Թումա մեզրե

Թումա մեզրե, գյուղ Արևմտյան Հայաստանում, Խարբերդի վիլայեթի Չմշկածագի գավառակում^[1]։ Գյուղը տեղադրված էր երեք կողմից լեռնաղբյուրներով շրջափակված հարթակի վրա։

Պատմություն[խմբագրել | խմբագրել կոդը]

Ըստ ավանդության գյուղը հիմնադրվել է վերաբնակիչ մի քանի հայ ընտանիքների կողմից։ 1880-ական թվականներին գյուղում բնակություն են հաստատել նաև թուրքերը։

1915 թվականի Մեծ եղեռնից կենդանի մնացած հայերը տարագրվել են ԱՄՆ։

1879 թվականին ուներ 26, իսկ 1915 թվականին՝ 37 տուն հայ և 12 տուն թուրք բնակիչ։

Թումա մեզրեն ուներ Ս. Աստվածածին անունով եկեղեցի, որը 1900 թվականի վերանորոգումից հետո վերանվանվեց Ս. Գեորգ։ Գյուղում կար նաև թուրքական մզկիթ։

Եկեղեցուն կից գործում էր հայկական վարժարան։ Մզկիթին կից գործում էր թուրքական ուսումնարան^[2]։

«Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն