Երնջակ (քաղաք)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Երնջակ (այլ կիրառումներ)
Քաղաքատեղի
Երնջակ
Կոորդինատներ: 39°11′24″ հս․ լ. 45°42′23″ ավ. ե. / 39.19000° հս․. լ. 45.70639° ավ. ե. / 39.19000; 45.70639
Երկիր Ադրբեջան Ադրբեջան
Բնակչություն 0 մարդ
Ժամային գոտի UTC+4
##Երնջակ (քաղաք) (Ադրբեջան)
Red pog.png

Երնջակ, նախկինում վաղ միջնադարյան հայաբնակ քաղաք, որն այժմ քաղաքատեղի է ներկայիս Ադրբեջանական Հանրապետության Նախիջևանի Հանրապետության Ջուղայի շրջանի տարածքում։ Գտնվում է Մեծ Հայքի Սյունիք նահանգի Երնջակ գավառի կենտրոնում, Երնջակ գետի միջին հոսանքում, համանուն բերդի մոտ[1]։

Աշխարհագրություն[խմբագրել | խմբագրել կոդը]

Քաղաքը գտնվում էր ներկայիս Ջուղայի շրջանի Պարոնտեր գյուղի տեղոմ և նրա մերձակայքում։ Ընդգրկում էր շուրջ 4-5 կմ² տարածություն[1]։

19-րդ դարի կեսերին Պարոնտեր գյուղի պարսիկ բնակիչները քաղաքատեղի ավերակները վեր են ածել մշակովի դաշտերի։ Այժմ քաղաքատեղի ծայրամասային շինությունների ավերակների աննշան հետքերը տեսանելի են Երնջակ գետի աջակողմյան ձորակներում ու բարձունքների վրա[1]։

Գերեզմանատուն[խմբագրել | խմբագրել կոդը]

Երնջակ քաղաքի հյուսիսարևելյան կողմում, լեռնալանջին գտնվում էր 9-12-րդ դարերին պատկանող գերեզմանատուն։ Մինչև 20-րդ դարի սկգբները այս գերեզմանատան պահպանված տապանաքարերի թիվը կազմել է ավելի քան 120, որոնք աստիճանաբար տեղահան են արված և ծածկված են հողի շերտով։ Մնացած տապանաքարերի արձանագրությունները քայքայված են։ 1980-ականների դրությամբ առկա էր միայն 15 հարթ տապանաքար խաչքարերի տեսքով։ Տապանքարերից 8 արձանագիր էին[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Արգամ Արարատի Այվազյան, Նախիջևանի ԻՍՍՀ հայկական հուշարձանները (համահավաք ցուցակ) (խմբ. է. Դ. Շահնազարյան), Երևան— 9, Իսահակյան 28, «Հայաստան», 1986։