Թումո

Վիքիպեդիայից՝ ազատ հանրագիտարանից
Jump to navigation Jump to search
Թումո ստեղծարար տեխնոլոգիաների կենտրոն
Հիմնադրված 2011 թվական
Հիմնադիրներ Սեմ և Սիլվիա Սիմոնյաններ
Տեղագրություն Հայաստան Հայաստան, Երևան
Հիմնական անձինք Մարի Լու Փափազյան
գործունեության որլորտ Ուսուցում թվային մեդիաների ոլորտում
Կայք tumo.org

Թումո ստեղծարար տեխնոլոգիաների կենտրոն, անվճար կրթական կենտրոն, որը բացվել է Երևանում 2011 թվականին։

2018 թվականի փետրվարի 19-ին Հնդկաստանի Հայդերաբադ քաղաքում պաշտոնապես մեկնարկած ՏՏ համաշխարհային համաժողովում (WCIT) Թումոյին հանձնվել է գլխավոր՝ համաժողովի նախագահ Իվոն Չյուի կողմից տրվող մրցանակը «Թվային դարի խորհուրդը իրագործելու» համար [1]։

Թումո ստեղծարար տեխնոլոգիաների կենտրոն[խմբագրել | խմբագրել կոդը]

Թումո կենտրոնի բացումը 2011 թվականին

Բացումից ի վեր, Թումոն 12-18 տարեկան հազարավոր պատանիների տրամադրում է արտադպրոցական ուսուցում թվային մեդիաների ոլորտում։ Ուղղորդվելով հմուտ մանկավարժների ու մեդիա մասնագետների կողմից, ինչպես նաև իրենց տրամադրության տակ ունենալով վերջին թվային գործիքները՝ ուսանողներն իրականացնում են իրենց անհատական ուսումնական պլանը Թումո աշխարհի միջոցով՝ հատուկ մշակված ուսումնական հարթակ, որը պատրաստում է նրանց գործնական աշխատանքների համար։ Մասնագիտացված դասընթացները, դասախոսություններն ու միջոցառումները ուսանողներին հնարավորություն են տալիս կիրառել իրենց գիտելիքներն ու հմտությունները նաև գործնականում։ Թումոյի չորս հիմնական ոլորտներն են անիմացիան, խաղերի ստեղծումը, կայքերի մշակումն ու ֆիլմերի ստեղծումը։ Կրթական ոլորտների հետ մեկտեղ ուսանողները նաև ծանոթանում են 21-րդ դարի զանազան հմտությունների, ինչպիսիք են 3D մոդելավորումը, երաժշտությունը, ռոբոտաշինությունը, լուսանկարչությունը, գրաֆիկական դիզայնը և այլն։ Կենտրոնը ստեղծվել է Սիմոնյան կրթական հիմնադրամի նախաձեռնությամբ։

Ղեկավարություն[խմբագրել | խմբագրել կոդը]

Սիմոնյանի հիմնադրամի նախագահ և Թումոյի համահիմնադիր Սեմ Սիմոնյան

Սիմոնյան հիմնադրամը լիովին ֆինանսավորում է կենտրոնը, իր ծրագրերը և հարակից Թումանյանի այգին։ Սեմ Սիմոնյանը վարկավորման իր գիտելիքները տեխնոլոգիաների և իր տնտեսական ազդեցությամբ է ներգրավված Թումոյի գործունեության մեջ և Սիլվան նպաստելով կենտրոնի ներգրավման, ինչպես նաև շրջակա միջավայրի և ծրագրի ընդհանուր ծրագրով։ Մարի Լու Փափազյանը հանդիսանում է Սիմոնյան կրթական հիմնադրամի և Թումոյի գործադիր տնօրեն։ Ի լրումն իր պարտականությունների կառավարման կենտրոն նա գլխավորում է նախագծման և շինարարության կառավարման կենտրոնի ներքին ճարտարապետության և բացօթյա պլազան։ Նախքան Թումոյի հիմնադրումը Մարի Լու համանախագահ հիմնադրել է Կրթությունն հանուն զարգացման հիմնադրամը 2001 թվականին։ Որտեղ նա գլխավորում է Երեք նուռ նախագիծը, կապելով հայ ​​ուսանողներին իրենց աշխարհասփյուռ հասակակիցների միջոցով վեբ վրա հիմնված կրթական գործունեության։ Ունի հետբուհական կրթություն Կոլումբիայի ուսուցչի քոլեջում և ծառայում է որպես տեղեկատվական տեխնոլոգիաների խորհրդի վարչապետ Հայաստանի Հանրապետության։

Մասնաճյուղեր[խմբագրել | խմբագրել կոդը]

Թումո Դիլիջան[խմբագրել | խմբագրել կոդը]

Թումոյի բացումը Դիլիջանում

2013 թվականի հունվարի 26-ին Դիլիջան քաղաքում տեղի ունեցավ Թումո կենտրոնի բացումը, որը հնարավոր դարձավ Կենտրոնական բանկի աջակցությամբ։ Թումո Դիլիջանը հագեցած է 29 Apple համակարգիչներով և հնարավորություն ունի օրական սպասարկել մինչև 90 պատանի՝ տրամադրելով նրանց յուրատեսակ ուսումնական փորձառություն նոր տեխնոլոգիաների կիրառմամբ։

Թումո Գյումրի[խմբագրել | խմբագրել կոդը]

ԹՈՒՄՈxՀԲԸՄ Գյումրի կենտրոնի բացումը

2015 թվականի մայիսի 25-ին Թումո Գյումրին դարձավ իրականություն. ՀՀ նախագահ Սերժ Սարգսյանը հայտարարեց կենտրոնի բացումը Գյումրիի Տեխնոպարկի տարածքում։ Գյումրիի կենտրոնը Սիմոնյան կրթական հիմնադրամի և Հայկական բարեգործական ընդհանուր միության համատեղ նախագիծն է։ Կենտրոնի ստեղծման նախաձեռնությունը պատկանում է ՀՀ նախագահին, իսկ մեկնարկային դրամահավաքը կազմակերպել է Շանթ հեռուստաընկերության նախագահ Արթուր Եզեկյանը։

Թումո Ստեփանակերտ[խմբագրել | խմբագրել կոդը]

ԹՈՒՄՈxՀԲԸՄ համագործակցության արդյունքում Թումո ծրագիրը հասանելի դարձավ Արցախի պատանիների համար

2015 թվականի սեպտեմբերի 2-ին ՝ Արցախի հանրապետության անկախության 24-րդ տարեդարձի օրը, ԹՈՒՄՈxՀԲԸՄ համագործակցության արդյունքում Թումո ծրագիրը հասանելի դարձավ Արցախի պատանիների համար։ Ստեփանակերտի կենտրոնը ունի 1000 ուսանող հյուրընկալելու հնարավորություն։ Թումո կենտրոնի ուսանողները հնարավորություն կստանան ձեռք բերել օգտակար գիտելիքներ անիմացիայի, խաղերի ստեղծման, կայքերի մշակման և ֆիլմերի ստեղծման ոլորտներում և մի շարք լրացնող հմտություններ՝ ծրագրավորում, լուսանկարչություն, 3D մոդելավորում, երաժշտություն և այլն։ Ամենակարևորը՝ նրանք ձեռք կբերեն 21-րդ դարի հմտություններ և կկարողանան առավելագույնս բացահայտել իրենց ներուժը։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]