Հաղթուկ

Հաղթուկ, գյուղ Արևմտյան Հայաստանում, Խարբերդի վիլայեթի Խոզաթի գավառակում։ Գտնվում էր Չմշկածագ գյուղաքաղաքից 8-9 կմ հյուսիս, Եփրատ գետի ձախ կողմում, այգեվետ վայրում։

Պատմություն

Գյուղն իսպառ ավերվել է ու ամայացել է թուրքերի ձեռքով 1915 թվականի Մեծ եղեռնի ժամանակ։

Բնակչություն

Գյուղի բնակչության մեծամասությունը հայեր էին։ XIX դարի վերջին ուներ 25-30 տուն՝ 224 բնակչով։

Տնտեսություն

Բնակչության հիմնական զբաղմունքը երկրագործությունն ու արհեստներն էր։

Պատմամշակութային կառույցներ

Հաղթուկն ուներ Երեք Մանմունք և Ս. Աստվածածին (կամ Ս. Մինաս) անուններով եկեղեցիներ։ Գյուղի մոտ էր գտնվում «Քարնուց քար» քարայրը։

Կրթություն

1879 թվականին գյուղում գործում էր հայկական վարժարան, որն ուներ 25 սան։

Գյուղում գտնվում է Ակնիկաձոր ձորը։