Շտեֆան Ռադու

Վիքիպեդիայից՝ ազատ հանրագիտարանից
Շտեֆան Ռադու
Ștefan Radu
Ռադուն Լացիոյի կազմում 2018 թվականին
Անձնական տվյալներ
Ամբողջական անուն Ștefan Daniel Radu
Քաղաքացիությունը Ռումինիա Ռումինիա
Ծննդյան ամսաթիվ հոկտեմբերի 22, 1986(1986-10-22)[1][2][3] (37 տարեկան)
Ծննդավայր Բուխարեստ, Ռումինիա
Հասակ 178 սմ
Քաշ 79 կգ
Դիրք կենտրոնական պաշտպան
Ակումբային տեղեկություններ
Ներկա ակումբ Իտալիա Լացիո
Համար 26
Պատանեկան կարիերա
1999-2004 Ռումինիա Դինամո Բուխարեստ
Մասնագիտական կարիերա*
Տարի Ակումբ Խաղ (գոլ)
2004-2008 Ռումինիա Դինամո Բուխարեստ 61 (1)
2008-ներկա Իտալիա Լացիո 255 (4)
Ազգային հավաքական‡
2003 Ռումինիա Ռումինիա Մ17 1 (0)
2005 Ռումինիա Ռումինիա Մ19 3 (0)
2006-2008 Ռումինիա Ռումինիա Մ21 13 (1)
2006-2013 Ռումինիա Ռումինիա 14 (0)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ հոկտեմբերի 18-ի, 2018:

‡ Ազգային հավաքականի խաղերն ու գոլերը ըստ հոկտեմբերի 18-ի, 2018

Շտեֆան Ռադու (ռումիներեն՝ Ștefan Radu, հոկտեմբերի 22, 1986(1986-10-22)[1][2][3], Բուխարեստ, Ռումինիա), ռումինացի պրոֆեսիոնալ ֆուտբոլիստ։ Ներկայումս հանդես է գալիս Լացիոյի կազմում։ Խաղում է կենտրոնական պաշտպանի դիրքում[4]։ Նախկինում հանդես է եկել Ռումինիայի ազգային հավաքականում և նրա կազմում մասնակցել Եվրո 2008-ին[5]։

Ակումբային կարիերա[խմբագրել | խմբագրել կոդը]

Դինամո Բուխարեստ[խմբագրել | խմբագրել կոդը]

Ռադուն Դինամո Բուխարեստի ակադեմիայի սան է։ Իր պրոֆեսիոնալ դեբյուտը նշեց 2005 թվականի ապրիլի 27-ին՝ թիմի մեկնարկային կազմում խաղադաշտ դուրս գալով Բակեուի դեմ խաղում[6]։ Առաջին գոլը պրոֆեսիոնալ կարիերայում խփեց 2006 թվականի հուլիսի 13-ին՝ ՈՒԵՖԱ Գավաթի որակավորման առաջին փուլի Հիբերնիանսի դեմ խաղում[7]։ Ռումինիայի առաջնությունում իր առաջին գոլը խփեց նոյեմբերի 5-ին՝ Կլուժի դեմ խաղում[8]։ Դինամո Բուխարեստի առաջին թիմի կազմում Ռադուն անցկացրեց 80 հանդիպում՝ դառնալով 2 գոլի հեղինակ։

Լացիո[խմբագրել | խմբագրել կոդը]

2008 թվականի հունվարին Ռադուն մինչև մրցաշրջանի ավարտը վարձավճարով տեղափոխվեց Լացիո[9]։ Իր դեբյուտը ակումբի կազմում նշեց հունվարի 30-ին՝ Իտալիայի գավաթի քառորդ եզրափակչի Ֆիորենտինայի դեմ խաղում[10]։ Առաջին հանդիպումը Սերիա A-ում անցկացրեց փետրվարի 3-ին՝ Սամպդորիայի դեմ խաղում[11]։ Հունիսին Ռադուն 3․5 միլիոն եվրոյի դիմաց լրիվ տրանսֆերով միացավ Լացիոյին[12][13]։ 2011 թվականի մարտի 13-ին ռումինացին հեռացվեց խաղադաշտից Ռոմայի դեմ խաղում՝ կարմիր քարտ ստանալով հանդիպման 87-րդ րոպեին[14]։

