Սուրբ Թադեոս եկեղեցի (Մասիս)

Վիքիպեդիայից՝ ազատ հանրագիտարանից
Սուրբ Թադեոս եկեղեցի
Saint Tadeos Glxavor.jpg
Հիմնական տվյալներ
Տեսակ եկեղեցի
Երկիր Հայաստան Հայաստան
Տեղագրություն Հայաստան Հայաստան Արարատի մարզ, Մասիս
Հոգևոր կարգավիճակ Գործող
Ներկա վիճակ Կանգուն
Ճարտարապետական նկարագրություն
Ճարտարապետ Արթուր Թարխանյան
Անահիտ Թարխանյան
Ճարտարապետական ոճ Հայկական
Կառուցման ավարտ 2015, հոկտեմբերի 4
Առաջին հիշատակում 1991

Սուրբ Թադեոս եկեղեցի, Հայ Առաքելական եկեղեցի Արարատի մարզի Մասիս քաղաքում։

Պատմություն[խմբագրել | խմբագրել կոդը]

Եկեղեցու հիմնարկեքը կատարվել է 1991 թվականին։ Շինարարական աշխատանքները մեկնարկել են 2005 թվականին՝ ազգային բարերար Հրանտ Վարդանյանի նախաձեռնությամբ և ֆինանսավորմամբ։ 2015 թվականին Եկեղեցու կառուցումն ավարտին են հասցրել նրա որդիները՝ Միքայել և Կարեն Վարդանյանները։

Սուրբ Թադեոս եկեղեցին օծվել է Գարեգին Բ Ամենայն Հայոց Կաթողիկոսի ձեռամբ՝ 2015 թվականի հոկտեմբերի 4-ին, ում օրհնությամբ նորակառույց եկեղեցին կոչվել է Սուրբ Թադեոս առաքյալի անունով։

Անմիջապես եկեղեցու մուտքի առջև տեղակայված է մոմավառության ընդարձակ սրահը:Եկեղեցու բակում տեղադրված է Հրանտ Վարդանյանի հիշատակի աղբյուրը:

2016 թվականի ապրիլի 24-ին եկեղեցու բակում բարերարներ Միքայել և Կարեն Վարդանյանների նախաձեռնությամբ տեղադրվել է խաչքար՝ նվիրված Մեծ եղեռնի սրբադասված 1, 5 միլիոն նահատակների հիշատակին։ Խաչքարը կերտված է մեկ ամբողջական քարից (քանդակագործ՝ Արտակ Համբարձումյան)[1]:

Ճարտարապետություն[խմբագրել | խմբագրել կոդը]

Սուրբ Թադեոս եկեղեցու ճարտարապետներն են Արթուր և Անահիտ Թարխանյանները։ Այն հայկական եկեղեցաշինության ավանդույթների ու ժամանակակից ճարտարապետական և շինարարական լուծումների համադրություն է։ Եկեղեցին եռաստիճան է, տարբերվում է իր կոմպոզիցիայով և ծավալատարածական լուծումներով։ Ներքին տարածքը ձևավորված է երկու խաչվող քառակուսիներով, որոնք խորհրդանշում են հավերժությունն ու հավատի մաքրությունը, և որոնց միջոցով ձևավորվում է ամբողջ կոնստրուկտիվ համակարգը։ Գմբեթը հենված է կիսախաչվող կամարների վրա։ Եկեղեցին դրսից և ներսից երեսպատված է յուրահատուկ ոճով։ Կենտրոնից դեպի եզրերը գույները դառնում են ավելի բաց, իսկ հիմքից դեպի գմբեթը՝ ավելի մուգ[2]:

Տես նաև[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]