Ուոլթեր Թևիս

Ուոլթեր Թևիս; անգլ.՝ Walter Tevis
Ծնվել է	փետրվարի 28, 1928[…]
Ծննդավայր	Սան Ֆրանցիսկո, Կալիֆոռնիա
Վախճանվել է	օգոստոսի 8, 1984[…] (56 տարեկան)
Վախճանի վայր	Նյու Յորք, Նյու Յորք
Գերեզման	Կենտուկի
Մասնագիտություն	գրող, վիպասան, համալսարանի դասախոս և գիտաֆանտաստիկ գրող
Լեզու	անգլերեն
Քաղաքացիություն	ԱՄՆ
Կրթություն	Կենտուկիի համալսարան
Ժանրեր	ֆանտաստիկա
Աշխատավայր	Օհայոյի համալսարան
Կայք	waltertevis.org

Ուոլթեր Սթոուն Թևիս (անգլ.՝ Walter Stone Tevis, փետրվարի 28, 1928(1928-02-28)^[1]^[2]^[3]^[…], Սան Ֆրանցիսկո, Կալիֆոռնիա^[4] - օգոստոսի 8, 1984(1984-08-08)^[1]^[2]^[3]^[…], Նյու Յորք, Նյու Յորք), ամերիկացի ֆանտաստ գրող։

Կենսագրություն[խմբագրել | խմբագրել կոդը]

Ուոլթեր Թևիսը ծնվել է Սան Ֆրանցիսկոյում և մեծացել Սանսեթ շրջանում։ Տասը տարեկանում ծնողները ստիպված են եղել նրան մեկ տարով հանձնել Սթենֆորդի մանկական առողջարան, իսկ իրենք գնացել են Կենտուկի նահանգի Մեդիսոն շրջան, որտեղ ընտանիքը հողամաս է ստացել։ Երբ Ուոլթերը 11 տարեկան էր, նա ինքնուրույն գնացքով եկել է ծնողների մոտ։

Երկրորդ աշխարհամարտի ավարտին 17-ամյա Թևիսը Խաղաղ օվկիանոսում ծառայել է որպես ԱՄՆ ռազմածովային ուժերի «Գամիլտոն» նավակողի հյուսնի օգնական։ Ծառայությունն ավարտելուց հետո՝ 1945 թվականին, ավարտել է դպրոցը և ընդունվել Կենտուկիի համալսարան։ Այնտեղ նա ստացել է անգլերեն գրականության բակալավրի և մագիստրոսի աստիճան։ Ուսման ժամանակ Թևիսն աշխատել է բիլիարդի սրահում և նույնիսկ պատմվածք գրել բիլիարդի մասին՝ «The Big Hustle», որը հրատարակվել է 1955 թվականին «Collier's» ամսագրում։

Թևիսի պատմվածքները հայտնվել են նաև «Cosmopolitan», «Esquire», «Galaxy Science Fiction», «Playboy», «Redbook» և «Saturday Evening Post» ամսագրերում։

Թևիսի անդրանիկ վեպը՝ «The Hustler», լույս է տեսել 1959 թվականին։ Դրան հաջորդել է 1953 թվականին հրատարակված «The Man Who Fell to Earth» վեպը։ 1965 թվականից մինչև 1978 թվականը Թևիսն Օհայոյի համալսարանում դասավանդել է անգլերեն գրականություն և ստեղծագործական գրարվեստ։

Թևիսի վեց վեպերից երեքն էկրանավորվել է։ 2020 թվականին Նեթֆլիքս սթրիմինգային ծառայությունն էկրանավորել է 1989 թվականին գրված «Թագուհու գամբիտը» վեպը և նկարահանել 7 սերիայից բաղկացած մինի սերիալ։

1984 թվականին Թևիսը մահացել է թոքի քաղցկեղից և թաղվել Ռիչմոնդում (Կենտուկի նահանգ)։

Էկրանավորումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Internet Speculative Fiction Database — 1995.
↑ ^3,0 ^3,1 ^3,2 ^3,3 ^3,4 Babelio (ֆր.) — 2007.
↑ ^4,0 ^4,1 ^4,2 Deutsche Nationalbibliothek Record #10757554X // Gemeinsame Normdatei (գերմ.) — 2012—2016.

Արտաքին հղումներ[խմբագրել | խմբագրել կոդը]

Պաշտոնական կայք(անգլ.)
Ուոլթեր Թևիսը «Ֆանտաստիկայի լաբորատորիայի» կայքում(ռուս.)

[_ca01b7e3932ccb7e-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_3114c94a24d53afd-2] 2,0 ^2,1 ^2,2 ^2,3 ^2,4 Internet Speculative Fiction Database — 1995.

[_d45910219e3f28ef-3] 3,0 ^3,1 ^3,2 ^3,3 ^3,4 Babelio (ֆր.) — 2007.

[_a0f0446c9d889819-4] 4,0 ^4,1 ^4,2 Deutsche Nationalbibliothek Record #10757554X // Gemeinsame Normdatei (գերմ.) — 2012—2016.

[1]

[2]

[3]

[4]