Էսթեր Շալև-Գերց
Էսթեր Շալև-Գերց անգլ.՝ Esther Shalev-Gerz | |
|---|---|
| Ծնվել է | 1948[1][2][3][…] |
| Ծննդավայր | Վիլնյուս, Լիտվական ԽՍՀ, ԽՍՀՄ[4] |
| Քաղաքացիություն |  ԽՍՀՄ և  Իսրայել |
| Մասնագիտություն | plastic artist, համալսարանի դասախոս և կոնցեպտուալ արվեստագետ |
| Կայք | shalev-gerz.net |
Էսթեր Շալև-Գերց (անգլ.՝ Esther Shalev-Gerz, ի ծնե ազգանունը՝ Գիլինսկայա, 1948[1][2][3][…], Վիլնյուս, Լիտվական ԽՍՀ, ԽՍՀՄ[4]), լիտվական ծագմամբ իսրայելցի նկարչուհի[5], գերմանացի նկարիչ Յոխեն Գերցի կինը։ Նրանք միասին ստեղծել են «Հուշարձան ընդդեմ ֆաշիզմի, պատերազմի ու բռնության, հանուն խաղաղության ու մարդու իրավունքների», որ տեղադրվել է Համբուրգի Հարբուրգ թաղամասում[6]։
Կենսագրություն[խմբագրել | խմբագրել կոդը]
Էսթեր Շալև-Գերցը ծնվել է 1948 թվականին Լիտվական ԽՍՀ մայրաքաղաք Վիլնյուսում՝ հրեաների ընտանիքում։
1957 թվականին Էսթեր Շալև-Գերցն իր ընտանիքի հետ տեղափոխվել է Երուսաղեմ (Իսրայել)։
1975-1979 թվականներին գեղանկարչություն է սովորել Բեցալելի գեղարվեստի ակադեմիայում, որտեղ ստացել է կերպարվեստի բակալավրի աստիճան։ 1980-1981 թվականներին Էսթեր Շալև-Գերցն ապրել է Նյու Յորքում։ 1981 թվականին նա կրկին մեկնել է Իսրայել, որտեղ մասնակցել է կոլեկտիվ ցուցահանդեսների. նա մասնավորապես իր աշխատանքները ցուցադրել է Երուսաղեմի Իսրայելի թանգարանում և Թել Ավիվի կերպարվեստի թանգարանում։
1983 թվականին Էսթեր Շալև-Գերցն ստեղծել է իր առաջին մոնումենտալ աշխատանքը՝ Oil on Stone, որ գտնվում է Իսրայելի Թել Հայ քաղաքում։ 1984 թվականին նկարչուհին տեղափոխվել է Փարիզ և սկսել աշխատել Եվրոպայում ու Կանադայում։ 1990 թվականին, դառնալով Գերմանիայի ակադեմիական փոխանակության ծառայության անդամ, մեկ տարով մեկնել է Բեռլին։
2002 թվականին Էսթեր Շալև-Գերցը մասնակցել է IASPIS (անգլ.՝ International Artists Studio Program) միջազգային ծրագրին Ստոկհոլմում (Շվեդիա)։ 2003 թվականից մինչև 2014 թվականը Էսթեր Շալև-Գերցը դասավանդել է Շվեդիայի Գյոտեբորգի համալսարանի Valand Academy ակադեմիայում։
Էսթեր Շալև-Գերցը մշտական բնակություն է հաստատել Փարիզում, աշխատում է Եվրոպայում և ԱՄՆ-ում[7]։
Աշխատանքներ[խմբագրել | խմբագրել կոդը]
Էսթեր Շալև-Գերցի ստեղծագործությունները պահվում են Եվրոպայի տարբեր թանգարաններում՝ Skissernas Museum Lund (Շվեդիա), Sprengel Museum Hannover և Buchenwald Memorial (Գերմանիա), Environment Trust Glasgow (Շոտլանդիա), UNO Park Geneva (Շվեյցարիա), Գոբելենների մանուֆակտուրա (Ֆրանսիա)։
2014 թվականին Էսթեր Շալև-Գերցի թիմը եղել է հոլոքոստի՝ Օտտավայում տեղադրվելիք ազգային հուշարձանի ստեղծման համար հայտարարաված մրցույթի եզրափակչի վեց մասնակիցներից մեկը Յաել Բարտանի, Դանիել Լիբեսկինդի, Կշիշտոֆ Վոդիչկոյի, Դևիդ Աջայեի ու Ժիլ Սոկիրի հետ միասին[8]։
2015 թվականին Ժնևի մունիցիպալ արվեստի հիմնադրամը ձեռք է բերել Էսթեր Շալև-Գերցի «Անբաժանելիները» (ֆր.՝ Les Inséparables, 2000-2010) աշխատանքը։
Իսրայելի Թել Հայ քաղաքում տեղադրված Oil on Stone (1983) և Համբուրգում գտնվող Monument Against fascism (Գերմանիա, 1986), ինչպես նաև Ժնևում գտնվող Les Inséparables աշխատանքներից բացի՝ Էսթեր Շալև-Գերցի հայտնի գործերից են՝
- The Dispersal of Seeds և The Collection of Ashes (Ժնև, Շվեյցարիա, 1995) և (Մառլ, Գերմանիա, 1996),
- First Generation (Շվեդիա, 2004),
- A Thread (Castlemilk, Գլազգո, Շոտլանիդա, 2003-2006)։
Ծանոթագրություններ[խմբագրել | խմբագրել կոդը]
- ↑ 1,0 1,1 Esther Gerz
- ↑ 2,0 2,1 Photographers’ Identities Catalog
- ↑ 3,0 3,1 վերարտադրման իրավունք
- ↑ 4,0 4,1 4,2 Union List of Artist Names — 2019.
- ↑ Esther Shalev-Gerz Archived 2016-04-05 at the Wayback Machine. (անգլ.)
- ↑ Mahnmal gegen Faschismus, Hamburg-Harburg, Germany 1986 Archived 2017-08-15 at the Wayback Machine. (անգլ.)
- ↑ Esther Shalev-Gerz (անգլ.)
- ↑ «Արխիվացված պատճենը»։ Արխիվացված է օրիգինալից 2015-04-02-ին։ Վերցված է 2016-04-12
Արտաքին հղումներ[խմբագրել | խմբագրել կոդը]
- Անձնական կայք (անգլ.)
- ESTHER SHALEV-GERZ (անգլ.)
- Esther Shalev-Gerz (անգլ.)
- Esther Shalev-Gerz Archived 2016-04-07 at the Wayback Machine. (ֆր.)
| ||||||||||||
