Կարմրի (Չմշկածագի գավառ)
Անվան այլ կիրառումների համար տե՛ս՝ Կարմրի (այլ կիրառումներ)
Կարմրի, գյուղ Արևմտյան Հայաստանում, Խարբերդի վիլայեթի Չմշկածագի գավառակում[1]։ Գտնվում էր Չմշկածագ գյուղաքաղաքից 16 կմ հյուսիս-արևմուտք։ Հանդիսանում էր Կարմրի գյուղախմբի կենտրոնը։
Պատմություն
[խմբագրել | խմբագրել կոդը]Հնում եղել է բազմամարդ հայաբնակ գյուղ։ Գյուղի հայությունը կոտորվել և բռնությամբ տեղահանվել են 1915 թվականի Մեծ եղեռնի ժամանակ։
Բնակչություն
[խմբագրել | խմբագրել կոդը]XX դարի սկզբին ուներ 450 հայ և 1890 քուրդ բնակիչ։ Ըստ քրդերի իրենց նախնիները հայեր են եղել, որոնք բռնությամբ մուսուլմանացվել են։
Տնտեսություն
[խմբագրել | խմբագրել կոդը]Բնակչության հիմնական զբաղմունքը հողագործությունն ու արհեստներն էին։ Հայերը նաև զբաղվում էին պանդխտությամբ։
Պատմամշակութային կառույցներ
[խմբագրել | խմբագրել կոդը]Կարմրին ուներ 3 կամարաշեն աղբյուր և Ս. Աստվածածին անունով եկեղեցի։ Գյուղի մոտ է գտնվում Քառասուն մանկունք վանքը։
Կրթություն
[խմբագրել | խմբագրել կոդը]Ս. Աստվածածին եկեղեցուն կից գործում էր Եփրատյան երկսեռ ուսումնարանը, որը հիմնվել է 1879 թվականին։ 1890 թվականին գյուղում բացվեց նաև թուրքական դպրոց։
Վարչական բաժանում
[խմբագրել | խմբագրել կոդը]Գյուղն ուներ երկու թաղ՝ Վարի թաղ և Վերի թաղ անվանումներով[2]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Խարբերդի նահանգ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 3, էջ 63-64
Աղբյուրներ
[խմբագրել | խմբագրել կոդը]- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
| ||||||||||||||