2011 թվականի հունիսի 17-ին Ռադուն 5 տարով երկարաձգեց իր պայմանագիրը Լացիոյի հետ[15]՝ 2011-12 մրցաշրջանում դառնալով թիմի ավագը։ Իր առաջին գոլը ակումբի կազմում խփեց 2012 թվականի դեկտեմբերի 6-ին՝ Եվրոպայի Լիգայի խմբային փուլի Մարիբորի դեմ խաղում[16]։ Առաջին գոլը Սերիա A-ում խփեց 2013 թվականի փետրվարի 25-ին՝ Պեսկարայի դեմ խաղում[17]։ Մայիսի 26-ին ռումինացին թիմի մեկնարկային կազմում խաղադաշտ դուրս եկավ Իտալիայի գավաթի եզրափակչի Ռոմայի դեմ խաղում[18]՝ օգնելով Լացիոյին հաղթել 1-0 հաշվով և նվաճել գավաթը[19][20]։ 2012-13 մրցաշրջանում Ռադուն անցկացրեց 36 հանդիպում բոլոր մրցաշարերում՝ դառնալով 3 գոլի և 5 գոլային փոխանցման հեղինակ[21]։

2013 թվականի օգոստոսի 18-ին Ռադուն մասնակցեց Իտալիայի սուպերգավաթի Յուվենտուսի դեմ խաղին[22], սակայն այս խաղում Լացիոն պարտվեց 4-0 հաշվով[23][24]։ 2014 թվականի փետրվարի 23-ին նա գոլի և գոլային փոխանցման հեղինակ դարձավ Սասուոլոյի դեմ խաղում՝ օգնելով իր թիմին հաղթել 3-2 հաշվով[25]։ 2015 թվականի մայիսի 20-ին Ռադուն գոլ խփեց Իտալիայի գավաթի եզրափակչի Յուվենտուսի դեմ խաղում[26], սակայն Լացիոն հանդիպման լրացուցիչ ժամանակում 2-1 հաշվով պարտություն կրեց[27][28]։ Հուլիսի 11-ին ռումինացին երկարաձգեց իր պայմանագիրը ակումբի հետ մինչև 2020 թվականը[29][30][31]։ 2016 թվականի հունվարի 24-ին նա կարմիր քարտ ստացավ Կիևոյի դեմ խաղում՝ հեռացվելով խաղադաշտից հանդիպման 82-րդ րոպեին[32]։

Ռադուն Լացիոյի կազմում 2015 թվականին

2016 թվականի դեկտեմբերի 18-ին Ռադուն գոլ խփեց Ֆիորենտինայի դեմ խաղում՝ օգնելով իր թիմին հաղթել 3-1 հաշվով[33]։ 2017 թվականի հունվարի 31-ին նա հեռացվեց խաղադաշտից Ինտեր Միլանի դեմ խաղում՝ ստանալով երկրորդ դեղին քարտը հանդիպման 76-րդ րոպեին[34]։ Մայիսի 17-ին ռումինացին փոխարինեց վնասվածք ստացած Մարկո Պարոլոյին Իտալիայի գավաթի եզրափակչի Յուվենտուսի դեմ հանդիպման 21-րդ րոպեին, սակայն Լացիոն պարտվեց 2-0 հաշվով[35]։ 2016-17 մրցաշրջանում Ռադուն անցկացրեց 31 հանդիպում՝ դառնալով 2 գոլի և 1 գոլային փոխանցման հեղինակ[36]։

