Ծղակ
Ծղակ, գյուղ Արևմտյան Հայաստանում, Բիթլիսի վիլայեթի Խլաթի գավառակում` Վանա լճի արևմտյան ափին։
Անվան ստուգաբանություն
[խմբագրել | խմբագրել կոդը]Ծղակ անվանման ծագումը կապված է Ցոլակ նահապետի հետ։ Ըստ ոմանց էլ կապված է 775 թվականին արաբների կողմից հարձակման հետ և առաջացել է «ծուղակ» բառից։
Պատմություն
[խմբագրել | խմբագրել կոդը]1895 թվականին թուրքերը կողոպտել ու կոտորել են գյուղի հայությանը, իսկ 1915 թվականի Մեծ եղեռնի ժամանակ ողջ բնակչությանը ենթարկել են բռնագաղթի։
Բնակչություն
[խմբագրել | խմբագրել կոդը]1882 թվականին ուներ 89 տուն՝ 865 հայ բնակչով, իսկ 1909 թվականին 60 տուն՝ 496 բնակչով։
Տնտեսություն
[խմբագրել | խմբագրել կոդը]Բնակչության հիմնական զբաղմունքը անասնապահությունն ու երկրագործությունն էր։
Պատմամշակույթային կառույցներ
[խմբագրել | խմբագրել կոդը]Ծղակն ուներ եկեղեցի, որը բավականին հեռու էր գտնվում լճից, 1880-ական թվականներին Վանա լճի ջուրը ծեծում էր եկեղեցու պատերը։ Գյուղից ոչ հեռու՝ լճի ափին գնտվում էր Ս. Աստվածածին կիսավեր վանքը[1]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Հայաստանի և հարակից շրջանների տեղանունների բառարան», հտ 2, էջ 855
Աղբյուրներ
[խմբագրել | խմբագրել կոդը]- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 131)։ 
|
| ||||||||||||||