկտրիկի Միկրոէլեկտոնիկայի Կենտրոնի ճարտարագետների միջոցով՝ Հյուսիսային Կարոլինայի Research Triangle Park-ում։ Այդ ժամանակվանից, դա ունեցել է մի շարք ընկերությունների ձեռքբերումներ։ Ընկերությունն ունի ավելի քան 60 վաճառքի, աջակցության և գիտահետազոտության գրասենյակներ աշխարհում՝ Հյուսիսային Ամերիկայում, Եվրոպայում, Ճապոնիայում, Խաղաղօվկիանոսյան Օղակում, Իսրայելում, Չիլիում, և Հայաստանում։
Սինոփսիսը իր առաջին գրասենյակը բացել է Հնդկաստանում՝ 1995 թվականին։ 2007 թվականին նրա խոշոր մրցակիցներն են եղել՝ Cadence Design Systems, Mentor Graphics, և Magma Design Automation-ը։
Սինոփսիս Արմենիա[խմբագրել | խմբագրել կոդը]
Սինոփսիսը Հայաստան մուտք է գործել 2004 թվականին՝ տեղեկատվական տեխնոլոգիաները (ՏՏ) երկրի գերակա ուղղություն հռչակելուց հետո և ձեռք բերելով Լեդան (Leda) և Մոնթերեյ Դիզայնը (Արսեթ) (Monterrey Design (ArSET))։ Մեկ տարի անց նա գնել է Էյջ-փի-էլ-էյ-ը (HPLA)։ Ընկերությունը 2007 թվականի մայիսին Երևանում կառուցել է գերժամանակակից գիտաարտադրական կենտրոն, Եվրոպայի և Սիլիկոնային Հովտում ունեցած մասնաշենքերի նույն չափանիշներով[6]։ Սինոփսիս Արմենիա ՓԲԸ-ն 2009-ին ԱՄՆ-ի տարածքից դուրս գործող ամենամեծ ստորաբաժանումներից մեկն է, որը զբաղվում է գիտահետազոտական- ճարտարագիտական աշխատանքներով էլեկտրոնային նախագծման ավտոմատացման, արտադրության համար նախագծման - կիսահաղորդչային մտավոր սեփականության մշակման ոլորտներում։ 2004 - 2008 թվականներին Սինոփսիս ընկերությունը Հայաստանում կատարել է 1.3 միլիարդ ԱՄՆ դոլարի արտադրական-կրթական տեխնոլոգիական ներդրումներ[5]։
Սինոփսիսը համագործակցում է Երևանի պետական համալսարանի, Հայաստանի ազգային պոլիտեխնիկական համալսարանի, Հայաստանի ամերիկյան համալսարանի, և Ռուս-հայկական պետական համալսարանի հետ։ ՀՊՃՀ-ն նրա սկզբնական և ամենաուժեղ գործընկերն, ում շրջանավարտները մատակարարում են Սինոփսիս Արմենիայի մոտ 35 աշխատակիցները։ Սինոփսիսը նաև կրթաթոշակներ է հատկացնում էլեկտրատեխնիկայի ոլորտի ուսանողներին, և 2008 թվականին նրա կրթական ծրագրով սովորել են 300 ուսանողներ[5]։ Ընկերությունը նաև աշխատում է Գյումրիի Իմֆորմացիոն Տեխնոլոգիաների Կենտրոնի հետ[6]։
ՀՊՃՀ-ի 75-ամյակի կապակցությամբ, Սինոփսիսը նրա հետ հիմնել է նոր մասնագիտություն միկրոէլեկտրոնիկայի ամբիոնում՝ «Կիսահաղորդչային ֆիզիկա և միկրոէլեկտրոնիկա»՝ մի չորս-ամյա կրթական ծրագիր[6]։
2014-ին Սինոփսիս Արմենիայում աշխատել են մոտ 500 ինժեներներ, հանդիսանալով երկրի ՏՏ ոլորտի խոշորագույն գործատուներից մեկը։
Նաև, 2005 թվականին Սինոփսիսը Հայաստանում հիմնել է «Սինոփսիսը Հայաստանի համար» բարեգործական հիմնդարամը, որը սոցիալական - կրթական ծրագրեր է ֆինանսավորում[5]։
Աղբյուրներ[խմբագրել | խմբագրել կոդը]
- ↑ Global Research Identifier Database — 2015.
- ↑ https://www.linuxfoundation.org/membership/members/
- ↑ https://www.sdcard.org/about_sda/member_companies/index.html
- ↑ Polygon.io
- ↑ 5,0 5,1 5,2 5,3 (Ձմեռ 2008-2009 թթ.)։ «Synopsis»։ Էկոնոմիա։ 3(9)
- ↑ 6,0 6,1 6,2 Ռիչ Գոլդմանի ելույթը (Ձմեռ 2008-2009 թթ.)։ «Հայաստանը՝ բարձր տեխնոլոգիաների խաչմերուկ. ձերբազատել Հայաստանի ներուժը կամ ձեռնաշղթաներ հագցնել օտարերկրյա ներդրողներին»։ Էկոնոմիա։ 3(9)