Օգոստոսի 13-ին Ռադուն մասնակցեց Իտալիայի սուպերգավաթի Յուվենտուսի դեմ ամբողջ հանդիպմանը[37]՝ օգնելով իր թիմին հաղթանակ կորզել խաղի վերջին րոպեներին և նվաճել գավաթը[38][39]։ 2018 թվականի ապրիլի 15-ին ռումինացին հեռացվեց խաղադաշտից Ռոմայի դեմ խաղում[40]՝ ստանալով երկրորդ դեղին քարտը հանդիպման 80-րդ րոպեին[41][42]։ 2017-18 մրցաշրջանում Ռադուն անցկացրեց 41 հանդիպում՝ դառնալով 2 գոլային փոխանցման հեղինակ բոլոր մրցաշարերում[43]։

Միջազգային կարիերա[խմբագրել | խմբագրել կոդը]

Ռադուն ներկայացրել է Ռումինիան տարբեր տարիքային երիտասարդական հավաքականներում։ Ռումինիայի ազգային հավաքականում իր դեբյուտը նշեց 2006 թվականի նոյեմբերի 15-ին՝ փոխարինելով Ռազվան Ռացին Իսպանիայի դեմ ընկերական խաղում[44]։ Հավաքականի մեկնարկային կազմում առաջին հանդիպումը անցկացրեց 2007 թվականի մարտի 28-ին՝ Լյուքսեմբուրգի դեմ խաղում[45]։ 2008 թվականին Ռադուն ազգային հավաքականի կազմում մասնակցեց Եվրո 2008-ին[5][46], սակայն չանցկացրեց ոչ մի հանդիպում[47], իսկ Ռումինիան դուրս մնաց խմբային փուլից[48]։ 2013 թվականի ապրիլի 5-ին նա 26 տարեկան հասակում ավարտեց միջազգային կարիերան[49][50]՝ վերջին հանդիպումը անցկացնելով մարտի 22-ին՝ Հունգարիայի դեմ խաղում[51]։

Կարիերայի վիճակագրություն[խմբագրել | խմբագրել կոդը]

Ակումբային վիճակագրություն[խմբագրել | խմբագրել կոդը]

2018 թվականի հոկտեմբերի 18-ի դրությամբ[52]

Ակումբ Մրցաշրջան Առաջնություն Գավաթ Եվրոպա Այլ Ընդհանուր
Դիվիզիոն Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Դինամո Բուխարեստ 2004–05 Լիգա I 2 0 0 0 0 0 0 0 2 0
2005–06 8 0 0 0 0 0 0 0 8 0
2006–07 32 1 2 0 12 1 0 0 46 2
2007–08 19 0 0 0 4 0 1 0 24 0
Ընդհանուր 61 1 2 0 16 1 1 0 80 2
Լացիո 2007–08 Սերիա A 11 0 2 0 0 0 0 0 13 0
2008–09 19 0 0 0 0 0 0 0 19 0
2009–10 28 0 2 0 6 0 0 0 36 0
2010–11 26 0 1 0 0 0 0 0 27 0
2011–12 21 0 0 0 5 0 0 0 26 0
2012–13 23 1 4 1 9 1 0 0 36 3
2013–14 25 1 1 0 5 0 1 0 32 1
2014–15 24 0 5 1 0 0 0 0 29 1
2015–16 13 0 2 0 9 0 1 0 25 0
2016–17 29 2 2 0 0 0 0 0 31 2
2017–18 31 0 3 0 6 0 1 0 41 0
2018–19 5 0 0 0 0 0 0 0 5 0
Ընդհանուր 255 4 22 2 40 1 3 0 320 7
Կարիերայի ընդհանուր 316 5 24 2 56 2 4 0 400 9

Միջազգային վիճակագրություն[խմբագրել | խմբագրել կոդը]

Ռումինիա
Տարի Խաղեր Գոլեր
2006 1 0
2007 5 0
2008 3 0
2011 2 0
2012 1 0
2013 2 0
Ընդհանուր 14 0

