Մանուկ Թոփուզյան

Մանուկ Թոփուզյան;
Ծնվել է	մարտի 5, 1959 (65 տարեկան) կամ մարտի 5, 1949 (75 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	ԵՊՀ իրավաբանական ֆակուլտետ
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն
Պարգևներ և ; մրցանակներ

Վիքիպեդիայում կան հոդվածներ Թոփուզյան ազգանունով այլ մարդկանց մասին։

Մանուկ Լևոնի Թոփուզյան (մարտի 5, 1959(1959-03-05) կամ մարտի 5, 1949(1949-03-05), Երևան, Հայկական ԽՍՀ, ԽՍՀՄ), հայ իրավաբան, ՀՀ Սահմանադրական դատարանի նախկին անդամ (2009-2014)։

Կենսագրություն[խմբագրել | խմբագրել կոդը]

Մանուկ Լևոնի Թոփուզյանը ծնվել է 1949 թվականի մարտի 5-ին, Երևանում։

1966 թ. ավարտել է Երևանի թիվ 64 միջնակարգ դպրոցը։
1973 թ. գերազանցության դիպլոմով ավարտել է ԵՊՀ իրավաբանական ֆակուլտետը։
1977-1987 թթ. աշխատել է Երևանի «Նաիրիտ» ԳԱՄ-ում իբրև ավագ իրավախորհրդատու։
1987-1991 թթ. աշխատել է ՀՀ պետական արբիտրաժում, որպես պետական արբիտր, կոլեգիայի անդամ։
1991 թ. նոյեմբերի 1-ից մինչև 2000 թ. եղել է ՀՀ կառավարության իրավաբանական վարչության պետ, ՀՀ արդարադատության նախարարի տեղակալ։
2000 թ. նոյեմբերի 6-ին նշանակվել է ՀՀ կառավարության աշխատակազմի ղեկավար-նախարար։ Միաժամանակ հանդիսացել է ՀՀ պետական կառավարման համակարգի բարեփոխումների հանձնաժողովի նախագահ։
2008 թ. ապրիլի 21-ին նշանակվել է ՀՀ Նախագահի խորհրդական^[1]։
2008 թ. մայիսի 6-ին ազատվել է Անկախ պետությունների համագործակցության տնտեսական խորհրդի անդամի պարտականություններից^[2]։
2009 թ. հուլիսի 8-ի ՀՀ Նախագահի հրամանագրով ազատվել է ՀՀ նախագահի խորհրդականի պաշտոնից^[3]
2009 թ. հուլիսի 8-ի ՀՀ Նախագահի հրամանագրով նշանակվել է ՀՀ Սահմանադրական դատարանի անդամ^[4] և պաշտոնավարել մինչև 2014 թ. հունիսի 4-ը։

Եղել է Հայկական ԽՍՀ-ում հիմնադրված և գործած ընդհատակյա Ազգային միացյալ կուսակցության /ԱՄԿ/ անդամ։

Ամուսնացած է, ունի 2 զավակ, 4 թոռ։

Պարգևներ[խմբագրել | խմբագրել կոդը]

Պարգևատրվել է ՝ ՀՀ «Մխիթար Գոշ», ՀՀ ՊՆ «Գարեգին Նժդեհ», ՀՀ ոստիկանության «Արամ Մանուկյան» մեդալներով, ՀՀ վարչապետի հուշամեդալով, Ֆ. Նանսենի ոսկյա մեդալով։ Հրետանու պահեստազորի սպա է։