Միքայել Հովակիմյան

Վիքիպեդիայում կան հոդվածներ Հովակիմյան ազգանունով այլ մարդկանց մասին։

Միքայել Հովակիմյան
Ծնվել է	մարտի 17, 1954(1954-03-17) (70 տարեկան) Երևան, Հայկական ԽՍՀ, ԽՍՀՄ
Մասնագիտություն	օպերային երգիչ
Գործիքներ	վոկալ
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Կրթություն	Երևանի Կոմիտասի անվան պետական կոնսերվատորիա
Պարգևներ

Միքայել Երջանիկի Հովակիմյան (մարտի 17, 1954(1954-03-17), Երևան, Հայկական ԽՍՀ, ԽՍՀՄ), օպերային դերասան։ Հայաստանի Հանրապետության վաստակավոր արտիստ (2009)։

Կենսագրություն

Միքայել Հովակիմյանը ծնվել է Երևանում։ 1977-1982 թվականներին սովորել է Երևանի Կոմիտասի անվան պետական կոնսերվատորիայի օպերային երգեցողության բաժնում,Միհրան Երկաթի դասարան։ 1986 թվականից Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնի մեներգիչ է։ 2000 թվականից դասավանդում է Երևանի Կոմիտասի անվան կոնսերվատորիայի վոկալ-տեսական ամբիոնում, 2011 թվականից՝ պրոֆեսոր։ Հյուրախաղերով հանդես է եկել Ռուսաստանում, Վրաստանում, ԱՄՆ-ում, Ֆրանսիայում, Գերմանիայում, Իսպանիայում, Հնդկաստանում և այլուր։

Դերերգեր

• Դոն Բազիլիո՝ Ռոսսինիի «Սևիլյան սափրիչ»
• Նորթոն՝ «Ամուսնական օրինագիծ»
• Եգիպտոսի թագավոր՝ Ջուզեպպե Վերդիի «Աիդա»
• Մոնտանո՝ «Օթելլո»
• Ֆերրանդո՝ «Տրուբադուր»
• Բենոտ՝ Պուչչինի «Բոհեմ»
• Ծեր գնչու՝ Սերգեյ Ռախմանինովի «Ալեկո»
• Ռենե՝ Պյոտր Չայկովսկու «Իոլանտա»
• Սուրին՝ «Պիկովայա դամա»
• Զունիգա՝ Ժորժ Բիզեի «Կարմեն»
• Խան՝ Արմեն Տիգրանյանի «Դավիթ Բեկ»
• Քյոխվա՝ «Անուշ»
• Նադիր շահ՝ Ալեքսանդր Սպենդիարյանի «Ալմաստ»
• Ներսես՝ Տիգրան Չուխաջյանի «Արշակ Երկրորդ»
• Հոր-Հոր աղա՝ «Լեբլեբիջի»
• Իրակլի՝ Ա.Հարությունյանի «Սայաթ-Նովա»
• Կալիստենե՝ Դոնիցետիի «Պողիկտոս»
• Օրովեսո՝ Վինչենցո Բելլինիի «Նորմա»

Պարգևներ

• Երևանի քաղաքապետարանի պատվոգիր
• ՀՀ մշակույթի նախարարության պատվոգիր
• ՀՀ մշակույթի նախարարության «Գրիգոր Նարեկացի» հուշամեդալ, 2014
• ՀՀ վաստակավոր արտիստ, 2009