Պոլ Դելվո

Պոլ Դելվո
Ծնվել է	սեպտեմբերի 23, 1897[…]
Ծննդավայր	Յուի, Ուի, Լիեժ, Վալոնիա, Բելգիա և Antheit, Վանզ, Ուի, Լիեժ, Վալոնիա, Բելգիա
Վախճանվել է	հուլիսի 20, 1994[…] (96 տարեկան)
Մահվան վայր	Veurne, Վյորնե, Արևմտյան Ֆլանդրիա, Ֆլանդրիա, Բելգիա
Քաղաքացիություն	Բելգիա
Կրթություն	Գեղարվեստի թագավորական ակադեմիա
Մասնագիտություն	նկարիչ, նկարազարդող, գծանկարիչ, գծանկարիչ, նկարիչ-փորագրող, փորագրիչ, ջրանկարիչ, քանդակագործ, muralist և վիզուալ արտիստ
Թեմաներ	գեղանկարչություն
	Paul Delvaux Վիքիպահեստում

Պոլ Դելվո (ֆր.՝ Paul Delvaux, սեպտեմբերի 23, 1897(1897-09-23)^[1]^[2]^[3]^[…], Յուի, Ուի, Լիեժ, Վալոնիա, Բելգիա և Antheit, Վանզ, Ուի, Լիեժ, Վալոնիա, Բելգիա - հուլիսի 20, 1994(1994-07-20)^[1]^[2]^[3]^[…], Veurne, Վյորնե, Արևմտյան Ֆլանդրիա, Ֆլանդրիա, Բելգիա), բելգիացի նկարիչ, սյուրռեալիզմի ականավոր ներկայացուցիչ։

Կյանք և գործունեություն

Ծնվել է 1897 թվականին։ Ճարտարապետություն է սկսել ուսումնասիրել Բրյուսելի գեղարվեստի թագավորական ակադեմիայում, ինչից հետո տեղափոխվել է Կոնստան Մոնտալի` նկարչության դասարանը։ Սակայն ճարտարապետությունը միշտ եղել է Դելվոյի ներշնչանքի առարկան. նա կտավներում մշտապես պատկերել է ճարտարապետական որոշակի տարրեր։

Սկզբնական փուլում նկարիչը կրել է նեոիմպրեսիոնիզմի, ապա էքսպրեսիոնիզմի ազդեցությունը։ 1920-1925 թվականներին նա պատրաստում է 80 նկար իր անհատական առաջին ցուցահանդեսի համար^[4]։ 1934 թվականին այցելում է Բրյուսելում սյուրռեալիստների «Մինոտավրոս» ցուցահանդես, ինչը բեկումնային է դառնում Պոլ Դելվոյի աշխարհայացքում ու արվեստի մեջ։ Այստեղ նկարիչը ծանոթանում է Ռենե Մագրիտի, Մաքս Էռնստի և Սալվադոր Դալիի հետ։ 1930-ական թվականներին Դալվոն Մագրիտի հետ իր աշխատանքներն է ներկայացնում Բրյուսելի գեղարվեստի պալատում, իսկ 1938 թվականին մասնակցում է Անդրե Բրետոնի և Պոլ Էլյուարի կազմակերպած Սյուրռեալիստական միջազգային ցուցահանդեսին Փարիզում^[5]։

Նկարչի երևակայական աշխարհի կենտրոնում միշտ կանգնած է կինը, որ հաճախ հիվանդագին էրոտիկայի մաս է կազմում։ Դելվոյի սիրած թեմաներից է կնոջ կերպարի պատկերումը անվերջության ձգտող լանդշաֆտին, որը շրջապատված է ֆլամանդական ճարտարապետության խորհրդավոր տարրերով։ Դելվոյի նկարների թեմատիկան Անդրե Բրետոնին առիթ է տվել ենթադրելու, որ նկարիչը «մեր աշխարհը վերածել է Կնոջ թագավորության` սրտերի տիրակալության»։

Դելվոն առավել հաջողակ սյուրռեալիստ նկարիչներից մեկն էր, չնայած նա պաշտոնապես երբեք չի հարել սյուրռեալիստական շարժմանը։

Նկարների ընտրանի

«Էրմիտաժ», 1973, մասնավոր հավաքածու
«Անկեղծ ձայն», 1948, Բրյուսել, Գեղարվեստի թագավորական թանգարան
«Վարդագույն ժապավեններ», 1937, Անտվերպեն, Գեղարվեստի թագավորական թանգարան
«Մեծ ծառուղի», 1964, Լոնդոն, Սյուրռեալիստական արվեստի Ակորի կենտրոն
«Ջրահարսերի ավան», 1942, Չիկագո, Արվեստների ինստիտուտ

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Paul Delvaux (նիդերլ.)
↑ ^3,0 ^3,1 ^3,2 ^3,3 ^3,4 Paul Delvaux // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00049100
↑ Carels et al., 2004, p. 53.
↑ Rombaut, 1990, p. 15.

Գրականություն

T.Martin: Surrealisten, Bath 2004
Die Welt der Malerei, Köln 1990

Արտաքին հղումներ

Պոլ Դելվո, Նկարների վիրտուալ պատկերասրահ Արխիվացված 2008-12-03 Wayback Machine

Վիքիպահեստն ունի նյութեր, որոնք վերաբերում են «Պոլ Դելվո» հոդվածին։

[_dbcb54a0eb1a6992-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_3c4d85d493c2c9d4-2] 2,0 ^2,1 ^2,2 ^2,3 ^2,4 Paul Delvaux (նիդերլ.)

[_82e4724bf66f3cac-3] 3,0 ^3,1 ^3,2 ^3,3 ^3,4 Paul Delvaux // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00049100

[4] Carels et al., 2004, p. 53.

[5] Rombaut, 1990, p. 15.

[1]

[2]

[3]

[4]

[5]