Միքայել Վարդանյան (գործարար)
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Միքայել Հրանտի Վարդանյան | |
---|---|
![]() | |
Ծնվել է | 1973 հունիսի 11 |
Ծննդավայր | Երևան, Հայկական ԽՍՀ |
Քաղաքացիություն | Հայաստան |
Ազգություն | հայ |
Կրթություն | Երևանի Պոլիտեխնիկական Ինստիտուտ, (1995) |
Մասնագիտություն | գործարար |
Աշխատավայր | Վարդանյան ընտանիք բարեգործական հիմնադրամ |
Ծնողներ | հայր՝ Հրանտ Վարդանյան, |
Պարգևներ և մրցանակներ | Մխիթար Գոշի մեդալ[1] |
Միքայել Հրանտի Վարդանյան (հունիսի 11, 1973[2], Երևան, Հայկական ԽՍՀ, ԽՍՀՄ[2]), հայ գործարար, բարերար[3], «Գրանդ Հոլդինգ» ընկերության հիմնադիր և ղեկավար, Հայաստանի Հանրապետության Ազգային ժողովի 4-րդ և 5-րդ գումարումների պատգամավոր[4][5]։ Սքվոշի հայկական ազգային ֆեդերացիայի նախագահ[6]։
Գործարար Հրանտ Վարդանյանի որդին։
Կենսագրություն
[խմբագրել | խմբագրել կոդը]Միքայել Վարդանյանը ծնվել է 1973 թվականի հունիսի 11-ին Երևանում։ 1995 թվականին ավարտել է Երևանի պոլիտեխնիկական ինստիտուտը[7]։ Ստացել է ճարտարագետ-մեխանիկի որակավորումը։ 1992-1995 թվականներին աշխատել է Երևանի «Գրանդ Ակումբ» ԲԲԸ-ում[8], որպես տնտեսագետ, իսկ 2002-2003 թվականներին եղել է «Ինտերնեյշնլ Մասիս Տոբակո» ՀՁ ՍՊԸ գործադիր տնօրեն։
Հրանտ Վարդանյանի մահից հետո հոլդինգի ղեկավարությունը ստանձնել են Միքայել և Կարեն Վարդանյան եղբայրները[9]։
Սքվոշ խաղի մեծ երկրպագու է։ 2011 թվականին հիմնադրել է «Գրանդ Սպորտ» սպորտային-առողջարանային համալիրը, որտեղ այդ թվում ստեղծվել են նաև Հայաստանում սքվոշի կորտեր։ Երկրում այդ սպորտաձևի զարգացման համար Միքայել Վարդանյանը հրավիրել է լավագույն մարզիչներին, ինչպես նաև կազմակերպում է ազգային և միջազգային մրցաշարեր[10]։
Քաղաքական գործունեություն
[խմբագրել | խմբագրել կոդը]Ազգային Ժողովի պատգամավոր
[խմբագրել | խմբագրել կոդը]Միքայել Վարդանյանը երկու անգամ դարձել է Հայաստանի Հանրապետության Ազգային ժողովի պատգամավոր[4][5]։
2003 թվականին տեղի ունեցած խորհրդարանական ընտրություններում «Հայ Յեղափոխական դաշնակցություն» խմբակցության ցուցակով թիվ 113 ընտրատեղամասից ընտրվել է պատգամավոր։ Որպես պատգամավոր եղել է Ազգային ժողովի «Ֆինանսավարկային, բյուջետային և տնտեսական հարցերի մշտական հանձնաժողովի» անդամ[4]։
2007 թվականին տեղի ունեցած խորհրդարանական ընտրություններում որպես անկուսակցական թիվ 040 ընտրատեղամասից ընտրվել է պատգամավոր։ Որպես պատգամավոր եղել է Ազգային ժողովի «Ֆինանսավարկային եւ բյուջետային հարցերի մշտական հանձնաժողովի» և «Տնտեսական հարցերի մշտական հանձնաժողովի» անդամ[5]։
Անձնական կյանք
[խմբագրել | խմբագրել կոդը]Ամուսնացած է, ունի երեք երեխա։
Բարեգործություն
[խմբագրել | խմբագրել կոդը]Միքայել Վարդանյանը մշտապես Հայաստանի կարիքավոր ընտանիքներին օգնություն է ցուցաբերում. հաշմանդամներին, զոհված զինծառայողների ընտանիքներին, վիրավոր զինծառայողներին։ Նաև ֆինանսական աջակցություն է ցուցաբերում մշակույթի, առողջապահության և սպորտի ոլորտներին։
