Ռիմա Ֆաքիհ
| Ռիմա Ֆաքիհ | |
|---|---|
 | |
| Ծնվել է | սեպտեմբերի 22, 1985[1] (37 տարեկան) |
| Ծննդավայր | Սրիֆա, Սուրի շրջան, Հարավային Լիբանան, Լիբանան |
| Քաղաքացիություն |  ԱՄՆ |
| Կրոն | Մարոնիական կաթոլիկ եկեղեցի և շիա իսլամ |
| Կրթություն | Միչիգանի համալսարան և St. John's Preparatory School? |
| Մասնագիտություն | մոդել, գեղեցկության մրցույթի մասնակից և դերասանուհի |
| Ամուսին | Wassim "Sal" Slaiby? |
| Կայք | rimafakih.com |
 Rima Fakih Վիքիպահեստում | |
Ռիմա Ֆաքիհ (արաբ․՝ ريما فقيه,սեպտեմբերի 22, 1985[1], Սրիֆա, Սուրի շրջան, Հարավային Լիբանան, Լիբանան), «Միսս ԱՄՆ» 2010 թվականի մրցույթի հաղթող։
Կենսագրություն[խմբագրել | խմբագրել կոդը]
Ֆաքիհը ծնվել է Լիբանանի հարավում գտնվող Սրիֆա փոքր քաղաքում՝ շիա մահմեդական ընտանիքում։ Նա ունի քույր և երկու եղբայր։ Երեխա ժամանակ նա ապրել է Սուք Էլ Գարբայում և հաճախել է Բեյրութի մերձակայքում գտնվող Սուրբ Ռիտայի դպրոցը։ 1993 թվականին նրա ծնողները` Հուսեյին և Նադիա Ֆաքիհները, Լիբանանի քաղաքացիական պատերազմի պատճառով տեղափոխվել են Նյու Յորք, որտեղ հայրը ռեստորան է բացել։ Այնտեղ Ռիտա Ֆաքիհը հաճախել է Սենթ Ջոնսի տարրական դպրոցը, իսկ հետագայում Քվինսի կաթոլիկ դպրոցը։ Նյու Յորքում նրա ընտանիքը անընդհատ ենթարկվել է հարձակման և վանդալիզմի Մերձավոր Արևելքում տեղի ունեցող իրադարձությունների պատճառով, իսկ 2001 թվականի սեպտեմբերի 11-ին տեղի ունեցած ահաբեկչությունից հետո նրանք ստիպված էին փակել ռեստորանը։ 2003 թվականին նա իր ընտանիքի հետ տեղափոխվել է Միչիգան նահանգի Դարբորն, որտեղ գտնվում էր արաբ-ամերիկյան մեծ համայնքի տունը։ Այնտեղ նա ավարտել է Հենրի Ֆորդի համայնքային քոլեջը և հաճախել Դիբրոնի Միչիգանի համալսարանը, որտեղ նա սկսել է սովորել տնտեսագիտություն և կառավարում, հետագայում պլանավորել ավարտել իրավաբանական դպրոցը։ «Միսս ԱՄՆ» մրցույթին մասնակցելուց առաջ նա աշխատել է Դեյթրոյթի բժշկական կենտրոնում։
Գեղեցկության մրցույթներ[խմբագրել | խմբագրել կոդը]
Ֆաքիհը 19 տարեկանում առաջին անգամ մասնակցել է գեղեցկության մրցույթին, «Միսս Ուեյն շրջան» մրցույթում գրավել չորրորդ տեղը` ավարտելով «Միսս Միչիգան» մրցույթի նախնական փուլը։ Նա նաև մասնակցել է գեղեցկության երեք ոչ մեծ միջազգային մրցույթների։
Միսս արտագաղթողներ Լիբանանից[խմբագրել | խմբագրել կոդը]
2008 թվականին Ֆաքիհը Միչեգան նահանգից ընտրվել է «Միսս արտագաղթողներ Լիբանանից» մրցույթին մասնակցելու համար[2]։ Այս միջոցառումը «Միսս Լիբանան» մրցույթի մի մասն է, որին կարող են մասնակցել Լիբանանի աղջիկներ կամ լիբանանյան արմատներ ունեցող աղջիկներ, որոնք բնակվում են այլ երկրների լիբանանյան համայնքներում։ Լիբանանում` Բաթրունում օգոստոսի 13-ին տեղի ունեցած մրցույթում Ֆաքիհն զբաղեցրել է երրորդ տեղը` զիջելով Կարինա Էլ Կադիսին` Բրազիլիայից և Ջեսիկա Կահաֆտին` Ավստրալիայից։
Միսս ԱՄՆ[խմբագրել | խմբագրել կոդը]
2009 թվականի սեպտեմբերի 19-ին նա դարձել է «Միսս Միչիգանի» հաղթող։ 2010 թվականի մայիսին նա ներկայացրել է Միչիգանը «Միսս ԱՄՆ» մրցույթում, որը անցկացվել է Լաս Վեգասի «Planet Hollywood Resort and Casino» հյուրանոցում։ Նա «Միսս ԱՄՆ» տիտղոսը նվաճել է 2010 թվականի մայիսի 16-ին[3]։
Միսս Տիեզերք[խմբագրել | խմբագրել կոդը]
Որպես «Միսս ԱՄՆ» տիտղոսի հաղթող, Ֆաքիհը ներկայացրել է իր երկիրը «Միսս տիեզերք 2010» գեղեցկության մրցույթում, որը անցկացվել է օգոստոսի 23–ին Լաս Վեգասում «Մանդալայ Բեյ» հյուրանոցային համալիրում։ Մրցույթում Ֆաքիհին չի հաջողվել մտնել կիսաեզրափակիչ, այդպիսով նա 2002 թվականից դարձել է ԱՄՆ-ի առաջին ներկայացուցիչը, որը տեղ չի զբաղեցրել «Միսս Տիեզերքում»[4]։
Անձնական կյանք[խմբագրել | խմբագրել կոդը]
2016 թվականի ապրիլին նա իսլամից դավանափոխվեց կաթոլիկության, որպեսզի ամուսնանա մարոնիտ երաժշտական պրոդյուսեր Վասիմ Սալիբիի հետ։ Սալիբին կանադացի երգիչ The Weeknd-ի ղեկավարն է։ Հարսանիքը տեղի է ունեցել 2016 թվականի մայիսի 15-ին։ 2017 թվականի փետրվարին զույգը ունեցել է իրենց առաջին երեխան` դուստր Ռիմա կրտսեր։ 2018 թվականի մարտի 29-ին Ռիմա Ֆաքիհը որդի է ծնել, որին անվանել են Ջոզեֆ։
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ AlHajal, Khalil (July 26, 2008), «Local student to represent Michigan in Miss Lebanon Emigrant contest», The Arab American News (Dearborn, Michigan: ProQuest), արխիվացված օրիգինալից November 2, 2011-ին, https://web.archive.org/web/20111102163905/http://findarticles.com/p/articles/mi_8078/is_20080726/ai_n50749256/, վերցված է May 21, 2010
- ↑ Միսս ԱՄՆ 2010
- ↑ «рима факих — фото рима факих, последние новости про рима факих, лучшие фотографии рима факих»։ www.etoday.ru։ Վերցված է 2020-08-05
Արտաքին հղումներ[խմբագրել | խմբագրել կոդը]
- Official Rima Fakih Website
- Miss Michigan USA official website
- Rima Fakih’s blog Archived 2011-08-18 at the Wayback Machine.
- «Full List Of Contestants For USA Network’s WWE Tough Enough». WrestleHeat.com