Եվգենի Գևորգյան

Վիքիպեդիայում կան հոդվածներ Գևորգյան ազգանունով այլ մարդկանց մասին։

Եվգենի Գևորգյան
Ծնվել է	հունիսի 2, 1936(1936-06-02) Մոսկվա, ԽՍՀՄ
Երկիր	ԽՍՀՄ,  ԱՄՆ և  Հայաստան
Մահացել է	2016 Մասաչուսեթս, ԱՄՆ
Մասնագիտություն	կոմպոզիտոր, դաշնակահար և ֆիլմերի երաժշտությունների հեղինակ
Գործիքներ	դաշնամուր
Աշխատավայր	Borets factory?
Կրթություն	Մոսկվայի Ն. Բաումանի անվան պետական տեխնիկական համալսարան (1962)

Եվգենի Դմիտրիի Գևորգյան (հունիսի 2, 1936(1936-06-02), Մոսկվա, ԽՍՀՄ - 2016, Մասաչուսեթս, ԱՄՆ), հայազգի խորհրդային դաշնակահար և կոմպոզիտոր։ Համարվում է ԽՍՀՄ-ում` ֆրի ջազի առաջին կատարողը։

Կենսագրություն

Եվգենի Գևորգյանի մանկությունն անցել է Իրանում։ 1962 թվականին ավարտել է Մոսկվայի բարձրագույն տեխնիկական ուսումնարանը (ներկայիս` Նիկոլայ Բաումանի անվան պետական տեխնիկական համալսարան)։ Զբաղեցրել է Մոսկվայի «Բորեց» կոմպրեսորների գործարանի գլխավոր ճարտարագետի պաշտոնը։ Երաժշտական կրթությունն ստացել է տան պայմաններում։

1957-1960 թվականներին ելույթներ է ունեցել սիրողական պարային նվագախմբերում (այսպես կոչված դիքսիլենդներում)։ Կազմակերպել է համույթներ և նվագախմբեր, որոնցից առավել հայտնին իր եղբոր` Անդրեյ Գևորգյանի (կոնտրաբաս) և Յուրի Նիժնիչենկոյի (հարվածային) հետ կազմած եռյակն էր։ Ելույթներ է ունեցել Մոսկվայի և Տալլինի ջազի փառատոներում։ Վերջին ելույթները տեղի են ունեցել 1977 և 1988 թվականներին` Ռուսաստանի տարբեր քաղաքներում։

1960-ական թվականներին ստեղծել է ջազային կոմպոզիցիաներ («Իգոր Սվյատոսլավովիչ», «Չաբան», «Մարդը և ծովը», «Հորիզոնում դու ինձ հեծյալ ես թվում», «Ջազի երեք գույները»)։ 1967 թվականից երաժշտություն է գրել կինոնկարների համար։

Եվգենի Գևորգյանը համագործակցել է Վլադիմիր Վիսոցկու հետ, նրա` «Ալիսան հրաշքների աշխարհում» երաժշտական հեքիաթի երաժշտությունը ստեղծելու և վերադաշնակելու գործում։

1990-ական թվականների կեսերից Եվգենի Գևորգյանը բնակվում էր ԱՄՆ-ում։ Մահացել է 2016 թվականի նոյեմբերի 3-ին։

Ֆիլմագրություն

Եվգենի Գևորգյանի ստեղծած երաժշտությունը հնչում է հետևյալ ֆիլմերում.

Թվական	Անվանում	Բնօրինակ անվանում
1970	Իսկ մարդը շեփոր է նվագում	А человек играет на трубе
1972	Գոտեմարտ	Схватка
1972	Յուլկան	Юлька
1972	Ռոբինզոն Կրուզոյի կյանքն ու զարմանալի արկածները	Жизнь и удивительные приключения Робинзона Крузо
1973	Կյանքի ամեն մի օրը	Каждый день жизни
1974	Երկնագույն պարեկ	Голубой патруль
1974	Ուղերթ առաջին, ուղերթ վերջին	Рейс первый, рейс последний
1974	Մաքսանենգություն	Контрабанда
1975	Տղան և որմզդեղնը	Мальчик и лось
1976	Քաղաքն առավոտից մինչ կեսգիշեր	Город с утра до полуночи
1976	Ուտկա գյուղը	Деревня Утка
1977	«Նադեժդա»-ի քամին	Ветер «Надежды»
1977	Յամբույի չար ոգին	Злой дух Ямбуя
1978	Իսկ մեզ մոտ կրկես է եկել	А к нам цирк приехал
1978	Երբ ես հսկա կդառնամ	Когда я стану великаном
1979	Հանդիպման վայրը փոխել չի կարելի	Место встречи изменить нельзя
1979	20-րդ դարի ծովահենները	Пираты XX века
1980	Մայրս ինձ երջանիկ է ծնել	Родила меня мать счастливым
1980	Արծաթե լճեր	Серебряные озера
1982	Չեմ կարող ասել «Մնաս բարով»	Не могу сказать «прощай»
1983	Գումարտակի հրամանատարները	Комбаты
1983	Հանցակիցները	Соучастники
1984	Առաջնորդը	Лидер
1984	Խարույկ` սպիտակ գիշերով	Костёр в белой ночи
1984	Առանց տապալման իրավունքի	Без права на провал
1990	Արքայազն ուրվականը	Принц-привидение
1990	Սև մոգություն, կամ տեսակցություն սատանայի հետ	Чёрная магия, или Свидание с дьяволом
1991	Մահվան քարավանը	Караван смерти
1991	Գրաքննություն հիշատակին` թույլ չեմ տալիս	Цензуру к памяти не допускаю
1991	Առնետներ, կամ գիշերային մաֆիա	Крысы, или Ночная мафия
1991	Մահ կուլիսների ետևում	Смерть за кулисами
1992	Դժոխքի ոգիները	Духи ада