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Դինամո Բուխարեստ

Լացիո

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 Արգենտինական ֆուտբոլի տվյալների շտեմարան (իսպ.)
  3. ↑ 3,0 3,1 As (իսպ.) — Madrid: Grupo Prisa, 1967. — ISSN 1888-6671
  4. ↑ «Romania - Ş. Radu - Profile with news, career statistics and history - Soccerway». int.soccerway.com (անգլերեն). Վերցված է 2018 թ․ հոկտեմբերի 18-ին.
  5. ↑ 5,0 5,1 «Football: Romania squad for Euro 2008». the Guardian (անգլերեն). 2008 թ․ մայիսի 28. Վերցված է 2018 թ․ հոկտեմբերի 18-ին.
  6. ↑ «Dinamo Bukarest - FCM Bacau, Apr 27, 2005 - Liga 1 - Match sheet» (անգլերեն). Վերցված է 2018 թ․ հոկտեմբերի 18-ին.
  7. ↑ «Hibernians FC - Dinamo Bukarest, Jul 13, 2006 - UEFA-Cup Qualifikation - Match sheet» (անգլերեն). Վերցված է 2018 թ․ հոկտեմբերի 18-ին.
  8. ↑ «CFR Cluj - Dinamo Bukarest, Nov 5, 2006 - Liga 1 - Match sheet» (անգլերեն). Վերցված է 2018 թ․ հոկտեմբերի 18-ին.
  9. ↑ «Lazio sign Radu on loan». eyefootball (անգլերեն). Վերցված է 2018 թ․ հոկտեմբերի 18-ին.
  10. ↑ «ACF Fiorentina - SS Lazio, Jan 30, 2008 - Coppa Italia - Match sheet» (անգլերեն). Վերցված է 2018 թ․ հոկտեմբերի 18-ին.
  11. ↑ «SS Lazio - UC Sampdoria, Feb 3, 2008 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  12. ↑ «Italy buys more Romanian footballers; Radu Stefan for Lazio Roma». Flickr (ամերիկյան անգլերեն). Վերցված է 2018 թ․ հոկտեմբերի 18-ին.
  13. ↑ «Ştefan Radu: Lazio a ales bine, Moţi e un jucător complet». Mediafax.ro (ռումիներեն). Վերցված է 2018 թ․ հոկտեմբերի 18-ին.
  14. ↑ «AS Roma - SS Lazio, Mar 13, 2011 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  15. ↑ «Radu extends Lazio deal». Sky Sports (անգլերեն). Վերցված է 2018 թ․ հոկտեմբերի 18-ին.
  16. ↑ «NK Maribor - SS Lazio, Dec 6, 2012 - Europa League - Match sheet» (անգլերեն). Վերցված է 2018 թ․ հոկտեմբերի 18-ին.
  17. ↑ «SS Lazio - Delfino Pescara 1936, Feb 25, 2013 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  18. ↑ «AS Roma - SS Lazio, May 26, 2013 - Coppa Italia - Match sheet» (անգլերեն). Վերցված է 2018 թ․ հոկտեմբերի 18-ին.
  19. ↑ 19,0 19,1 «European football: Lazio beat rivals Roma in Coppa Italia final». BBC Sport (բրիտանական անգլերեն). 2013 թ․ մայիսի 26. Վերցված է 2018 թ․ հոկտեմբերի 18-ին.
  20. ↑ «Roma 0-1 Lazio: Biancocelesti edge dour derby to claim Coppa Italia». www.goal.com (անգլերեն). Արխիվացված է օրիգինալից 2019 թ․ ապրիլի 12-ին. Վերցված է 2018 թ․ հոկտեմբերի 18-ին.
  21. ↑ «Stefan Radu | Football Stats | Lazio | Season 2012/2013 | Soccer Base». www.soccerbase.com (անգլերեն). Վերցված է 2018 թ․ հոկտեմբերի 18-ին.
