Հրանտ Վարդանյան (գործարար)

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Հրանտ Վարդանյան (այլ կիրառումներ)
Հրանտ Վարդանյան
Варданян.jpg
Ծնվել է հունվարի 23, 1949({{padleft:1949|4|0}}-{{padleft:1|2|0}}-{{padleft:23|2|0}})
Ծննդավայր Երևան, ՀԽՍՀ, ԽՍՀՄ
Մահացել է ապրիլի 19, 2014({{padleft:2014|4|0}}-{{padleft:4|2|0}}-{{padleft:19|2|0}}) (65 տարեկանում)
Մահվան վայր Երևան, Հայաստան
Քաղաքացիություն Flag of the Soviet Union.svg ԽՍՀՄ
Flag of Armenia.svg Հայաստան
Ազգություն հայ
Կրթություն Հայաստանի ազգային պոլիտեխնիկական համալսարան
Մասնագիտություն ինժեներ
Ամուսին Զինա Մուրուզյան
Պարգևներ և
մրցանակներ
Երեխաներ Միքայել Վարդանյան
Կարեն Վարդանյան
Hrant Vardanyan Վիքիպահեստում

Հրանտ Միքայելի Վարդանյան (հունվարի 23, 1949({{padleft:1949|4|0}}-{{padleft:1|2|0}}-{{padleft:23|2|0}}), Երևան, ՀԽՍՀ, ԽՍՀՄ - ապրիլի 19, 2014({{padleft:2014|4|0}}-{{padleft:4|2|0}}-{{padleft:19|2|0}}), Երևան, Հայաստան), գործարար, հայկական հայրենական արտադրության առաջամարտիկ, «Գրանդ Հոլդինգ» ազգային առաջատար կորպորացիայի հիմնադիր և ղեկավար, բարեգործ և մեկենաս, ՀՀ տնտեսության վաստակավոր աշխատող (2009)[1]։

Կենսագրություն[խմբագրել | խմբագրել կոդը]

Հրանտ Միքայելի Վարդանյանը ծնվել է 1949 թ. հունվարի 23-ին Երևանում (Հայաստան), բանվորի ընտանիքում։ 1956-1966 թթ. սովորել է Երևանի Ս. Մ. Կիրովի անվան համար 12 միջնակարգ դպրոցում։ 1968-1974 թթ. սովորել է Երևանի Պոլիտեխնիկական Ինստիտուտի մեխանիկական և մեքենաշինական ֆակուլտետում՝ ստանալով սննդարդյունաբերության ինժեների որակավորում։ 1990 թ.-ից տնտեսական գիտությունների թեկնածու է։ Անկուսակցական է։ Հրանտ Վարդանյանի շնորհիվ 2000 թ. մայիսի 1-ից Հայաստանի Հանրապետությունում պետական մակարդակով վերականգնվել է Աշխատանքի միջազգային օրվա տոնակատարությունը։ Եղել է Հայաստանի բասկետբոլի ֆեդերացիայի նախագահ (1998-2003 թթ.), Հայաստանի Ազգային Օլիմպիական կոմիտեի ղեկավար մարմնի անդամ (1992-2001 թթ.), Երևանի պետական ճարտարագիտական համալսարանի հոգաբարձուների խորհրդի անդամ (2003-2014 թթ.)։

Հրանտ Վարդանյանը մահացել է 2014 թ. ապրիլի 20-ին։ Թաղված է Երևանի քաղաքային պանթեոնում[2][3][4]։

Բիզնես գործունեություն[խմբագրել | խմբագրել կոդը]

Հրանտ Վարդանյանն աշխատանքային գործունեությունը սկսել է Երևանի ծխախոտի փորձարարական կոմբինատում, որպես ինժեներ-տեխնոլոգ։ 1984 թ.-ից կոմբինատի գլխավոր տնօրենի տեղակալն է եղել։ 1996 թ.-ից սկսել է բիզնես գործունեությունը՝ խթանելով հայրենական արտադրության վերականգմանն ու զարգացմանը։ Հիմնադրել է «Գրանդ Տոբակո», «Գրանդ Քենդի», «Ինթերնեյշնլ Մասիս Տաբակ» և այլ ընկերություններ, որոնք ոչ միայն առաջատար դիրք են գրավում Հայաստանի ներքին շուկայում, այլև ազգային արտադրանքն արժանապատվորեն ներկայացնում են աշխարհի շատ երկրներում։ Նրա հիմնադրված ընկերությունների խումբը՝ «Գրանդ Հոլդինգը», պատրաստի արտադրանք արտահանող առաջատար ընկերությունն է Հայաստանում։ 2016 թ.-ին «Գրանդ Հոլդինգի» աշխատատեղերի քանակը գերազանցել է 7800-ը։ Ընկերության հետ համագործակցելու շնորհիվ գյուղատնտեսության ոլորտում ստեղծվել են հազարավոր աշխատատեղեր՝ հատկապես Հայաստանի Հանրապետության սահմանամերձ բնակավայրերում։

