Գուրամ Օդիշարիա

Գուրամ Օդիշարիա վրաց.՝ გურამ ოდიშარია
Ծննդյան անուն	վրաց.՝ გურამ ოდიშარია
Ծնվել է	սեպտեմբերի 24, 1951(1951-09-24) (74 տարեկան)
Ծննդավայր	Սուխում, Աբխազական Ինքնավար Խորհրդային Սոցիալիստական Հանրապետություն, Վրացական ԽՍՀ, ԽՍՀՄ
Մասնագիտություն	գրող և քաղաքական գործիչ
Լեզու	վրացերեն
Քաղաքացիություն	ԽՍՀՄ և  Վրաստան
Կրթություն	Աբխազական պետական համալսարան
Ուշագրավ աշխատանքներ	ზღვა, რომელიც შორია?
Պարգևներ	Վրաստանի պետական մրցանակ Իլյա Չավչավաձեի մրցանակ և Q28030611?
Կայք	odisharia.ge/en
Guram Odisharia Վիքիպահեստում

Գուրամ Օդիշարիա (վրաց.՝ გურამ ოდიშარია, սեպտեմբերի 24, 1951(1951-09-24), Սուխում, Աբխազական Ինքնավար Խորհրդային Սոցիալիստական Հանրապետություն, Վրացական ԽՍՀ, ԽՍՀՄ), վրացի բանաստեղծ, արձակագիր, դրամատուրգ, հրապարակախոս։

Ծնվել է 1951 թվականին Սուխումիում։ Ավարտել է Սուխումիի պետական համալսարանը, այնուհետև աշխատել է քաղաքային ռադիոյում և տարբեր պարբերականներում։ 1987-1994 թվականներին եղել է «Ռիծա» գրական-հասարակական հանդեսի գլխավոր խմբագիրը։ 2012-2014 թվականներին եղել է Վրաստանի մշակույթի և հուշարձանների պաշտպանության նախարարը։

Հեղինակ է բանաստեղծական, արձակ և դրամատիկական ստեղծագործությունների շուրջ 25 գրքերի, ավելի քան հարյուր հրապարակախոսական հոդվածների։ Պետական և մոտ մեկ տասնյակ գրական մրցանակների դափնեկիր է։ Արդի գրականության զարգացման գործում ներդրած ավանդի համար պարգևատրվել է Ա. Պ. Չեխովի անվան Ոսկե մեդալով։

Օդիշարիայի ստեղծագործությունները թարգմանվել են անգլերեն, ռուսերեն, աբխազերեն, հայերեն, ադրբեջաներեն, իտալերեն, սլովակերեն, գերմաներեն, ֆրանսերեն և այլ լեզուներով։

Նրա «Պրեզիդենտի կատուն» վեպը թարգմանվել է անգլերեն, ռուսերեն, ուկրաիներեն, սլովակերեն, աբխազերեն, ադրբեջաներեն։

Գուրամ Օդիշարիան հայերեն

• Չուղարկված նամակներից (բանաստեղծություններ), Ե., ՀԳՄ հրատ., 2016, 160 էջ։ Թարգմ.՝ Գագիկ Դավթյան։
• Պրեզիդենտի կատուն (վեպ), Ե., «Անտարես», 2016, 232 էջ։ Վրացերենից թարգմ.՝ Անահիտ Բոստանջյան։

Ծանոթագրություններ

Վիքիպահեստն ունի նյութեր, որոնք վերաբերում են «Գուրամ Օդիշարիա» հոդվածին։