Հոր մահից հետո եղբոր Կարենի հետ շարունակել է ֆինանսավորել Մասիս քաղաքի Սուրբ Թադևոս եկեղեցու և Ստեփանակերտի Սուրբ Աստվածածին եկեղեցու շինարարությունը[11][12]։
2018 թվականին եղբոր հետ 120 մլն դրամ են հատկացրել հայրենիքի պաշտպանների Վերականգնողական կենտրոնին[13]։
2019 թվականի մայիսի 10-ին բացվել է Վարդանյան եղբայրների նվիրված «Երևանի 2800-ամյակի Այգին» 5 մլն 300 հազար $ արժողությամբ, որը նաև անվանում են «Վարդանյանների այգի»։ Այգու խնամքը և պահպանումը մոտակա 99 տարիներին կիրականացվի «Վարդանյան ընտանիք» հիմնադրամի միջոցներով[14]։
2019 թվականին Տավուշի մարզի զոհված զինծառայողների 63 ընտանիքներին 1 մլն դրամի օգնություն է հատկացրել[15]։ Հայաստանի ՊՆ Վազգեն Սարգսյանի անվան ռազմական համալսարանին և մարշալ Արմենակ Խամփերյանցի անվան ռազմական ավիացիայի համալսարանին 43 մլն դրամ ընդհանուր արժողությամբ սպորտային սարքավորումներ է նվիրել[16]։ Եղբոր հետ «Գրանտ Հոլդինգի» աշխատակիցների համար 17 հարկանի բնակելի շենք է կառուցել, նրանց ինքնարժեքով և առանց կանխավճարի 12 տարով տրամադրելով անտոկոս վարկ[17]։
2020 թվականին 93 միլիոն դրամ է հատկացրել Երևանի սոցիալապես անապահով ընտանիքների բոլոր 468 երեխաներին[18]։ Նույն տարում Վարդանյան եղբայրները 200 մլն դրամ են հատկացրել Հայաստանի հազար բուժաշխատողներին կորոնավիրուսի համավարակի դեմ պայքարի համար, ինչպես նաև 100 մլն դրամ են փոխանցել գանձապետական հաշվին կորոնավիրուսի համավարակի կանխարգելման համար[19]։
2021 թվականին Երևանի հատուկ ուսումնական կենտրոնին 182 նոր լսողական ապարատ և 2 ավտոբուս է նվիրել[20]։ Բայցի այդ, Միքայել և Կարեն Վարդանյանները 300 մլն դրամ են հատկացրել Հայաստանում անպտղության դեմ պայքարի ծրագրի համար[21]։
2022 թվականին հաշմանդամ երեխաներ ունեցող 348 մայրերին հատկացրել է 300 հազարական դրամ ֆինանսական աջակցություն[22]։ Համալսարանական հիվանդանոցի նոր մասնաշենքի վերանորոգման համար հատկացրել է 120 մլն դրամ[23]։ Նաև Վարդանյան եղբայրները 2020 թվականին ֆինանսավորել են Ալեքսանդր Մյասնիկյանի հուշահամալիրի 136 մլն դրամ արժեցած վերակառուցումը, որը գտնվում էր վթարային վիճակում[24]։
Պարգևներ
[խմբագրել | խմբագրել կոդը]- «Մխիթար Գոշ» մեդալ (2011)[25]
- «Սուրբ Գրիգոր Լուսավորիչ» շքանշան (2015)[11]
Ծանոթագրություններ
[խմբագրել | խմբագրել կոդը]- ↑ «Միքայել Վարդանյանը պարգևատրվել է Մխիթար Գոշի մեդալով».
- ↑ 2,0 2,1 2,2 ՎԱՐԴԱՆՅԱՆ ԸՆՏԱՆԻՔ
- ↑ «Բարերարներ Միքայել և Կարեն Վարդանյանների 920 մլն դրամի բարեգործական ծրագիրը՝ Մասիս քաղաքում».
- ↑ 4,0 4,1 4,2 Հայաստանի Ազգային ժողովի 2003-2007 թվականների պատգամավոր Միքայել Վարդանյանի կենսագրությունը parliament.am կայքում (արխիվացված 09․01․2024 թվականին)։
- ↑ 5,0 5,1 5,2 Հայաստանի Ազգային ժողովի 2007-2012 թվականների պատգամավոր Միքայել Վարդանյանի կենսագրությունը parliament.am կայքում (արխիվացված 09․01․2024 թվականին)։
- ↑ «Հայաստանում սքվոշի զարգացման հեռանկարներ կան». Armsport.am. Վերցված է 2024 թ․ հուլիսի 7-ին.
