Կամո Հովհաննիսյան (ջութակահար)
| Կամո Հովհաննիսյան | |
|---|---|
| Ծնվել է | սեպտեմբերի 23, 1945 (78 տարեկան) Երևան, Հայկական ԽՍՀ, ԽՍՀՄ |
| Մասնագիտություն | ջութակահար |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
| Կրթություն | Ռոմանոս Մելիքյանի անվան պետական երաժշտական քոլեջ (1966) և Երևանի Կոմիտասի անվան պետական կոնսերվատորիա (1972) |
| Պարգևներ | |
Կամո Գեդեոնի Հովհաննիսյան (սեպտեմբերի 23, 1945, Երևան, Հայկական ԽՍՀ, ԽՍՀՄ), ջութակահար։ ՀՀ մշակույթի վաստակավոր գործիչ (2004)։
Կենսագրություն[խմբագրել | խմբագրել կոդը]
Կամո Հովհաննիսյանը ծնվել է 1945 թվականի սեպտեմբերի 23-ին Երևանում։ 1966 թվականին ավարտել է Երևանի Ռ. Մելիքյանի անվան երաժշտական ուսումնարանը, 1972 թվականին՝ Երևանի պետական կոնսերվատորիա։
1966-1967 թվականներին դասավանդել է Դիլիջանի երաժշտական դպրոցում (ջութակի դասարան)[1], 1977-1982 թվականներին՝ Երևանի № 10 դպրոցի, 1982-1999 թվականներին՝ Ա. Գաբրիելյանի անվան երաժշտական դպրոցների տնօրեն և ջութակի դասատու։ 1999-2014 թվականներին եղել է Երևանի օպերայի և բալետի թատրոնի տնօրեն, 2014-2018 թվականին՝ ՀՀ մշակույթի նախարարի խորհրդական։
Մասնակցել է միջազգային հյուրախաղերի, համապետական միջոցառումների, ընդգրկվել պետական հանձնաժողովների կազմում։
Հովհաննիսյանի ղեկավարությամբ ընդլայնվել է Երևանի օպերայի և բալետի թատրոնի խաղացանկը, բեմադրություններով հանդես են եկել հանրահայտ ռեժիսորներ և բալետմայստերներ (Յ. Գրիգորովիչ և ուրիշներ), ստեղծվել են Ա. Տիգրանյանի «Անուշ», «Դավիթ Բեկ», Տ. Չուխաջյանի «Արշակ Երկրորդ», Ա. Հարությունյանի «Սայաթ-Նովա», Ա. Խաչատրյանի «Գայանե», Ջ. Վերդիի «Աիդա», «Տրավիատա», «Տրուբադուր», Վ. Բելինիի «Նորմա», Լ. Մինկուսի «Դոն Կիխոտ», Ս. Ս. Պրոկոֆևի «Ռոմեո և Ջուլիետ», Ս. Վ. Ռախմանինովի «Ալեկո» և այլ օպերաների, նաև բալետների բեմադրություններ։
Մրցանակներ և պարգևներ[խմբագրել | խմբագրել կոդը]
- ՀՀ մշակույթի նախարարության ոսկե մեդալ (2011),
- Երևանի քաղաքապետի ոսկե մեդալ (2013),
- ՀՀ «Մովսես Խորենացի» մեդալ (2013)։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
- Սեպտեմբերի 23 ծնունդներ
- 1945 ծնունդներ
- Ապրող անձինք
- Երևան քաղաքում ծնվածներ
- Ռոմանոս Մելիքյանի անվան պետական երաժշտական քոլեջի շրջանավարտներ
- Երևանի Կոմիտասի անվան պետական կոնսերվատորիայի շրջանավարտներ
- Մովսես Խորենացու մեդալակիրներ
- ՀՀ մշակույթի նախարարության ոսկե մեդալակիրներ
- Անձինք այբբենական կարգով
- Երաժիշտներ այբբենական կարգով
- Հայ ջութակահարներ
- ՀՀ մշակույթի վաստակավոր գործիչներ