Մեչիսլավ Դոմարադսկի

Մեչիսլավ Դոմարադսկի բուլղար․՝ Мечѝслав Домара̀дски լեհ.՝ Mieczysław Domaradzki
Ծնվել է	հոկտեմբերի 2, 1949(1949-10-02) Բժեգ, Լեհաստան
Մահացել է	հունիսի 26, 1998(1998-06-26) (48 տարեկան) Սեպտեմվրի, Բուլղարիա
Քաղաքացիություն	Լեհաստան
Մասնագիտություն	մարդաբան, հնագետ, thracologist, պատմաբան և համալսարանի դասախոս
Գործունեության ոլորտ	հնագիտություն
Անդամակցություն	Բուլղարիայի գիտությունների ակադեմիա
Ալմա մատեր	Կրակովի համալսարան
Գիտական աստիճան	պրոֆեսոր
Տիրապետում է լեզուներին	ֆրանսերեն, բուլղարերեն և լեհերեն
Երեխա(ներ)	Spasimir Domaradzki?
Mieczysław Domaradzki Վիքիպահեստում

Մեչիսլավ Դոմարադսկի (Դոմարադզկի) (բուլղար․՝ Мечѝслав Марѝан Домара̀дски, լեհ.՝ Mieczysław Marian Domaradzki, 2 հոկտեմբերի, 1949, Բժեգ, Լեհաստան - 26 հունիսի, 1998, Սեպտեմվրի, Բուլղարիա), լեհական ծագմամբ բուլղարացի հնէաբան, Բուլղարիայի գիտությունների ակադեմիայի անդամ, ավելի քան հարյուր գիտական հրատարակությունների հեղինակ։

Կենսագրություն

Մեչիսլավ Դոմարադսկին ծնվել է 1949 թվականի հոկտեմբերի 2-ին Լեհաստանի Բժեգ քաղաքում։ 1967 թվականից մինչև 1972 թվականը հնագիտություն է սովորել Կրակովի Յագելոնյան համալսարանում։ 1973 թվականին սկսել է աշխատել հին Թրակիայի տարածքում։ 1976 թվականին Մեչիսլավ Դոմարադսկին պաշտպանել է դոկտորական ատենախոսություն «Թրակիան ու կելտական արշավանքները» թեմայով. նրա գիտական ղեկավարն է եղել պրոֆեսոր Իվան Վենեդիկովը։ Այդ ժամանակից սկսած Մեչիսլավ Դոմարադսկին ապրել և աշխատել է Բուլղարիայում։

Պիստիրոս

Դասախոսություններ է կարդացել Վելիկո Տիռնովոյի համալսարանում, կելտական արվեստին նվիրված դասընթաց է վարել Սոֆիայի Նոր բուլղարական համալսարանում։ Մեչիսլավ Դոմարադսկին դասախոսություններ է կարդացել նաև Կրակովի Յագելոնյան համալսարանում, Վարշավայի համալսարանում, Պրահայի Կարլի համալսարանում։ 1997 թվականի վերջին Մեչիսլավ Դոմարադսկին նշանակվել է Լեհաստանի Օպոլե քաղաքի համալսարանի հնէաբանության ամբիոնի վարիչ։ Նա եղել է Բուլղարիայում, Լեհաստանում ու Կենտրոնական Եվրոպայի այլ երկրներում անցկացված բազմաթիվ գիտաժողովների մասնակիցն ու կազմակերպիչը։

Մեչիսլավ Դոմարադսկին եղել է «Բուլղարիայի հնագիտական քարտեզ» նախագծի հիմնադիրը, ինչպես նաև նա առաջինն է հայտնաբերել Պիստիրոս բնակատեղին, որ հիմնադրվել է մ.թ.ա. 5-րդ դարում Մարիցա գետի վերին հոսանքներում։ Այդտեղ գտած հնագիտական իրերի հիման վրա Մեչիսլավ Դոմարադսկու ջանքերով 1995 թվականին Բուլղարիայի Սեպտեմվրի քաղաքում բացվել է հնագիտական թանգարան, որը հետագայում կոչվել է Մեչիսլավ Դոմարադսկու անունով։

Մեչիսլավ Դոմարադսկին մահացել է 1998 թվականի հունիսի 26-ին Բուլղարիայի Սեպտեմվրի քաղաքում։

Մատենագրություն

• Домарадски, М., 1991, "Том I. Емпорион Пистирос: Трако-гръцки търговски отношения" ИК "Беллопринт" - Пазарджик, 1991 г.;
• Домарадски, М., 1994 г., "Изложба цар Котис I. Тракийската държава. Емпорион Пистирос", каталог, гр. Септември, 1994 г.;
• Домарадски, М., Танева, В., 1998 г., "Том II. Емпорион Пистирос: Тракийската култура в прехода към елинистичната епоха", гр. Септември, 1998.;
• Bouzek, J., Domaradzki, M., Archibald, Z., eds. 1997: Pistiros I, Excavations and Studies, Prague;
• Bouzek, J., Domaradzka, L., Archibald, Z., eds. 2002: Pistiros II, Excavations and Studies, Prague;
• Bouzek, J., Domaradzka, L., eds. 2005: The Culture of Thracians and their Neighbours: Proceedings of the International Symposium in Memory of Prof. Mieczyslaw Domaradzki, with a Round Table "Archaeological Map of Bulgaria", BAR International Series 1350;
• Domaradzki, M., Domaradzka, L., Bouzek, J., Rostropowicz, J., eds. 2000: Pistiros et Thasos: Structures economiques dans la peninsule balkanique aux VII e — II e siecles av. J.-C., Opole;
• Bouzek, J., Domaradzka, L., Archibald, Z., eds. 2007: Pistiros III, Excavations and Studies, Prague.

Արտաքին հղումներ

• В памет на Мечислав Домарадски Archived 2011-07-06 at the Wayback Machine. (բուլղ.)