Ռիմա Ֆակիհ
| Ռիմա Ֆակիհ | |
|---|---|
 | |
| Ծնվել է | սեպտեմբերի 22, 1985[1] (39 տարեկան) |
| Ծննդավայր | Սրիֆա, Սուրի շրջան, Հարավային Լիբանան, Լիբանան |
| Քաղաքացիություն |  ԱՄՆ |
| Կրոն | Մարոնիական կաթոլիկ եկեղեցի |
| Կրթություն | Միչիգանի համալսարան և St. John's Preparatory School? |
| Մասնագիտություն | մոդել, գեղեցկության մրցույթի մասնակից և դերասանուհի |
| Ամուսին | Wassim Slaiby? |
| Կայք | rimafakih.com |
 Rima Fakih Վիքիպահեստում | |
Ռիմա Ֆակիհ (արաբ․՝ ريما فقيه,սեպտեմբերի 22, 1985[1], Սրիֆա, Սուրի շրջան, Հարավային Լիբանան, Լիբանան), «Միսս ԱՄՆ» 2010 թվականի մրցույթի հաղթող։
Կենսագրություն
[խմբագրել | խմբագրել կոդը]Ֆակիհը ծնվել է Լիբանանի հարավում գտնվող Սրիֆա փոքր քաղաքում՝ շիա մուսուլմանական ընտանիքում։ Նա ունի քույր և երկու եղբայր։ Երեխա ժամանակ նա ապրել է Սուք Էլ Գարբայում և հաճախել է Բեյրութի մերձակայքում գտնվող Սուրբ Ռիտայի դպրոցը։ 1993 թվականին նրա ծնողները` Հուսեյին և Նադիա Ֆակիհները, Լիբանանի քաղաքացիական պատերազմի պատճառով տեղափոխվել են Նյու Յորք, որտեղ հայրը ռեստորան է բացել։ Այնտեղ Ռիտա Ֆակիհը հաճախել է Սենթ Ջոնսի տարրական դպրոցը, իսկ հետագայում Քվինսի կաթոլիկ դպրոցը։ Նյու Յորքում նրա ընտանիքը անընդհատ ենթարկվել է հարձակման և վանդալիզմի Մերձավոր Արևելքում տեղի ունեցող իրադարձությունների պատճառով, իսկ 2001 թվականի սեպտեմբերի 11-ին տեղի ունեցած ահաբեկչությունից հետո նրանք ստիպված էին փակել ռեստորանը։ 2003 թվականին նա իր ընտանիքի հետ տեղափոխվել է Միչիգան նահանգի Դարբորն, որտեղ գտնվում էր արաբ-ամերիկյան մեծ համայնքի տունը։ Այնտեղ նա ավարտել է Հենրի Ֆորդի համայնքային քոլեջը և հաճախել Դիբրոնի Միչիգանի համալսարանը, որտեղ նա սկսել է սովորել տնտեսագիտություն և կառավարում, հետագայում պլանավորել ավարտել իրավաբանական դպրոցը։ «Միսս ԱՄՆ» մրցույթին մասնակցելուց առաջ նա աշխատել է Դեյթրոյթի բժշկական կենտրոնում։
Գեղեցկության մրցույթներ
[խմբագրել | խմբագրել կոդը]Ֆակիհը 19 տարեկանում առաջին անգամ մասնակցել է գեղեցկության մրցույթին, «Միսս Ուեյն շրջան» մրցույթում գրավել չորրորդ տեղը` ավարտելով «Միսս Միչիգան» մրցույթի նախնական փուլը։ Նա նաև մասնակցել է գեղեցկության երեք ոչ մեծ միջազգային մրցույթների։
Միսս արտագաղթողներ Լիբանանից
[խմբագրել | խմբագրել կոդը]2008 թվականին Ֆակիհը Միչեգան նահանգից ընտրվել է «Միսս արտագաղթողներ Լիբանանից» մրցույթին մասնակցելու համար[2]։ Այս միջոցառումը «Միսս Լիբանան» մրցույթի մի մասն է, որին կարող են մասնակցել Լիբանանի աղջիկներ կամ լիբանանյան արմատներ ունեցող աղջիկներ, որոնք բնակվում են այլ երկրների լիբանանյան համայնքներում։ Լիբանանում` Բաթրունում օգոստոսի 13-ին տեղի ունեցած մրցույթում Ֆակիհն զբաղեցրել է երրորդ տեղը` զիջելով Կարինա Էլ Կադիսին` Բրազիլիայից և Ջեսիկա Կահաֆտին` Ավստրալիայից։
Միսս ԱՄՆ
[խմբագրել | խմբագրել կոդը]2009 թվականի սեպտեմբերի 19-ին նա դարձել է «Միսս Միչիգանի» հաղթող։ 2010 թվականի մայիսին նա ներկայացրել է Միչիգանը «Միսս ԱՄՆ» մրցույթում, որը անցկացվել է Լաս Վեգասի «Planet Hollywood Resort and Casino» հյուրանոցում։ Նա «Միսս ԱՄՆ» տիտղոսը նվաճել է 2010 թվականի մայիսի 16-ին[3]։
Միսս Տիեզերք
[խմբագրել | խմբագրել կոդը]Որպես «Միսս ԱՄՆ» տիտղոսի հաղթող, Ֆակիհը ներկայացրել է իր երկիրը «Միսս տիեզերք 2010» գեղեցկության մրցույթում, որը անցկացվել է օգոստոսի 23–ին Լաս Վեգասում «Մանդալայ Բեյ» հյուրանոցային համալիրում։ Մրցույթում Ֆակիհին չի հաջողվել մտնել կիսաեզրափակիչ, այդպիսով նա 2002 թվականից դարձել է ԱՄՆ-ի առաջին ներկայացուցիչը, որը տեղ չի զբաղեցրել «Միսս Տիեզերքում»[4]։
Անձնական կյանք
[խմբագրել | խմբագրել կոդը]2016 թվականի ապրիլին նա իսլամից դավանափոխվեց կաթոլիկության, որպեսզի ամուսնանա երաժշտական պրոդյուսեր, մարոնի Վասիմ Սալիբիի հետ։ Սալիբին կանադացի երգիչ The Weeknd-ի ղեկավարն է։ Հարսանիքը տեղի է ունեցել 2016 թվականի մայիսի 15-ին։ 2017 թվականի փետրվարին զույգը ունեցել է իրենց առաջին երեխան` դուստր Ռիմա կրտսեր։ 2018 թվականի մարտի 29-ին Ռիմա Ֆակիհը որդի է ծնել, որին անվանել են Ջոզեֆ։
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ AlHajal, Khalil (2008 թ․ հուլիսի 26), «Local student to represent Michigan in Miss Lebanon Emigrant contest», The Arab American News, Dearborn, Michigan: ProQuest, Արխիվացված է օրիգինալից 2011 թ․ նոյեմբերի 2-ին, Վերցված է 2010 թ․ մայիսի 21-ին
- ↑ Միսս ԱՄՆ 2010
- ↑ «рима факих — фото рима факих, последние новости про рима факих, лучшие фотографии рима факих». www.etoday.ru. Վերցված է 2020 թ․ օգոստոսի 5-ին.