Սքվոշ

Վիքիպեդիայից՝ ազատ հանրագիտարանից
սքվոշի հարվածաթին և գնդակը
սքվոշի կորտը

Սքվոշ (անգլ.՝ squash), խաղում են հատուկ դահլիճում։ Որպես կանոն այն խաղում են 2 հոգով, փափուկ փոքրիկ գնդակով, հատուկ ծածկով խաղադաշտում (կորտում)։ Խաղացողը հարվածաթիով այնպիսի հաշվարկով է հարվածում գնդակին, որ այն հետ թռչելով պատից, դիպչի հակադիր պատին։ Երկրորդ խաղացողը պատասխան հարվածը հասցնում է գնդակին կա՛մ հետ թռչելիս, կա՛մ հատակին առաջին անգամ դիպչելուց հետո։ Թռչող գնդակը կարող է դիպչել բոլոր չորս պատերին։ Սա շատ եռանդուն խաղ է, որը պահանջում է արագ կողմնորոշում և գնդակին այնպես ուղղորդելու հմտություն, որ հակառակորդը չկարողանա պատասխան հարված կատարել։

Խոշոր մրցախաղերում սքվոշի մարզադաշտի պատերը պատրաստում են թափանցիկ նյութից, որպեսզի հանդիսատեսը կարողանա դրսից դիտել խաղը։

Աղբյուրներ[խմբագրել | խմբագրել կոդը]

  • Դպրոցական մեծ հանրագիտարան։ Գիրք 1, հատոր 1։ Երևան 2009, էջ 316–317