Նոր ակոս
Նոր ակոս | |
---|---|
Տեսակ | պարբերական |
Լեզու | հայերեն |
Գլխավոր խմբագիր | Եղիա Չուբար |
Հիմնադրվել է | 1924 |
Գրասենյակ | Երևան, Հայաստան |
«Նոր ակոս», գրական-գեղարվեստական, հասարակական պատկերազարդ շաբաթաթերթ։
Պատմություն[խմբագրել | խմբագրել կոդը]
Լույս է տեսել 1924-1925 թվականներին Երևանում։ Խմբագիրը եղել է Եղիա Չուբարը[1]։
Լուսաբանել է հանրապետության տնտեսական, գիտական և մշակութային ձեռքբերւմները, ինչպես նաև հայ աշխատավորի առօրյան խորհրդային իշխանության առաջին տարիներին։
Հրատարակել է Եղիշե Չարենցի, Նաիրի Զարյանի, Ստեփան Զորյանի և ուրիշների գործերից, պրոլետարական գրականության հարցերին նվիրված հողվածներ, ռուս և արևմտաեվրոպական դասական գրականության նմուշներ, ծանոթացրել անվանի նկարիչների, քանդակագործների, երաժիշտների արվեստին։
1925 թվականի 5–7-րդ միացյալ համարները նվիրված են Ա. Մյասնիկյանին։
Պարբերականին աշխատակցել են Դ. Դեմիրճյանը, Վ. Թոթովենցը, Գ. Մահարին, Ա. Վշտունին, Վ. Ալազանը, Մ. Սարյանը, Հ. Կոջոյանը, Կ. Հալաբյանը և ուրիշներ։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |