Շինոն

Բնակավայր
Շինոն
ֆր.՝ Chinon ֆր.՝ Chinon-sur-Vienne
Զինանշան
Երկիր	Ֆրանսիա
Մակերես	39,02 կմ²
ԲԾՄ	37 մետր
Բնակչություն	▼8052 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	37500
Պաշտոնական կայք	ville-chinon.com​(ֆր.)
Շինոն (Ֆրանսիա)
Շինոն Վիքիպահեստում

Շինոն ( ֆր.՝ Chinon. ֆրանսերեն արտասանութամբ՝  ( )), քաղաք և համայնք Ֆրանսիայում՝ Կենտրոն-Լուարի հովիտ երկրամասի Էնդր և Լուար դեպարտամենտի Շինոնի շրջանում։ Ընկած է Վյեն գետի ափին։ Զբաղեցնում է 39,02 քառակուսի կիլոմետր տարածք։ Բնակչության թվաքանակը 1999 թվականի տվյալներով եղել է 8716։

Շինոնի հին՝ պատմական քաղաքամասի մի հատվածը 2000 թվականից ընդգրկված է ՅՈՒՆԵՍԿՕ-ի Համաշխարհային ժառանգության ցանկում։

Պատմություն

Շինոնի ամրոցը եղել է Անգլիայի թագավոր և Անժուի կոմս Հենրի II- ի սիրած կեցավայրերից մեկը, և նա վերակառուցել ու ընդլայնել է այն։ 1205 թվականին Շինոնը մտել է ֆրանսիական արքունի կալվածքների ցանկ։ 1308 թվականին Հռոմի պապ Կղեմես V-ն ստորագրել է Շինոնի մագաղաթը ՝ թույլատրելով դատել Տամպլիերների ռազմա-կրոնական ուխտի բարձրագույն ղեկավարությանը։ Հարյուրամյա պատերազմի ժամանակ՝1418 թվականից Շինոնում է ապրել աքսորյալի կարգավիճակում գտնվող ֆրանսիական գահի ժառանգորդը՝ Կառլոս VII-ը, ով հետագայում դարձել է Ֆրանսիայի թագավոր, 1429 թվականին էլ Շինոնի ամրոցում ընդունել է Ժաննա դը Արկին։ 16-րդ դարից ամրոցը դադարել է թագավորական կեցավայր լինելուց, և քաղաքը կորցրել է իր կարևորությունը։

Տեսարժան վայրեր

• Շինոնի ամրոցը, որ հիմնադրվել է 954 թվականին, հետագայում ենթարկվել զգալի վերակառուցումների։

Գինեգործություն

Համայնքում արտադրվում է Chinon կարմիր գինի՝ Cabernet Franc խաղողից՝ Cabernet Sauvignon-ի հավելումով։ Քաղաքը մտնում է Լուարի հովտի գինե-զբոսաշրջային երթուղում ներառված բնակավայրերի մեջ։

Անվանի շինոնցիներ

• Հովհան Շինոնցի (V դար) — կաթոլիկ սուրբ
• Ֆրանսուա Ռաբլե (1493—1553) — հումանիստ, գրող, «Գարգանտյուա և Պանտագրյուել» վեպի հեղինակը

Ժողովրդագրություն

Պատմական բնակչություն
Տարեթիվ Բնակ․ տ․ ±% 1793 5704 —     1800 6110 +0.99% 1806 5992 −0.32% 1821 6333 +0.37% 1831 6859 +0.80% 1836 6911 +0.15% 1841 6677 −0.69% 1846 6690 +0.04% 1851 6774 +0.25% 1856 6922 +0.43% 1861 6905 −0.05% 1866 6895 −0.03% 1872 6553 −0.84% 1876 6301 −0.98% 1881 6096 −0.66% 1886 6205 +0.36% 1891 6119 −0.28% 1896 6187 +0.22%	Տարեթիվ Բնակ․ տ․ ±% 1901 6033 −0.50% 1906 5813 −0.74% 1911 5943 +0.44% 1921 5349 −1.05% 1926 5751 +1.46% 1931 5515 −0.83% 1936 5790 +0.98% 1946 6069 +0.47% 1954 6743 +1.33% 1962 7593 +1.50% 1968 7735 +0.31% 1975 8014 +0.51% 1982 8622 +1.05% 1990 8627 +0.01% 1999 8716 +0.11% 2007 8202 −0.76% 2012 7928 −0.68% 2017 8242 +0.78%
Աղբյուր՝ EHESS and INSEE (1968-2017)

Ուշագրավ փաստեր

• Շինոնը Ջեյմս Գոլդմանի «Առյուծը ձմռանը» պիեսի գործողության վայրն է։
• Շինոնը «Խելացնոր հարսանիք» ֆիլմում ծավալվող գործողությունների գլխավոր վայրն է։

Գրականություն

• «Шинон». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)

Արտաքին հղումներ

• Համայնքի կայքըԱրխիվացված 2011-02-02 Wayback Machine ում

Շինոնի ամրոցը

Վիքիպահեստն ունի նյութեր, որոնք վերաբերում են «Շինոն» հոդվածին։