Թոմաս Դյուինգ

Վիքիպեդիայից՝ ազատ հանրագիտարանից
Jump to navigation Jump to search
Թոմաս Դյուինգ
Thomas Dewing.jpg
Ծնվել է մայիսի 4, 1851(1851-05-04)[1][2][3]
Ծննդավայր Մասաչուսեթս, ԱՄՆ
Վախճանվել է նոյեմբերի 5, 1938(1938-11-05)[1][2][3] (87 տարեկանում)
Մահվան վայր Նյու Յորք, Նյու Յորք, ԱՄՆ
Քաղաքացիություն ԱՄՆ
Կրթություն Ժյուլիանի ակադեմիա
Մասնագիտություն նկարիչ
Ոճ իմպրեսիոնիզմ
Ուշագրավ աշխատանքներ Q17492125?
Ուսուցիչ Գուստավ Բուլանժե
Անդամակցություն 10 ամերիկացի նկարիչներ
Ամուսին Maria Oakey Dewing
Thomas Dewing Վիքիպահեստում

Թոմաս Դյուինգ (անգլ.՝ Thomas Wilmer Dewing, մայիսի 4, 1851(1851-05-04)[1][2][3], Մասաչուսեթս, ԱՄՆ - նոյեմբերի 5, 1938(1938-11-05)[1][2][3], Նյու Յորք, Նյու Յորք, ԱՄՆ), ամերիկացի նկարիչ-տոնալիստ[4], 10 ամերիկացի նկարիչների միության հիմնադիրներից մեկը։

Կենսագրություն[խմբագրել | խմբագրել կոդը]

Ծնվել 1851 թվականի մայիսի 4-ին Մասաչուսեթս նահանգի Բոստոն քաղաքում։

Դպրոցից հետո աշխատել է որպես վիմագրողի աշակերտ։ Այնուհետև սովորել է Փարիզի Ժյուլիանի ակադեմիայում` լինելով Գուստավ Բուլանժեի և Ժյուլ Լեֆևրի աշակերտը։ 1878 թվականին վերադառնալով Միացյալ Նահանգներ` կանգ է առել Բոստոնում։ 1880 թվականին տեղափոխվել է Նյու Յորք, որտեղ ծանոթացել և ամուսնացել է նկարչուհի Մարիա Օկիի հետ։ 1881 թվականին սկսել է դասավանդել Նյու Յորքի ուսանող նկարիչների լիգայի գեղարվեստական դպրոցում։ 1885-1905 թվականներին կնոջ հետ ամառներն անց է կացրել Նյու Հեմփշիր նահանգի Կորնիշ քաղաքի գեղարվեստական գաղութում։

1888 թվականին Թոմաս Դյուինգն ընտրվել է որպես Դիզայնի ազգային ակադեմիայի անդամ: 1898 թվականին դարձել է 10 ամերիկացի նկարիչների միության հիմնադիրներից մեկը, ովքեր 1897 թվականին առանձնացել էին Ամերիկացի նկարիչների միությունից: 1899 թվականին Դյուինգը դարձել է Բնանկարիչների միության անդամ (անգլ.՝ Society of Landscape Painters), որը հիմնդարվել էր հենց նույն թվականին և որտեղ նա աշխատել է ուրիշ նկարիչ-տոնալիստների հետ:

1920 թվականից հետո դադարեցրել է նկարել և կյանքի վերջին տարիներն անցկացրել է իր տանը Նյու Հեմփշիր նահանգի Կորնիշ քաղաքում: Մահացել է 1938 թվականին Նյու Յորքում: Թաղվել է Մասաչուսեթս նահանգի Քեմբրիջ քաղաքի Mount Auburn Cemetery գերեզմանատանը[5]:

Ամուսնացած է եղել նկարչուհի Մարի Օկի (Դյուինգի) հետ: Նրանց որդին մահացել է մանուկ հասակում: ունեցել են դուստր, Էլիզաբեթը, ով ծնվել է 1885 թվականին:

Աշխատանքներ[խմբագրել | խմբագրել կոդը]

Դյուինգի աշխատանքները պահվում են շատ թանգարաններում, մասնավորապես, Սմիթսոնյան ինստիտուտի արվեստի թանգարանում, ինչպես նաև մասնավոր հավաքածուներում, Ջոն Գելաթլիի (անգլ.՝ John Gellatly), Չարլզ Ֆրիրի և այլ կոլեկցիոներների հավաքածուներում[6]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]