- ↑ «Варданян Микаел Грантович — Энциклопедия фонда «Хайазг»». ru.hayazg.info. Վերցված է 2021 թ․ հունիսի 22-ին.
- ↑ «ՎԱՐԴԱՆՅԱՆ ԸՆՏԱՆԻՔ» (PDF). Արխիվացված է օրիգինալից (PDF) 2019 թ․ հուլիսի 11-ին. Վերցված է 2023 թ․ հունվարի 13-ին.
- ↑ ««Գրանդ հոլդինգի» նպատակն է դառնալ Հայաստանի առաջին վերազգային կորպորացիան».
- ↑ «Սքվոշի առաջատարները Հայաստանում են». NEWS.am. Վերցված է 2024 թ․ հուլիսի 7-ին.
- ↑ 11,0 11,1 «Հրանտ Վարդանյանի ձեռնարկած գործը հասավ ավարտին. Մասիսում եկեղեցի է բացվել». NEWS.am. Վերցված է 2024 թ․ հուլիսի 7-ին.
- ↑ «400 մլն դրամ Վարդանյան ընտանիքից` Ստեփանակերտի Մայր Տաճարի կառուցմանը». «A1Plus.am». Վերցված է 2024 թ․ հուլիսի 7-ին.
- ↑ «120 միլիոն դրամ «Վարդանյան ընտանիքից» Հայրենիքի պաշտպանի վերականգնողական կենտրոնին». NEWS.am. Վերցված է 2024 թ․ հուլիսի 7-ին.
- ↑ «Մայրաքաղաքում շահագործման հանձնվեց Երևանի 2800-ամյակի այգին». ARMENPRESS. Վերցված է 2024 թ․ հուլիսի 7-ին.
- ↑ «Միքայել Վարդանյանի կողմից 63 մլն. դրամ՝ տավուշցի զոհված զինվորների ընտանիքներին». Panorama.am. Վերցված է 2024 թ․ հուլիսի 7-ին.
- ↑ «43 մլն. դրամի օգնություն ռազմական երկու համալսարաններին Միքայել Վարդանյանից». «A1Plus.am». Վերցված է 2024 թ․ հուլիսի 7-ին.
- ↑ «Նորակառույց շենք «Գրանդ Հոլդինգի» աշխատակիցների համար». Առավոտ. Վերցված է 2024 թ․ հուլիսի 7-ին.
- ↑ «Միքայել Վարդանյանը 93 մլն դրամ է նվիրաբերել Երևանի նպաստառու ընտանիքների, հաշմանդամություն ունեցող բոլոր 468 երեխաներին». NEWS.am. Վերցված է 2024 թ․ հուլիսի 7-ին.
- ↑ «Բարերարներ Միքայել և Կարեն Վարդանյանները համավարակի դեմ պայքարի համար նվիրաբերել են 300 մլն. դրամ». Առավոտ. Վերցված է 2024 թ․ հուլիսի 7-ին.
- ↑ «182 լսողական սարք և 2 ավտոբուս՝ բարերար Միքայել Վարդանյանի կողմից հատուկ կրթահամալիրի երեխաներին». NEWS.am. Վերցված է 2024 թ․ հուլիսի 7-ին.
- ↑ «Միքայել և Կարեն Վարդանյանները 300 մլն դրամ են տրամադրել անպտղության հաղթահարմանը Հայաստանում (ՎԻԴԵՈ)». ԱՄԻ «Նովոստի–Արմենիա». Վերցված է 2024 թ․ հուլիսի 7-ին.
- ↑ «Միքայել Վարդանյանը մայրության տոնի առթիվ աջակցել է հաշմանդամություն ունեցող երեխաների 348 միայնակ մայրերի». ARMENPRESS. Վերցված է 2024 թ․ հուլիսի 7-ին.
- ↑ «Միքայել Վարդանյանի տրամադրած 120 մլն դրամով հայրենիքի պաշտպանները կբուժվեն նոր մասնաշենքում». Panorama.am. Վերցված է 2024 թ․ հուլիսի 7-ին.
- ↑ «Միքայել և Կարեն Վարդանյանները 136 մլն. դրամ են տրամադրել Մյասնիկյանի վթարային արձանի հիմնանորոգմանը». NEWS.am. Վերցված է 2024 թ․ հուլիսի 7-ին.
- ↑ «ՀՀ անկախության 20-ամյակի կապակցությամբ ՀՀ Ազգային ժողովի մի խումբ պատգամավորներ պարգևատրվել են ՀՀ մեդալներով». Հայաստանի Հանրապետության Նախագահի աշխատակազմ. Վերցված է 2024 թ․ հուլիսի 7-ին.