Դենիել Գոուլման

Դենիել Գոուլման; Goleman Daniel
Ծնվել է	մարտի 7, 1946 (78 տարեկան)
Ծննդավայր	Սթոքթոն, Կալիֆոռնիա, ԱՄՆ
Մասնագիտություն	Գրող, ժուրնալիստ, հոգեբան
Քաղաքացիություն	ԱՄՆ
Կրթություն	Հարվարդի համալսարան և Ամհերստի քոլեջ
Աշխատավայր	Հարվարդի համալսարան
Կայք	danielgoleman.info
	Daniel Goleman Վիքիպահեստում

Դենիել Գոուլման (մարտի 7, 1946(1946-03-07)^[2], Սթոքթոն, Կալիֆոռնիա, ԱՄՆ^[1]), ամերիկացի գրող, հոգեբան, գիտական ժուռնալիստ։ Տասներկու տարվա ընթացքում գրել է հոդվածներ Նյու Յորք Թայմսի համար՝ մասնագիտանալով հոգեբանության և ուղեղի մասին գիտությունների մեջ։ Գրել է ավելի քան տասը գիրք հոգեբանությունից, կրթությունից, գիտությունից և առաջնորդությունից։

Կենսագրություն

Դենիելը ծնվել է փոքրիկ Ստոկտոն քաղաքում, ռուսական ծագման հրեաների ընտանիքում^[3]։ Նրա ծնողները Ստոկտոնի քոլեջի պրոֆեսորներ էին։ Հայրը հումանիտար առարկաներ էր դասավանդում՝ լատիներեն և համաշխարհային գրականություն, մայրը՝ սոցիոլոգիա։ Հայտնի ֆիզիկոս Էլվին Վայնբերգի զարմիկն է։ Դենիելը գնում է ծնողների հետքերով և ստանում դոկտորի աստիճան Հարվարդի համալսարանում։ Ներկայումս ապրում է Բյորկշիրում և համարվում է էմոցիոնալ ինտելեկտի շրջանում կատարվող ուսումնասիրությունների կոնսցոլիումի համանախագահ կազմակերպություններում՝ հիմնված Ռուտգերսկի ինստիտուտի պրոֆեսիոնալ հագեբանության Բարձրագույն դպրոցի վրա։ Ներկայումս Գոուլմանը համարվում է նաև «Միտք և կյանք» ինստիտուտի տնօրենների խորհուրդի անդամ, որը խթանում է երկոսությունը գիտնականների և հայեցողականության պրակտիկայով զբաղվողների միջև։ Այսպես օրինակ, «Դեստրուկտիվ էմոցիաներ» գիրքը ներառում է «Միտք և կյանք» ինստիտուտի ութերորդ միջազգային գիտաժողովի Գոուլմանի ընտրած երկխոսությունները Դալայ Լամայի և նեյրոգիտնականների միջև (Դհարմսալա, Հնդկաստան, մարտի 20-24, 2000 թվական)։

Ընտանիք

Ծնողները՝ բանասեր Իրվինգ Գոուլման (1898 —1961) և սոցիոլոգ Ֆեյ Վեյնբերգ 2010)^[4]^[5]^[6]
Քույրը՝ անտրոպոլոգ Դեբրա Գոուլման Վուլֆ (ծնվել է 1939)
Զարմուհին՝ Նաոմի Վուլֆ
Քույրը՝ Ջուդիտ Գոուլման

Հիմնական գաղափարները

«Էմոցիոնալ ինտելեկտ» գրքի լույս տեսնելուց հետո Գոուլմանը համաշխարհային համբավ է ձեռք բերում, որը մեկուկես տարի գտնվում էր «Նյու–Յորք թայմսի» բեսթսելերների շարքում։

Մեր մտածողության դիապազոնը սահմանափակված է նրանով, ինչը մենք չենք նկատում։ Եվ քանի որ մենք չենք նկատում այն, ինչը մեզ անհրաժեշտ է, մենք շատ քիչ բան կարող ենք անել ինչ–որ բան փոփոխելու համար։

