Ռութ Բրանդթ

Ռութ Բրանդթ; գերմ.՝ Rut Brandt
Ծննդյան անուն	նորվ.՝ Rut Hansen
Ծնվել է	հունվարի 10, 1920
Ծննդավայր	Համար, Հեդմարկ, Նորվեգիա
Վախճանվել է	հուլիսի 28, 2006 (86 տարեկան) կամ հուլիսի 27, 2006 (86 տարեկան)
Վախճանի վայր	Բեռլին, Գերմանիա
Գերեզման	Waldfriedhof Zehlendorf
Մասնագիտություն	ինքնակենսագիր և գրող
Քաղաքացիություն	Նորվեգիա
Պարգևներ	Berliner Bär?
Ամուսին	Վիլի Բրանդտ
Զավակներ	Պետեր Բրանդտ, Լարս Բրանդտ և Մատիաս Բրանդտ
	Rut Brandt Վիքիպահեստում

Ռութ Բրանդթ (նորվ.՝ Rut Brandt, հունվարի 10, 1920(1920-01-10)^[1]^[2]^[3], Համար, Հեդմարկ, Նորվեգիա - հուլիսի 28, 2006(2006-07-28)^[1]^[3] կամ հուլիսի 27, 2006(2006-07-27)^[4], Բեռլին, Գերմանիա^[5]), նորվեգացի և գերմանացի գրող, Գերմանիայի կանցլեր Վիլի Բրանդթի երկրորդ կինը։

Կենսագրություն[խմբագրել | խմբագրել կոդը]

Ռութի հայրը եղել է վարորդ փոքրիկ Ադլունգստադում և մահացել այն ժամանակ, երբ Ռութը ընդամենը երեք տարեկան է եղել։ Քրիստոնյա, սոցիալիստ մայրը ամուսնու մահից հետո աշխատել է կաթի գործարանում` հոգալով ընտանիքի հոգսերը, որտեղ բացի Ռութից մեծանում էին նրա երեք քույրերը։ Ավարտելով դպրոցը` Ռութը 15 տարեկանում նախ աշխատանքի է անցնում հացաբուլկեղենի խանութում, ապա աշխատում է սպասուհի` միաժամանակ դերձակություն սովորելով։

Ռութ Բրանդթ, 1970

Ռութը փոքրուց իրեն սոցիալիստ էր համարում։ Շուտով նա մտնում է երիտասարդ սոցիալիստների շարքերը, ովքեր պայքարում էին Եվրոպային սպառնացող ֆաշիզմի դեմ։ 1940 թվականին Նորվեգիայի օկուպացումից հետո Ռութն իր ավագ քրոջ հետ փախչում է Շվեդիա, որտեղ էլ հանդիպում է իր գաղափարակից Օլստադտ Բերհաուստի հետ։ Նրանք ամուսնանում են 1942 թվականի աշնանը Ստոկհոլմում։ Ամուսինները երկուսն էլ աշխատում են նորվեգական դեսպանատան մամուլի բաժնում։ Սակայն 1946 թվականին Ռութի ամուսինը մահանում է թոքերի հիվանդությունից։

Գերմանիայից արտագաղթած Վիլի Բրանդթը 1942 թվականին ներկա է եղել Բերգաուստների հարսանիքին, սակայն մտերմանում են նրանք 1944 թվականին։ Չնայած այն բանին, որ երկուսն էլ ամուսնացած էին, նրանց մեջ սիրավեպ է սկսվում։ 1947 թվականին Ռութը, հետևելով Բրանդթին, մեկնում է Բեռլին` դառնալով նրա քարտուղարը նորվեգական ռազմական ծրագրերում։ Նույն թվականի վերջին նրանք ազատվում են աշխատանքից։ Բրանդթի ամուսնալուծությունից հետո 1948 թվականին նրանք ամուսնանում են` ունենալով երեք երեխաներ` Պետեր (ծնված` 1948), Լարս (ծնված` 1951), Մատիաս (ծնված` 1961)։

Բրանդթի` կանցլերի պաշտոնից ազատվելուց հետո Վիլիի և Ռութ Բրանդթի կյանքի ճանապարհները բաժանվում են։ 1979 թվականի գարնանը Ռութը, իմանալով ամուսնու և գերմանացի պատմաբան Բրիգիտա Զեեբահերի կապի մասին, ամուսնալուծվում է նրանից։ Ամուսնալուծությունից հետո Ռութը շարունակում է ակտիվ մասնակցություն ունենալ Բոննի քաղաքական և հասարակական կյանքին^[6]։ 1992 թվականի հոկտեմբերին մահանում է Վիլի Բրանդթը, սակայն Ռութը ներկա չի լինում թաղմանը։ 2004 թվականին Ռութը տեղավորվում է Բեռլինի ծերանոցներից մեկում և երկարատև հիվադությունից հետո մահանում 2006 թվականին։ Թաղված է Բեռլինի` Ցելենդորֆի անտառային գերեզմանոցում։

Ստեղծագործություններ[խմբագրել | խմբագրել կոդը]

Freundesland. Erinnerungen. Hoffmann und Campe, Hamburg 1992, ISBN 3-455-08443-5. (Rut Brandts Autobiographie, zugl. Biographie von Willy Brandt für den Zeitraum 1944—1974)
Wer an wen sein Herz verlor. Begegnungen und Erlebnisse. 1. Aufl., List Verl., München 2003 List-Taschenbuch, 60348), ISBN 3-548-60348-3

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 filmportal.de — 2005.
↑ ^2,0 ^2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 ^3,2 ^3,3 ^3,4 Munzinger Personen (գերմ.)
↑ ^4,0 ^4,1 ^4,2 Internet Movie Database — 1990.
↑ ^5,0 ^5,1 ^5,2 Deutsche Nationalbibliothek Record #119060078 // Gemeinsame Normdatei (գերմ.) — 2012—2016.
↑ "Rut Brandt – Ehre für eine, die mehr als First Lady war", Berliner Kurier, 4 December 2001 (German)

Գրականություն[խմբագրել | խմբագրել կոդը]

Torsten Körner: Die Familie Willy Brandt. S. Fischer, Frankfurt am Main 2013, ISBN 978-3-10-040407-7

[_14131ca35840b112-1] 1,0 ^1,1 ^1,2 ^1,3 ^1,4 filmportal.de — 2005.

[_4f268b9d2140727c-2] 2,0 ^2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_a3b3cca6a804edcc-3] 3,0 ^3,1 ^3,2 ^3,3 ^3,4 Munzinger Personen (գերմ.)

[_61cac016d037028e-4] 4,0 ^4,1 ^4,2 Internet Movie Database — 1990.

[_3d526946ab0e5d08-5] 5,0 ^5,1 ^5,2 Deutsche Nationalbibliothek Record #119060078 // Gemeinsame Normdatei (գերմ.) — 2012—2016.

[6] "Rut Brandt – Ehre für eine, die mehr als First Lady war", Berliner Kurier, 4 December 2001 (German)

[1]

[2]

[3]

[4]

[5]

[6]