Երկկենցաղ մարդը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Երկկենցաղ մարդը
Человек-амфибия
ԵրկիրFlag of the Soviet Union (1924–1955).svg ԽՍՀՄ
Ժանրֆանտաստիկ ֆիլմ[1], ռոմանտիկ ֆիլմ[2], մելոդրամա, կինոֆանտաստիկա և գրական ստեղծագործության էկրանավորում
ՀիմքԵրկկենցաղ մարդը
Թվական1961 և հունվարի 3, 1962
Լեզուռուսերեն[3]
ՌեժիսորՎլադիմիր Չեբոտարյով[1] և Գենադի Կազանսկի[1]
Սցենարի հեղինակԱկիբա Գոլբուրտ, Ալեքսեյ Կապլեր[4] և Ալեքսանդր Կսենոֆոնտով[4]
ԴերակատարներՎլադիմիր Կորենև[5], Անաստասիա Վերտինսկայա, Միխայիլ Կոզակով, Նիկոլայ Կոնստանտինի Սիմոնով, Անատոլի Սմիրանին, Վլադլեն Դավիդով և Նիկոլայ Կուզմին
ՕպերատորԷդուարդ Ռոզովսկի[6]
ԵրաժշտությունԱնդրեյ Պետրով
Նկարահանման վայրԲաքու և Ավրորայի ժայռ
ԿինոընկերությունԼենֆիլմ
Տևողություն100 րոպե

Երկկենցաղ մարդը (ռուս.՝ Человек-амфибия), խորհրդային գեղարվեստական կինոնկար, որը նկարահանվել է 1961 թվականին, Ալեքսանդր Բելյաևի համանուն գիտա-ֆանտաստիկ վեպի մոտիվներով: Առաջին ցուցադրությունը կայացել է 1961 թվականի դեկտեմբերի 28-ին[7]: Համարվում է խորհրդային կինովարձույթի` 1962 թվականի առաջատարը, այն դիտել է 65 միլիոն հանդիսատես:

Սյուժեն[խմբագրել | խմբագրել կոդը]

Բուենոս Այրեսի ձկնորսներն ու մարգարտորսները վախեցած էին, քանի որ ծովում հայտնվել էր խորհրդավոր «ծովային հրեշ»: Սակայն սառնասիրտ գործարար, մարգարտորսների ընկերության սեփականատեր Պեդրո Զուրիտան, որոշում է բռնել այդ հանելուկային արարածին և ներգրավել իր գործի մեջ: Նա սկսում է հսկել ծովածոցը` հույսով, որ կգտնի «հրեշին»:

Երկշնչավոր մարդը, ով ուներ և թոքեր, և շնաձկան խռիկներ, Իխտիանդր անունով երիտասարդն էր: Նա դոկտոր Սալվատորի` օրգանների փոխպատվաստման խիզախ գիտափորձերի արդյունքն էր: Իխտիանդրը այնքան էլ ծանոթ չէր մարդկանց և քաղաքակրթությանը, նա մեծացել էր հոր տանը և ծովում, նրա ընկերները դելֆիններն էին:

Մի անգամ Իխտիանդրը տեսնում է ծովն ընկած, խեղդվող աղջկա և փրկում է նրան: Այդ ակնթարթային հանդիպումը փոխում է պատանու կյանքը: Նա առաջին անգամ դուրս է գալիս քաղաք և գտնում հիասքանչ Գուտիերեին, ով չգիտեր, թե ով էր իր իրական փրկարարը: Չնայած նրանց միջև ծագած զգացմունքին, Գուտիերեի հայրը պնդում է, որ իր դուստրն ամուսնանա Պեդրո Զուրիտայի հետ, ում նա համարում էր իր փրկարարը: Սկզբում Գուտիերեն ընդդիմանում է, սակայն հետո համաձայնվում է, կարծելով, որ ծովը նետված Իխտիանդրը հավանաբար խեղդվել է, իսկ իր փրկարարը Զուրիտան է:

Մի քանի փորձերից հետո Զուրիտան վերջապես կարողանում է բռնել «ծովային հրեշին»: Սալվատորը փրկում է որդուն Զուրիտայից, սակայն վերջինս մեղադրում է բժշկին` իր նավի վրա հարձակվելու մեջ: Բժշկին և Իխտիանդրին ձերբակալում են և բանտարկում: Սակայն Սալվատորի ընկերը, Գուտիերեին սիրահարված լրագրող Օլսենը, օգնում է Իխտիանդրին փախչել:

