Վարդանյան ընտանիք բարեգործական հիմնադրամ

Վիքիպեդիայից՝ ազատ հանրագիտարանից
Վարդանյան ընտանիք բարեգործական հիմնադրամ
Տեսակբարեգործական կազմակերպություն և հիմնադրամ
Երկիր Հայաստան

Վարդանյան ընտանիք բարեգործական հիմնադրամ (անգլ.՝ Vardanyan Family Charity Foundation), Հայաստանում գործող բարեգործական հիմնադրամ։

Պատմություն[խմբագրել | խմբագրել կոդը]

Հիմնադրամի հիմնական գործունեությունը սկիզբ է առնում 2010-ականների սկզբից։ Այն հիմնադրել է գործարար, «Գրանդ Հոլդինգ» կորպորացիայի հիմնադիր և ղեկավար Հրանտ Վարդանյանը։ Հոր մահից հետո հիմանադրամի ղեկավարությունը ստանձնել են որդիները՝ Միքայել և Կարեն Վարդանյանները[1]։

Այժմ հիմնադրամի տնօրենն է Արամ Ղազարյանը[2]։

Միջոցառումներ և նախագծեր[խմբագրել | խմբագրել կոդը]

Յուրաքանչյուր տարվա սեպտեմբերի 1-ին հիմնադրամը նվերներ է բաժանում դպրոցականներին, տարվա ընթացքում հանդես է գալիս` որպես տարբեր միջոցառումների հովանավոր։ 2013 թվականին Տավուշի մարզում հիմնադրամը մեկ տարվա ընթացքում կատարել է ավելի քան 1 միլիոն ԱՄՆ դոլարի բարեգործություն։ 2013 թվականին 300 հազար ԱՄՆ դոլար է նվիրաբերել Հայաստան համահայկական հիմնադրամին[3]։

Երևանի 2800-ամյակին նվիրված այգի[խմբագրել | խմբագրել կոդը]

Հիմնադրամի գործունեությունը առավել ուշադրության է արժանացել 2019 թվականի մայիսին, երբ բացվել է հիմնադրամի կողմից բարեկարգված Երևանի 2800-ամյակին նվիրված այգին։ Դեռ 2017 թվականին բարեգործական հիմնադրամը պարտավորվել է բարեկարգել Երևանի հիմնադրման 2800-ամյակի առիթով Ալեքսանդր Մյասնիկյանի հուշարձանի հետնամասում գտնվող այգին, ինչպես նաև բարեկարգումից հետո իր վրա վերցնել 99 տարով այգու խնամքը[4]։ Որոշ օբյեկտիվ պատճառներով շինարարությունը երկարաձգվել է և ավարտվել Երևանի 2800-ամյակի հաջորդ տարում[5], իսկ այգու բացումը տեղի է ունեցել 2019 թվականի մայիսի 10-ին[6][7]:

Գնահատականներ[խմբագրել | խմբագրել կոդը]

Համաձայն 2015 թվականին «Բիզնեսի բարոյականության և սոցիալական պատասխանատվության հիմնախնդիրները Հայաստանի Հանրապետությունում» աշխատության, նշանակալից է Վարդանյան ընտանիք բարեգործական հիմնադրամի «բարեգործական ներդրումներն ու սոցիալական պարտականությունների կատարումները Հայաստանի ու Արցախի տնտեսությունների տարբեր ոլորտներում»[1]։

Ծանոթագրություններ[խմբագրել | խմբագրել կոդը]

  1. 1,0 1,1 Բիզնեսի բարոյականության և սոցիալական պատասխանատվության հիմնախնդիրները Հայաստանի Հանրապետությունում
  2. Հաշվետվություն «Վարդանյան Ընտանիք» Բարեգործական Հիմնադրամի 2018 թ. գործունեության մասին
  3. Հպարտանանք մեր ժողովրդի ստեղծածով…
  4. «Երևանի 2800 ամյակին նվիրված այգի կհիմնվի». armenpress.am. 26 Դեկտեմբեր, 2017. Վերցված է 2019 թ․ մայիսի 9-ին.
  5. «Երևանի 2800-ամյակի այգին երևանցուն կհանձնվի գարնանը (Տեսանյութ)». aysor.am. 2018 թ․ հոկտեմբերի 18. Վերցված է 2019 թ․ մայիսի 9-ին.
  6. «Վարչապետը մասնակցում է Երևանի 2800-ամյակին նվիրված այգու բացմանը». armtimes.com. Վերցված է 2019 թ․ մայիսի 10-ին.
  7. «Բացվեց Երևանի 2800-ամյակին նվիրված պուրակը». azatutyun.am/. Վերցված է 2019 թ․ մայիսի 10-ին.