Ջուլիան Բրիմ

Վիքիպեդիայից՝ ազատ հանրագիտարանից
Jump to navigation Jump to search
Ջուլիան Բրիմ
Julian Bream 1964.JPG
Ծնվել էհուլիսի 15, 1933(1933-07-15)[1][2]
Բաթերսի, Ուոնդսուերտ, Մեծ Լոնդոն, Անգլիա, Միացյալ Թագավորություն[3][4]
ԵրկիրFlag of the United Kingdom.svg Միացյալ Թագավորություն[5]
Մահացել էօգոստոսի 14, 2020(2020-08-14)[4] (87 տարեկան)
Wiltshire, Միացյալ Թագավորություն[6]
Ժանրերդասական երաժշտություն
Մասնագիտությունկիթառահար, երաժիշտ, երաժշտության ուսուցիչ, lutenist, դասական կիթառահար և կոմպոզիտոր
Գործիքներկիթառ, լյուտնյա, դաշնամուր և դասական կիթառ
ԱշխատավայրԵրաժշտության թագավորական ակադեմիա
ԼեյբլRCA Red Seal Records
ԿրթությունԵրաժշտության թագավորական քոլեջ
ՊարգևներԲրիտանական կայսրության շքանշանի կոմանդոր և Գրամոֆոն մրցանակ կյանքի նվաճումների համար
Julian Bream Վիքիպահեստում

Ջուլիան Ալեքսանդր Բրիմ (անգլ.՝ Julian Alexander Bream[7], հուլիսի 15, 1933(1933-07-15)[1][2], Բաթերսի, Ուոնդսուերտ, Մեծ Լոնդոն, Անգլիա, Միացյալ Թագավորություն[3][4] - օգոստոսի 14, 2020(2020-08-14)[4], Wiltshire, Միացյալ Թագավորություն[6]), անգլիացի[8] դասական կիթառահար և լյուտնյա նվագող։ 20-րդ դարի ամենանշանավոր դասական կիթառահարներից մեկը[9]։

Կիթառ նվագել սովորել է հոր ղեկավարությամբ, տասնչորս տարեկանում առաջին անգամ մենահամերգով հանդես է եկել Չելտնեմում: Բրիմը շարունակել է կատարելագործվել որպես կիթառահար Թագավորական երաժշտական քոլեջում սովորելու ընթացքում (կիթառ այնտեղ չէին դասավանդում, և Բրիմը սովորել է դաշնամուրի և թավջութակի դասարաններում)։ 1950-ականների առաջին կեսին նա հաջողությամբ ելույթ է ունեցել Բրիտանիայի քաղաքներում, իսկ 1954 թվականին Շվեյցարիայում ունեցած համերգներից հետո՝ ամբողջ Եվրոպայում: 1957 թվականին Բրիմը դարձել է Բրիտանիայում առաջին կատարողը, որը կիթառի համերգ է տվել Էյտոր Վիլա Լոբոսի նվագախմբի հետ (դրանից մեկ տարի առաջ նա անձամբ ծանոթացել էր կոմպոզիտոր հետ), իսկ մեկ տարի անց նշել է նորամուտն ԱՄՆ-ում։

Կիթառահարի կարիերային զուգահեռ Բրիմը 1950 թվականից սկսել է նվագել Վերածննդի լյուտնյա և շուտով դարձել է այդ գործիքը նվագողներից լավագույններից մեկը: Երգիչ Փիթեր Պիրսի հետ միասին նա կատարել է եղիսաբեթյան դարաշրջանի ստեղծագործություններ ձայնի և լյուտնյայի համար՝ վերածնելով հետաքրքրությունն այդ ժանրի հանդեպ և ոգևորելով մի շարք ժամանակակից կոմպոզիտորերի՝ հորինելու երգեր ձայնի և կիթառի համար: 1959 թվականին Բրիմը հիմնադրել է «Julian Bream Consort» անսամբլը, որը կատարել է հնադարյան երաժշտություն: Բրիմի երգացանկում ընդգրկվել են նաև նոր ստեղծագործություններ, որ հատուկ նրա համար գրել են Մալքոլմ Առնոլդը (Համերգ կիթառի համար նվագախմբի հետ, Ֆանտազիա կիթառի համար սոլո), Բենջամեն Բրիտտենը (Նոկտյուրնալ Ջոն Դոոլենդի թեմայով), Լեննոքս Բերքլին (Համերգ, Սոնատինա, Թեմա վարիացիաներով), Լեո Բրաուերը (Համերգ №3, Սոնատ) և այլ շատ կոմպոզիտորներ:

Ստեղծագործական համագործակցությունը Բրիմին կապել է հայտնի երաժիշտների հետ, որոնց թվում էին Ջորջ Մալքոլմը (լյուտնյա, կլավեսին) և Ջոն Ուիլյամսը (կիթառ): 1973 թվականին Բրիմի և Ուիլյամսի համատեղ թողարկված ալբոմն արժանացել է «Գրեմմի» մրցանակի: Բրիմը ելույթ է ունեցել հեռուստատեսությամբ վարպետության դասերով և կիթառի պատմությանը նվիրված հաղորդումների շարքով։ Երաժիշտի լայնածավալ սկավառակագրության մեջ ներառված են համարյա ամողջ երգացանկը, որ գրված է կիթառի և լյուտնյայի համար:

Ջուլիան Բրիմն ընդգրկվել է Gramophone ամսագրի փառքի սրահում[10]։

Ծանոթագրություններ[խմբագրել | խմբագրել կոդը]

  1. 1,0 1,1 Encyclopædia Britannica
  2. 2,0 2,1 Энциклопедия Брокгауз (գերմ.)
  3. 3,0 3,1 3,2 German National Library, Berlin State Library, Bavarian State Library, Austrian National Library Record #119555050 // Общий нормативный контроль (GND) — 2012—2016.
  4. 4,0 4,1 4,2 4,3 4,4 4,5 https://www.eveningexpress.co.uk/lifestyle/entertainment/classical-guitarist-julian-bream-dies-aged-87/
  5. LIBRIS — 2006.
  6. 6,0 6,1 6,2 https://www.bbc.com/news/entertainment-arts-53777949
  7. Stewart Button (November 2005)։ Julian Bream: The Foundations of a Musical Career։ Bold Strummer Limited։ էջ 16։ ISBN 978-1-57784-067-1 
  8. Sensier and Wade, 2001
  9. Jeffries Stuart (2013-09-13)։ «Julian Bream: 'I'm a better musician now than when I was 70'»։ The Guardian (en-GB)։ ISSN 0261-3077։ Վերցված է 2019-07-20։ «In 1964, he was awarded the OBE for his services to music. By then, he had won the first of four Grammy awards in the US. In the 70s, 80s and 90s, he became one of classical music's bestselling and most prolific recording artists. [...] He will be awarded the Gramophone lifetime achievement award on 17 September [2013].» 
  10. «Gramophone Hall of Fame» (անգլերեն)։ Gramophone։ Վերցված է 2016-01-02 

Արտաքին հղումներ[խմբագրել | խմբագրել կոդը]