Բիզնես գաղափարախոսություն[խմբագրել | խմբագրել կոդը]

1991 թ.-ից՝ անկախության առաջին վեց տարիներին, երբ երկրում զանգվածային գործազրկություն էր, Հայաստանում գրեթե ոչինչ չէր արտադրվում և ամեն ինչ ներկրվում էր, Հրանտ Վարդանյանը՝ որպես գործարար, իր առջև դրեց հայրենական արտադրության վերածննդի ու զարգացման խնդիրը։ Նա առաջինը հավատաց, որ Հայաստանում անհրաժեշտ մտավոր, կադրային ու արտադրական ներուժ կա՝ ներքին ու արտաքին շուկաներում մրցակցելու համար։ Գաղափարախոսությունը հետևյալն էր. հայ սպառողը պետք է տեղական արտադրանք գնի՝ դրանով խթանելով հայրենական արտադրությունը, իսկ հայրենական արտադրողը պետք է բարձրորակ ապրանքներ արտադրի, որպեսզի սպառողը նախապատվությունը «Արտադրված է Հայաստանում» մակնշմամբ արտադրանքին տա։ Այդ գաղափարախոսությամբ նա մյուս արտադրողների համար օրինակ դարձավ և իր գործունեությամբ ապացուցեց, որ զանգվածային գործազրկության, արտագաղթի և շրջափակման պայմաններում հայ ազգը ոչ միայն կարող է աշխատել, որակով արտադրանք տալ և իր երկրում արժանապատվորեն ապրել, այլև իր արտադրանքն արտահանել ու այլ երկրների բազմամիլիոնանոց շուկաները գրավել։

Բարեգործություն[խմբագրել | խմբագրել կոդը]

Հրանտ Վարդանյանի բարեգործական գործունեությունը բազմանպատակ ու համակարգային էր՝ գիտություն, կրթություն, մշակույթ, առողջապահություն, սպորտ, ազգային կենդանաբանական այգի, «Հայրենիք» մանկական բարեգործական հեռուստաալիք, Սոցաշխատանքի հերոսներին ամենամսյա թոշակի վճարում։

Հրանտ Վարդանյանը Հայաստանի Տավուշի մարզում՝ հատկապես սահմանամերձ գյուղերում, երկարաժամկետ խոշոր բարեգործական ծրագրեր էր իրականացնում՝ դրանով իսկ նպաստելով տեղական համայքների զարգացմանը։ Կառուցել է ՀՀ Մասիս քաղաքի Սուրբ Թադեոս եկեղեցին[5]:

Անձնական կյանք[խմբագրել | խմբագրել կոդը]

Հրանտ Վարդանյանը ծնվել է Միքայել Վարդանյանի և Շուշանիկ Սարգսյանի ընտանիքում։ Ունի երկու քույր՝ Ռիմա և Ռոզա։ Արմատներն Արևմտյան Հայաստանի Խնուս գյուղից են։ Տատիկն ու պապիկը 1915 թ. Հայոց ցեղասպանության զոհեր են դարձել։ 7 տարեկանում կորցրել է հորը։ Կնոջ՝ Զինա Մուրուզյանի հետ ծանոթացել է Երևանի Պոլիտեխնիկական Ինստիտուտում ուսանելու տարիներին։ Ամուսնացել են 1972 թ.-ին։ Ունի երկու որդի՝ Միքայել և Կարեն, և վեց թոռ՝ Իզաբելլա, Զինա, Հրանտ, Դանիել, Մարկ և Ակսել։

Պարգևներ[խմբագրել | խմբագրել կոդը]

  • Հայրենական արտադրության վերականգնման գործի մեջ ներդրած ավանդի համար Հրանտ Վարդանյանին ՀՀ Նախագահի կողմից շնորհվել է Անանիա Շիրակացու մեդալ (1999 թ.)
  • Անկախ Հայաստանի պատմության մեջ առաջին անգամ, ՀՀ Նախագահի կողմից Հրանտ Վարդանյանին շնորհվել է ՀՀ տնտեսության վաստակավոր աշխատողի կոչում (2009 թ.)[6]
  • Հրանտ Վարդանյանը հանրապետության տնտեսության զարգացման գործում ունեցած անձնական ներդրման և ավանդի համար ՀՀ Նախագահի կողմից հետմահու պարգևատրվել է «Հայրենիքին մատուցած ծառայությունների համար» առաջին աստիճանի շքանշանով (2014 թ., դեկտեմբերի 20)[7]

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

  • Аркадий Асрян "ГЕРОИ АРМЯНЕ", Ереван "Амарас" 2015, с. 349

Արտաքին հղումներ[խմբագրել | խմբագրել կոդը]