Գագիկ Դավթյան (գրող)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Գագիկ Դավթյան (այլ կիրառումներ)
Գագիկ Դավթյան
Գագիկ Դավթյան, բանաստեղծ.jpg
Ծնվել էապրիլի 4, 1947(1947-04-04) (72 տարեկան)
ԾննդավայրԴավիթ Բեկ, Ղափանի շրջան, Հայկական ԽՍՀ, ԽՍՀՄ
Մասնագիտությունբանաստեղծ և թարգմանիչ
ՔաղաքացիությունՀայկական ԽՍՀ
Flag of Armenia.svg Հայաստան
ԿրթությունՀայաստանի ազգային պոլիտեխնիկական համալսարան
ԱնդամակցությունՀայաստանի գրողների միություն
ԱշխատավայրՍովետական Հայաստան և Հայաստանի Հանրապետություն
ՊարգևներՀՀ մշակույթի նախարարության ոսկե մեդալ
Գագիկ Դավթյան Վիքիքաղվածքում

Գագիկ Տիգրանի Դավթյան (ապրիլի 4, 1947(1947-04-04), Դավիթ Բեկ, Ղափանի շրջան, Հայկական ԽՍՀ, ԽՍՀՄ), հայ բանաստեղծ, թարգմանիչ: Հայաստանի գրողների միության անդամ (1982)[1]:

Կենսագրություն[խմբագրել | խմբագրել կոդը]

Գագիկ Դավթյանը ծնվել է 1947 թվականին Կապանի Դավիթ Բեկ գյուղում: 1970 թվականին ավարտել է Երևանի պոլիտեխնիկական ինստիտուտի էլեկտրատեխնիկական ֆակուլտետը, այնուհետև ծննդավայրում զբաղվել մանկավարժական աշխատանքով: 1972 թվականին ընտրվել է ՀԼԿԵՄ Ղափանի շրջկոմի երկրորդ քարտուղար[2]: 1974-1976 թվականներին ծառայել է Խորհրդային բանակում որպես սպա: 1976-1988 թվականներին ՀԿԿ շրջկոմում եղել է հրահանգիչ, բաժնի վարիչ, 1988 թվականից՝ «Սովետական Հայաստան» թերթի, 1989 թվականից` «Հայաստանի Հանրապետություն» թերթի Զանգեզուրի գոտու սեփական թղթակիցը: 1996 թվականին հիմնադրել է Սյունիքի մարզպետարանի «Սյունիք» պաշտոնաթերթը և մինչև 2000 թվականին թերթի լուծարումը եղել գլխավոր խմբագիր: Առաջին բանաստեղծությունը տպագրվել է 1967 թվականին «Ավանգարդ» թերթում[2]: Գագիկ Դավթյանի բանաստեղծությունները թարգմանվել են անգլերեն, ֆրանսերեն, գերմաներեն, ռուսերեն, պարսկերեն, սլովակերեն, սերբերեն, բուլղարերեն, ռումիներեն, լեհերեն, ուկրաիներեն, ղազախերեն, առանձին գրքերով հրատարակվել ռուսերեն, վրացերեն, լեհերեն, բուլղարերեն և ֆրանսերեն[3]

Երկեր[խմբագրել | խմբագրել կոդը]

  • «Հոգու շավիղներով» (բանաստեղծություններ բուլղարերեն), Պլեվեն, 2017:
  • «Որպես լույս ու խիղճ» (բանաստեղծություններ և պոեմներ), Երևան, 2017:
  • «Աստանդական սիրտը» (բանաստեղծություններ, լեհերեն), Վարշավա 2015:
  • «Վարք Բաբիկի՝ որդվո Սյունյաց իշխան Անդովկի», պոեմ, Երևան, 2015:
  • «Անհնարին զրույց» (բանաստեղծություններ, հայերեն, ֆրանսերեն), Փարիզ, 2015թ:
  • Բաց նամակ (վրացերեն), Թբիլիսի, 2013։
  • Անվերջ սկիզբ, Երևան, 2007։
  • Ժամանակների ժամադրություն (ռուսերեն), Մոսկվա, 1989։
  • Վերադարձ, Երևան, 1987։
  • Մենախոսություն, Երևան, 1980։

Թարգմանություններ[խմբագրել | խմբագրել կոդը]

Մրցանակներ, պարգևներ[խմբագրել | խմբագրել կոդը]

  • Բուլղարիայի Անկախ գրողների միության Պատվո մեդալ, 2017
  • Պոեզիայի և արվեստի եվրոպական «Հոմեր» մեդալ
  • ՀԳՄ Ծաղկաձորի ստեղծագործական տան մրցանակ, 2016
  • Լեհաստանի ԳՄ Կ. Յանիցկու անվան «Յանիցիուս» մրցանակ, 2015
  • ԱՄՆ «Հրանտ և Մանուշակ Սիմոնյաններ» գրական հիմնադրամի մրցանակ, 2015
  • ՀՀ մշակույթի նախարարության ոսկե մեդալ, 2014
  • Ռուսաստանի գրողների միության Միխայիլ Լերմոնտովի անվան մեդալ
  • Պոեզիայի Արցախյան միջազգային 2-րդ փառատոնի մրցանակ
  • Համավրացական Ռուսթավելի ընկերության Դավիթ Գուրամիշվիլու անվան մրցանակ, 2013
  • Մայր Աթոռ սուրբ Էջմիածնի և ՀԳՄ համատեղ «Կանթեղ» թարգմանական մրցանակ, 2012
  • ՎԳՄ Իվանե Մաչաբելու անվան մրցանակ Վրացական պոեզիայի անթոլոգիայի համար, 2007
  • ՀԳՄ «Գրական վաստակի համար» մեդալ, 2007
  • «Մենախոսություն» բանաստեղծական շարքի և «Սոնետների պսակի» համար արժանացել է Վլադիմիր Մայակովսկու անվան համամիութենական մրցանակի, 1985
  • Կապան քաղաքի Պատվավոր քաղաքացի

Անդամակցություն[խմբագրել | խմբագրել կոդը]

  • Հայաստանի գրողների միության անդամ, 1982[1]
  • Աշխարհի բանաստեղծների շարժման (Movimiento poetas del mundo) անդամ, 2012
  • Բուլղարիայի Անկախ գրողների միության անդամ, 2016
  • Վրաստանի գրողների ստեղծագործական միության պատվավոր անդամ

Ծանոթագրություններ[խմբագրել | խմբագրել կոդը]