- Դ․ Գոուլման

Իր առաջին գրքում՝ «Մեդիտատիվ փորձի բազմազանությունը», Գոուլմանը մեդիտացիայի բազմաթիվ մեթոդներ է նկարագրում։ Դրանց թվին են պատկանում սուֆիզմը, տրանսցենդենտալ մեդիտացիան, Փատանջալի Աշտանգա յոգան, հնդկական Տանտրան, կունդալինի յոգան, թիբեթական բուդիզմը, դզեն, Գյուրջիևի և Կրիշնամուտրիի տեսությունները։ Գոուլմանը նկատում է, որ մեդիտացիայի բազմաթիվ մեթոդներ ուղղված են եղել համակենտրոնացման զարգացման վրա, և որ «յուրաքանչյուր համակենտրոնացում բարձրացնում է ցանկացած գործունեության արդյունավետությունը»։ Գոուլմանը կարծում է, որ բոլորը առանց բացառության պետք է կարողանան կարեկցել մյուսներին, հասկանալ դիմացինի հույզերը (ունենալ էմպատիա և դրա հետ մեկտեղ գիտակցել սեփական հույզերը։ Նա համարվում է էմոցիոնալ ինքնակառավարման հիմնադիրներից մեկը։ Ժամանակակից կյանքի ռիթմն ու տեմպը մարդկանց շատ քիչ ժամանակ են թողնում յուրացման, մտածելու և արձագանքի համար, քանի որ մարդու օրգանիզմը տրամադրված է ավելի դանդաղ ռիթմին, որովհետև «ինչքան քիչ ենք մենք գիտակցում, թե որն է մեր խանդավառության առարկան, այնքան քիչ ենք ստանում կյանքից»։ Գոուլմանը բազմաթիվ պարգևներ է ստացել իր հայտնագործությունների համար, այդ թվում նաև Ամերիկայի հոգեբանական ասոցիացիայի կողմից ժուրալիստիկայի ոլորտում իր ձեռքբերումների համար։ Նա ընտրվել է Ամերիկյան ասոցիացիայի անդամ, որը զբաղվում է գիտության զարգացմամբ, ի նշան Գոուլմանի գործունեությանը և ի նպաստ գիտուոթյան մասսայականացմանը։ Դենիել Գոուլմանը երկակի նոմինացվել է Պուլւտցերովյան պարգևին։

Էմոցիոնալ կոմպետենտության կառուցվածքն ըստ Գոուլմանի

Անձնական կոմպետենտություն (այս կոմպետենտությունները որոշում են, թե որքանով են մենք մեզ տիրապետում)
Ինքնակառավարում (ներքին վիճակի և դրդապատճառների տիրապետման հմտություններ)
Մոտիվացիա (Էմոցիոնալ հակվածություններ, որոնք ուղղորդում են դեպի նպատակի իրագործումը)
Սոցիալ կոմպետենտություն(այս կոմպետենտությունները որոշում են, թե որքանով ենք մենք տիրապտետում մեր հարաբերությունները սոցիումի հետ)
Ապրումակցում (դիմացինի հոգսերի, ցանկությունների և զգացմունքերի գիտակցումը)
Սոցիալ հմտություններ (դիմացինի մոտ ցանկալի ռեակցիա առաջացնելու հմտություն)

Գրականություն

Դենիել Գոուլման, Էմոցիոնալ ինտելեկտ Արխիվացված 2013-06-01 Wayback Machine — «Մանն, Իվանով և Ֆերբեր», 2013. — Էջ․ 560. — ISBN 978-5-91657-684-9
Դենիել Գոուլման, Էմոցիոնալ ինտելեկտը բիզնեսում Արխիվացված 2013-06-12 Wayback Machine — «Մանն, Իվանով և Ֆերբեր», 2013 — Էջ. 512. — ISBN 978-5-91657-729-7
Դենիել Գոուլման, Ռիչարդ Բոյացիս, Էննի Մակկի, «Էմոցիոնալ առաջնորդություն», Ալպինա Փաբլիշեր
Դենիել Գոուլման, Էմոցիոնալ ինտելեկտ, բնօրինակ|Emotional Intelligence
Դենիել Գոուլման, Դեստրուկտիվ էմոցիաներ, բնօրինակ|Destructive Emotions։ How Can We Overcom Them?

Արտաքին հղումներ

Ծանոթագրություններ

↑ ^1,0 ^1,1 ^1,2 English Wikipedia community Wikipedia — 2001.
↑ Babelio (ֆր.) — 2007.
↑ Իմ մայրիկ Ֆեյ Գոլմանը,My mother, Fay Goleman Արխիվացված 2014-10-08 Wayback Machine
↑ «Thank you one and all!». Արխիվացված է օրիգինալից 2014 թ․ հուլիսի 15-ին. Վերցված է 2015 թ․ հունիսի 3-ին.
↑ «My Father, Irving Goleman (1898-1961)». Արխիվացված է օրիգինալից 2012 թ․ նոյեմբերի 9-ին. Վերցված է 2015 թ․ հունիսի 3-ին.
↑ Deborah Goleman Wolf The Lesbian Community

Վիքիպահեստն ունի նյութեր, որոնք վերաբերում են «Դենիել Գոուլման» հոդվածին։

[_05ede94552c7bbb4-1] 1,0 ^1,1 ^1,2 English Wikipedia community Wikipedia — 2001.

[_8aeb1070869907c6-2] Babelio (ֆր.) — 2007.

[3] Իմ մայրիկ Ֆեյ Գոլմանը,My mother, Fay Goleman Արխիվացված 2014-10-08 Wayback Machine

[4] «Thank you one and all!». Արխիվացված է օրիգինալից 2014 թ․ հուլիսի 15-ին. Վերցված է 2015 թ․ հունիսի 3-ին.

[5] «My Father, Irving Goleman (1898-1961)». Արխիվացված է օրիգինալից 2012 թ․ նոյեմբերի 9-ին. Վերցված է 2015 թ․ հունիսի 3-ին.

[6] Deborah Goleman Wolf The Lesbian Community

[1]

[2]

[3]

[4]

[5]

[6]