  22. ↑ «Juventus FC - SS Lazio, Aug 18, 2013 - Supercoppa Italiana - Match sheet» (անգլերեն). Վերցված է 2018 թ․ հոկտեմբերի 18-ին.
  23. ↑ «Juventus 4-0 Lazio: Second-half salvo secures Supercoppa | Goal.com». www.goal.com (անգլերեն). Վերցված է 2018 թ․ հոկտեմբերի 18-ին.
  24. ↑ «Juventus 4-0 Lazio: Juve retain Supercoppa». ESPN.com (անգլերեն). Վերցված է 2018 թ․ հոկտեմբերի 18-ին.(չաշխատող հղում)
  25. ↑ «SS Lazio - US Sassuolo, Feb 23, 2014 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  26. ↑ «SS Lazio - Juventus FC, May 20, 2015 - Coppa Italia - Match sheet» (անգլերեն). Վերցված է 2018 թ․ հոկտեմբերի 18-ին.
  27. ↑ «Juventus 2-0 Lazio: Mandzukic and Paulo hand Juve win». Mail Online. Վերցված է 2018 թ․ հոկտեմբերի 18-ին.
  28. ↑ «Juventus v Lazio Live Commentary & Result, 08/08/2015, Super Cup | Goal.com». www.goal.com (անգլերեն). Վերցված է 2018 թ․ հոկտեմբերի 18-ին.
  29. ↑ «Stefan Radu signs five-year contract extension with Lazio | Goal.com». www.goal.com (անգլերեն). Վերցված է 2018 թ․ հոկտեմբերի 18-ին.
  30. ↑ «Stefan Radu signs new Lazio contract». ESPN.com (անգլերեն). Վերցված է 2018 թ․ հոկտեմբերի 18-ին.
  31. ↑ «Radu signs five-year contract with Lazio». FourFourTwo (անգլերեն). 2015 թ․ հուլիսի 11. Վերցված է 2018 թ․ հոկտեմբերի 18-ին.
  32. ↑ «SS Lazio - Chievo Verona, Jan 24, 2016 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  33. ↑ «SS Lazio - ACF Fiorentina, Dec 18, 2016 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  34. ↑ «Inter Milan - SS Lazio, Jan 31, 2017 - Coppa Italia - Match sheet» (անգլերեն). Վերցված է 2018 թ․ հոկտեմբերի 18-ին.
  35. ↑ «Juventus FC - SS Lazio, May 17, 2017 - Coppa Italia - Match sheet» (անգլերեն). Վերցված է 2018 թ․ հոկտեմբերի 18-ին.
  36. ↑ «Stefan Radu | Football Stats | Lazio | Season 2016/2017 | Soccer Base». www.soccerbase.com (անգլերեն). Վերցված է 2018 թ․ հոկտեմբերի 18-ին.
  37. ↑ «Juventus FC - SS Lazio, Aug 13, 2017 - Supercoppa Italiana - Match sheet» (անգլերեն). Վերցված է 2018 թ․ հոկտեմբերի 18-ին.
  38. ↑ 38,0 38,1 Verschueren, Gianni. «Lazio Stun Juventus in 3-2 Thriller to Win Italian Super Cup». Bleacher Report (ամերիկյան անգլերեն). Վերցված է 2018 թ․ հոկտեմբերի 18-ին.
  39. ↑ Editorial, Reuters. «Lazio beat Juventus 3-2 in dramatic Italian Super Cup». U.K. (բրիտանական անգլերեն). Վերցված է 2018 թ․ հոկտեմբերի 18-ին. {{cite news}}: |first= has generic name (օգնություն)
  40. ↑ «SS Lazio - AS Roma, Apr 15, 2018 - Serie A - Match sheet» (անգլերեն). Վերցված է 2018 թ․ հոկտեմբերի 18-ին.
