Ջորջ Բար

Վիքիպեդիայից՝ ազատ հանրագիտարանից
Jump to navigation Jump to search
Ջորջ Բար
Ծնվել է1859[1][2][3][4][5][6][7][8][9][10][11][12][13]
ԾննդավայրMunroe Falls, Summit County, Օհայո, ԱՄՆ
Վախճանվել էնոյեմբեր 1939[14]
ՔաղաքացիությունԱՄՆ
Մասնագիտություննկարիչ և օֆորտանկարիչ
Ժանրբնանկար

Ջորջ Բար (անգլ.՝ George Elbert Burr, 1859[1][2][3][4][5][6][7][8][9][10][11][12][13], Munroe Falls, Summit County, Օհայո, ԱՄՆ - նոյեմբեր 1939[14]), ամերիկացի նկարիչ: Առավել հայտնի է իր փորագրանկարներով, որոնցում պատկերել է Ամերիկայի արևմուտքում գտնվող անապատային և լեռնային շրջանները։

Կենսագրություն[խմբագրել | խմբագրել կոդը]

Բարը ծնվել է Օհայո նահանգում, իսկ 10 տարեկանում ընտանիքի հետ տեղափոխվել է Միսսուրի, որտեղ նրա հայրը բացել է տնտեսական խանութ[15]։ Կրթվելով իր մոր կողմից՝ Բարը մեկնել է Չիկագոյի Դիզայնի ակադեմիայում սովորելու (1878) և հետ է վերադարձել 1879 թվականի ապրիլին։

Բարն աշխատել է իր հոր խանութում, բայց երբեք հետաքրքրությունը չի կորցրել արվեստի նկատմամբ[16]։ Հաջողության է հասել վաղ հասակում՝ Harper Scribner ամսագրերին, Frank Leslieշաբաթաթերթին և Cosmopolitan-ին նկարներ մատակարարելով։ 1892 թվականին սկսել է քառամյա ծրագիր, ըստ որի Մետրոպոլիտեն թանգարանի (Նյու Յորք) համար նկարել է հնամենի թանկարժեք նմուշներ։ Այս ծրագրի միջոցով վաստակած գումարը բավական էր, որ Բարը կարողանա ամբողջ Եվրոպայով ճանապարհորդության մեկնել իր կնոջ հետ։ Հաջորդ տարիների ընթացքում նրանք այցելում են Իտալիա, Գերմանիա և Բրիտանական կղզիներ. Բարը նկարում է էսքիզներ և ջրաներկով նկարված նկարներ, որոնք հիմք էին հանդիսանալու եվրոպական վայրերի պատկերներով կտավներ ստեղծելու։

Ամերիկա վերադառնալուց մի քանի տարի անց գրիպի համաճարակի պատճառով Բարը մեկնեց Դենվեր առողջական խնդիրները լուծելու համար։ Այնտեղ, թեք և անտառոտ կիրճերում գտնվող ստուդիայում, որտեղից բացվում էր Ժայռոտ լեռների համայնապատկերը, Բարը սկսեց կենտրոնանալ այն աշխատանքի վրա, որի շնորհիվ հետագայում հայտնի է դարձել։ 1910 թվականին նա Դենվերի փողոցներից մեկում կառուցեց քարե տուն։ Կառույցը ձեռք էր բերվել Կանանց ակումբի կողմից, որը մինչև օրս շարունակում է մնալ նրա հավաքատեղին[17]։ 1924 թվականին Բարը տեղափոխվում է Արիզոնայի Ֆինիքս քաղաք, որտեղ ցանկանում էր ապրել մինչև կյանքի վերջ։ Բնակավայրի փոփոխությունը նրան հնարավորություն ընձեռեց ընդլայնելու աշխատանքների ոճը։ Նա և իր կինը, որ մահացավ 1941 թվականին, թաղված են Քամերոնում[18]։

Այսօր Ջորջ Բարի անունը լայնորեն ճանաչված է որպես 20-րդ դարի ամենահանճարեղ ամերիկացի փորագրանկարիչերից մեկի։ Նրա նկարների փորագրանկարները ականավոր հավաքածուների մաս են կազմում և ցուցադրված են Ամերիկայի արվեստի պատկերասրահում[19], Ֆրանսիական ազգային տպագրության հավաքածուում, Լյուքսեմբուրգի թանգարանում, Վիկտորիայի և Ալբերտի թանգարանում, Բրիտանական թանգարանում, Նյու Յորքի հանրային գրադարանում, Բրուքլինի թանգարանում[20] և Վաշինգտոնի Կոնգրեսի գրադարանում[21]։

Ծանոթագրություններ[խմբագրել | խմբագրել կոդը]

  1. 1,0 1,1 George Elbert Burr
  2. 2,0 2,1 George Elbert Burr
  3. 3,0 3,1 Swartz A. George Elbert Burr — 2007.
  4. 4,0 4,1 Burr, George Elbert
  5. 5,0 5,1 George Elbert Burr
  6. 6,0 6,1 George Elbert Burr — 2006. — ISBN 978-0-19-977378-7, 978-0-19-989991-3
  7. 7,0 7,1 SNAC — 2010.
  8. 8,0 8,1 Athenaeum
  9. 9,0 9,1 Artnet — 1998.
  10. 10,0 10,1 Faceted Application of Subject Terminology
  11. 11,0 11,1 Nelson-Atkins Museum of Art — 1933.
  12. 12,0 12,1 ArtCyclopedia
  13. 13,0 13,1 Saint Louis Art Museum — 1909.
  14. 14,0 14,1 14,2 RKDartists
  15. «George Elbert Burr (1859–1939)»։ Taos and Santa Fe Painters։ Վերցված է 2019-06-28 
  16. «George Elbert Burr»։ 1stdibs։ Վերցված է 2019-06-28 
  17. «Curator's Corner 2: Subtle Visions of the West»։ Denver Public Library։ Վերցված է 2019-06-28 
  18. «George Elbert Burr»։ Find a Grave։ Վերցված է 2019-06-28 
  19. «George Elbert Burr»։ Smithsonian American Art Museum (անգլերեն)։ Վերցված է 2018-08-02 
  20. «Brooklyn Museum»։ www.brooklynmuseum.org։ Վերցված է 2018-08-02 
  21. «Etchings by American Artist George Elbert Burr at MNA»։ Museum of Northern Arizona (en-US)։ 2006-03-17։ Վերցված է 2018-08-02