Խաչատուր Աբովյանի անվան թիվ 2 դպրոց

Խաչատուր Աբովյանի անվան թիվ 2 դպրոց;
Տեսակ	դպրոց
Հիմնադրված է	հունվարի 14, 1832
Անվանված է	Խաչատուր Աբովյան
Տնօրեն	Իրա Հակոբյան
Աշակերտներ	581
Երկիր	Հայաստան
Տեղագրություն	Երևան
Հասցե	Երևան, Կենտրոն վարչական շրջան, Իսահակյան փողոց 30

Խաչատուր Աբովյանի անվան թիվ 2 դպրոց, հանրակրթական դպրոց Երևանի Կենտրոն վարչական շրջանում։

Պատմություն[խմբագրել | խմբագրել կոդը]

Դպրոցի հիմնադրում[խմբագրել | խմբագրել կոդը]

Հիմնադրվել է XIX դարի սկզբին՝ 1832 թվականի հունվարի 14-ին Արևելյան Հայաստանը Ցարական Ռուսաստանին միանալուց չորս տարի հետո՝ ցարական կառավարության որոշման և Կայսր Նիկոլայ I-ի հրամանի համաձայն՝ Երևանի կոմս Գեներալ-Ֆեդմարշալ Պասկևիչի միջնորդությամբ, Երևանի բերդում։

Հիմնադրվել է որպես ռուսական տարրական դպրոց, հետագայում դարձել է միջնակարգ։ 1843 թվականին դպրոցի 6-րդ տնօրեն է նշանակվել Խաչատուր Աբովյանը,ով պաշտոնավարել է մինչև անհետանալը՝1843 թվականի ապրիլի 2-ը։ Դպրոցի շենքը եղել է Գայի անվան սպայի տուն։ Գավառական դպրոցի հիմքի վրա 1868 թվականին բացվել է լրիվ տարրական՝ չորսդասյա դպրոց (պրոգիմնազիա)։ 1881 թվականին չորսդասյա հիմքի վրա դպրոցը դառնում է միջնակարգ՝ արական դասական գիմնազիա, որի շրջանավարտները իրավունք ունեին ընդունվել բուհ։ Գիմնազիան ուներ գիշերօթիկ, նախապատրաստական դասարան և գործում էր հաստատված կանոնադրության համաձայն։ Գիմնազիայում դասավանդել են նաև հայեր։ Դասավանդվում էր՝ լատիներեն, հունարեն, հայերի համար՝ հայերեն։ 1913 թվականին գիմնազիան ուներ 707 սան։ Ուսումը վճարովի էր և միայն 10% կազմում էր աշխատավորական խավի երեխաները։

1918 թվական[խմբագրել | խմբագրել կոդը]

1918 թվականին անկախ Հայաստանում գիմնազիան վերանվանվում է հայկական դասական գիմնազիա։ 1920 թվականին Խորհրդային Հայաստանում արմատապես փոխվում է 2-րդ աստիճանի դպրոցի հիմքը և դպրոցը կոչվում է 2-րդ աստիճանի համար 2 դպրոց։ 1925 թվականին Երևանի քաղխորհրդի որոշմամբ դպրոցը ճանաչվում Է գավառական դպրոցի ժառանգորդ և անվանակոչվում է Խաչատուր Աբովյանի անվան։

Տնօրեններ[խմբագրել | խմբագրել կոդը]

Պրոֆեսոր Հայրապետ Հովհաննիսյան, գրականագետ, պրոֆեսոր՝ Սիմոն Հակոբյան, Միհրան Մանուկյան, Սամվել Խաչատրյան, Արմենակ Վարդապետյան, Ա. Յախշիբեկյան, Մելիթոս Կարապետյան, 1953-1963 թթ.՝ Գեղեց Տիտանյան, Հ. Գասպարյան, Գուրգեն Մկրտչյան, Սարգիս Հովսեփյան, Իրա Հակոբյան-Սարգսյան^[1]