  41. ↑ «Lazio 0-0 Roma: Stefan Radu sees red as Rome derby ends goalless». Mail Online. Վերցված է 2018 թ․ հոկտեմբերի 18-ին.
  42. ↑ «Capital derby ends in stalemate with race for top four still wide open». The Sun (բրիտանական անգլերեն). 2018 թ․ ապրիլի 15. Վերցված է 2018 թ․ հոկտեմբերի 18-ին.
  43. ↑ «Stefan Radu | Football Stats | Lazio | Season 2017/2018 | Soccer Base». www.soccerbase.com (անգլերեն). Վերցված է 2018 թ․ հոկտեմբերի 18-ին.
  44. ↑ «Live Scores» (անգլերեն). Վերցված է 2018 թ․ հոկտեմբերի 18-ին.
  45. ↑ «Romania - Luxembourg, Mar 28, 2007 - European Qualifiers - Match sheet» (անգլերեն). Վերցված է 2018 թ․ հոկտեմբերի 18-ին.
  46. ↑ «Romania squad». www.rediff.com. Վերցված է 2018 թ․ հոկտեմբերի 18-ին.
  47. ↑ uefa.com. «UEFA EURO 2008 - History - Romania – UEFA.com». UEFA.com (անգլերեն). Վերցված է 2018 թ․ հոկտեմբերի 18-ին.
  48. ↑ uefa.com. «UEFA EURO 2008 - History - Standings – UEFA.com». UEFA.com (անգլերեն). Վերցված է 2018 թ․ հոկտեմբերի 18-ին.
  49. ↑ Reuters (2013 թ․ ապրիլի 6). «Lazio's Stefan Radu quits Romania duty aged 26». GulfNews. Արխիվացված է օրիգինալից 2016 թ․ հուլիսի 2-ին. Վերցված է 2018 թ․ հոկտեմբերի 18-ին. {{cite news}}: |last= has generic name (օգնություն)
  50. ↑ Editorial, Reuters. «Romania's Radu, 26, quits international game». IN (Indian English). Վերցված է 2018 թ․ հոկտեմբերի 18-ին. {{cite news}}: |first= has generic name (օգնություն)(չաշխատող հղում)
  51. ↑ «Hungary - Romania, Mar 22, 2013 - World Cup qualification Europe - Match sheet» (անգլերեն). Վերցված է 2018 թ․ հոկտեմբերի 18-ին.
  52. ↑ «Stefan Radu». worldfootball.net (բրիտանական անգլերեն). Վերցված է 2018 թ․ հոկտեմբերի 18-ին.
  53. ↑ «Lazio Edge Sampdoria On Penalties To Claim Fifth Coppa Italia | Goal.com». www.goal.com (անգլերեն). Վերցված է 2018 թ․ հոկտեմբերի 18-ին.
  54. ↑ «Eto'o scores but Inter beaten in Super Cup - CNN.com». edition.cnn.com (անգլերեն). Վերցված է 2018 թ․ հոկտեմբերի 18-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Շտեֆան Ռադու» հոդվածին։
 ⛭ 
  Թեմատիկ կայքեր
Լացիո ՖԱ – ներկա կազմ

1 Ստրակոշա · 3 Լուիս Ֆելիպե · 4 Պատրիս · 5 Լուկակու · 6 Լուկաս · 7 Բերիշա · 10 Լուիս Ալբերտո · 11 Կոռեա · 15 Բաշտուշ · 16 Պարոլո · 17 Իմոբիլե · 19 Լուլիչ (Ավագ) · 20 Կայսեդո · 21 Միլինկովիչ-Սավիչ · 22 Խոնի · 23 Գուերյերի · 24 Պրոտո · 26 Ռադու · 28 Անդրե Ա. · 29 Լաձարի · 32 Կատալդի · 33 Աչերբի · 34 Ադեկանյե · 49 Խորխե Սիլվա · 58 Արմինի · 77 Մարուշիչ · 93 Վավրո · Մարզիչ` Ինձագի

Ռումինիայի կազմը – Եվրո 2008
Ռումինիա
Ստացված է «https://hy.wikipedia.org/w/index.php?title=Շտեֆան_Ռադու&oldid=9782254» էջից