Գուտիերեի հայրը, հոգեպես տանջվելով իր դստեր` Զուրիտայի հետ դժբախտ ամուսնության պատճառով, ցասման պահին խոցում է գործարարին: Այժմ Գուտիերեն նույնպես ազատ է: Սակայն նրանց վիճակված չէ երջանիկ լինել, քանի որ բանտում, Իխտիանդրը տակառով լի ջրում երկար մնալուց հետո քայքայել էր իր առողջությունը և հիմա նա այլևս չի կարող լքել ծովը:

Դերասանական կազմ[խմբագրել | խմբագրել կոդը]

Դերակատար Կերպար
Վլադիմիր Կորենև[8][9][10] Իխտիանդր
Անաստասյա Վերտինսկայա Գուտիերե
Միխայիլ Կոզակով Պեդրո Զուրիտա
Նիկոլայ Սիմոնով դոկտոր Սալվատոր
Անատոլի Սմիրանին Բալթազար
Վլադլեն Դավիդով Օլսեն

Նկարահանող խումբ[խմբագրել | խմբագրել կոդը]

Կինոգործիչ Ներդրումը
Ակիբա Գոլբուրտ, Ալեքսանդր Կսենոֆոնտով, Ալեքսեյ Կապլեր սցենարիստ
Գենադի Կազանսկի, Վլադիմիր Չեբոտարյով ռեժիսոր
Էդուարդ Ռոզովսկի[11] օպերատոր
Անդրեյ Պետրով կոմպոզիտոր

Ձեռքբերումները[խմբագրել | խմբագրել կոդը]

  • «Советский экран» ամսագրի հարցումներով, ֆիլմը հանդիսատեսների կողմից համարվել է 1962 թվականի լավագույն հինգ ֆիլմերից մեկը:
  • Իտալիայի Տրիեստ քաղաքում, 1962 թվականին կայացած ֆանտաստիկ ֆիլմերի փառատոնում, կինոնկարն արժանացել է «Արծաթե առագաստ» մրցանակին, իսկ 1963 թվականին, նույն Տրիեստ քաղաքում կայացած գիտա-ֆանտաստիկ ֆիլմերի 1-ին կինոփառատոնում, արժանացել է 2-րդ «Արծաթե տիեզերանավ» մրցանակին:

Ծանոթագրություններ[խմբագրել | խմբագրել կոդը]

  1. 1,0 1,1 1,2 http://www.imdb.com/title/tt0055844/
  2. http://motionempire.me/Watch_The_Amphibian_Man_-1962-_Movie_Online_for_Free_102884.html
  3. http://www.euromovies.me/page/169
  4. 4,0 4,1 Freebase Data DumpsGoogle.
  5. http://stopklatka.pl/film/diabel-morski
  6. http://www.kinoglaz.fr/u_fiche_film.php?num=864
  7. «Человек-амфибия»։ Արխիվացված է օրիգինալից 2012-06-04-ին։ Վերցված է 2012-05-15 
  8. Алина Деркач. (2010-07-16)։ «Ихтиандр, сын адмирала»։ «Экспресс газета» online № 29 (806)։ Արխիվացված է օրիգինալից 2012-08-06-ին։ Վերցված է 2011-07-11 
  9. Ренат Мухаев. (2004)։ «Актерская судьба «Ихтиандра»»։ Журнал «Почта России» № 1։ Արխիվացված է օրիգինալից 2012-08-06-ին։ Վերցված է 2011-07-11 
  10. «Коренев Владимир Борисович»։ Международный объединённый биографический центр։ Արխիվացված է օրիգինալից 2012-08-06-ին։ Վերցված է 2011-07-11 
  11. Каждый из 25-ти членов съёмочной группы, включая актёров, после полугодового обучения, сдал экзамен на звание лёгкого водолаза и получил профессиональные права и водолазную книжку с допуском погружения до 40 метров глубины. Розовский Э. А. Встреча с Ихтиандром — из опыта подводных съёмок кинокартины «Человек-амфибия»