Թումանյանի անվան այգի

Վիքիպեդիայից՝ ազատ հանրագիտարանից
(Վերահղված է Թումանյան այգիից)
Jump to navigation Jump to search
Picto infobox plant.png
Թումանյանի անվան այգի
Tumanyan Park (standard zoom).jpg
Տեսակ այգի
Երկիր Flag of Armenia.svg Հայաստան
Վարչատարածք Երևան
Հիմնվել է 1970
Մակերես 7 հեկտար
Անվանված է Հովհաննես Թումանյան
Կառավարում Երևանի քաղաքապետարան
Կոորդինատներ: 40°11′31.920000099999″ հս․ լ. 44°28′46.920000100004″ ավ. ե. / 40.19220000002777482° հս․. լ. 44.47970000002777624° ավ. ե. / 40.19220000002777482; 44.47970000002777624
Թումանյանի անվան այգիը գտնվում է Հայաստանում
Թումանյանի անվան այգի
Թումանյանի անվան այգիը գտնվում է Երևանում
Թումանյանի անվան այգի

Երևանի Հովհաննես Թումանյանի անվան զբոսայգի (նաև հայտնի է որպես Թումանյան այգի, ժողովրդական լեզվում երբեմն կոչվում է Թումոյի այգի), զբոսայգի Երևանի Աջափնյակ համայնքում[1]՝ Կիևյան կամրջի հարևանությամբ։ Գտնվում է «ԷյՓիՋի Լաբս ԷյԷմ» հասարակական կազմակերպության խնամակալության ներքո[2], 100 տարի վարձակալման ժամկետով[3]։

Այգու տարածքը կազմում է 7 հա։ Այն տեղակայված է Հրազդան գետի կիրճում, արևմուտքից սահմանազատվում է Հալաբյան փողոցով, հարավից՝ կիրճը հատող Հրազդանի մեծ կամրջով, արևելքից՝ գետի հունով, իսկ հյուսիսից՝ «Թումո» կենտրոնի շենքով։ Այդ պատճառով էլ այն խոսակցականում կոչվում է նաև «Թումոյի այգի»։

Այգին, որ կոչվել է հայ գրող և բանաստեղծ Հովհաննես Թումանյանի անունով, բացվել է 1970 թվականին՝ նրա ծննդյան հարյուրամյակի առթիվ։ 1973 թվականին այգում տեղադրվել է Թումայանի «Անուշ» պոեմի հերոսների՝ Անուշի ու Սարոյի արձանը: 1986 թվականին այգում կանգնեցվել է Թումանյանի մեկ այլ հերոսի՝ Լոռեցի Սաքոյի արձանը։

1990-ական թվականներին երկրի ֆինանսական անբարենպաստ իրավիճակի պատճառով այգին անկում է ապրել, ծառերի մի մասը հատվել է։ 2009-2010 թվականներին այն վերակառուցվել է. ներդրվել է ոռոգման ավտոմատ համակարգ, կահավորվել խաղադաշտեր ֆուտբոլի ու բասկետբոլի համար, կառուցվել մանկական խաղահրապարակներ, տնկվել 1000 ծառ, կառուցվել հետիոտնային ու հեծանվային ուղիներ։ «Արարատ» լքված կինոթատրոնի տեղում (որ տեղակայված էր այգուն հարող տարածքում) կառուցվել է «Թումո» ստեղծարար տեխնոլոգիաների կենտրոն։ Ներկայում այգին ժողովրդականություն է վայելում քաղաքի բնակչության շրջանում[4]։

Պատկերասրահ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

  1. Երևանի այգիներ — տեղեկություններ Երևանի պաշտոնական կայքում
  2. «Համահայկական ցանց՝ Երևանի Հովհ. Թումանյանի անվ. զբոսայգում տեղի կունենա «Զատիկի տոնը Թումանյան այգում» միջոցառումը»։ 2009-04-10։ Վերցված է 2011 թ. օգոստոսի 23–ին 
  3. «ա1պլյուս՝ Այգին կբացվի երեք ամսից»։ 2010-05-18։ Վերցված է 2011 թ. օգոստոսի 23–ին 
  4. Анна Перян (2015-07-12)։ «ПАРК ИМЕНИ ОВАНЕСА ТУМАНЯНА. ВОЗРОЖДЕНИЕ.»։ Վերցված է 2018-08-01