Գոմա
Անվան այլ կիրառումների համար տե՛ս՝ Գոմա (այլ կիրառումներ)
| Բնակավայր | ||
|---|---|---|
,_Photo_by_Sascha_Grabow.jpg) | ||
| Երկիր |  Կոնգոյի Դեմոկրատական Հանրապետություն | |
| Մակերես | 75,2 կմ² | |
| Բնակչություն | 249 862 մարդ (2005) | |
| ||
Գոմա (ֆր.՝ Goma), Կոնգոյի Դեմոկրատական Հանրապետության կազմի մեջ մտնող քաղաք, սահմանակից Ռուանդային միասին տեղակայված սահմանին։ Այն Հյուսիսային Կիվու նահանգի վարչական կենտրոն է։
Աշխարհագրություն[խմբագրել | խմբագրել կոդը]
Քաղաքը տեղակայված է Կիվու լճի ափին՝ ռուանդական քաղաք Գիսենի մերձակայքում, ծովի մակարդակից 1499 մ բարձրության վրա[1]։ Քաղաքից մոտավորապես 15 կմ դեպի հյուսիս գտնվում է Նյիրագոնգո ակտիվ հրաբուխը։ Առկա է օդանավակայան։ Գոմայի կենտրոնը Ռուանդայի հետ սահմանից ընդամենը 1 կմ հեռավորության վրա է տեղակայված, իսկ Գիսենիի կենտրոնից՝ 3,5 կմ հեռավորության վրա։
Բնակչություն[խմբագրել | խմբագրել կոդը]
2010 թվականին քաղաքի բնակչության թիվը կազմել է 377 112 մարդ[2]։ 1994 թվականին տեղի ունեցած Ռուանդայի ցեղասպանության պատճառով Գոման փախստականների ներհոսք է ունեցել։
Պատմություն[խմբագրել | խմբագրել կոդը]
- 1998 թվական․ հատկապես Գոմայում սկսվեց Մեծ աֆրիկյան պատերազմը, որը հրահրել է օգոստոսյան տուտսի խռովությունը։
- 1999 թվականի մայիս․ կառավարության օդային ավիացիոն հարձակում ընդդեմ Գոմայի՝ որպես ապստամբների հենակետ[3]։
- 2002 թվականի հունվարի 17․ Նյիրագոնգո հրաբխի ժայթքում։
- 2008 թվականի հոկտեմբեր–նոյեմբեր․ Գոմայի ճակատամարտ՝ ապստամբ տուտսիի (Լորան Նկունդա) և Կոնգոյի Դեմոկրատական Հանրապետության ուժերի միջև, որոնց աջակցել են ՄԱԿ-ի ուժերը։
- 2012 թվականի նոյեմբերի 20․ քաղաքը գրավվել է Մ23 ապստամբների կողմից[4]։
- 2013 թվականի մարտի 4․ Fokker 50 ինքնաթիռը կործանվել է Գոմայի օդանավակայանում վայրէջք կատարելիս։ Օդանավում գտնվող քառասուն մարդուց երեսունվեցը զոհվել են, չորսը տեղափոխվել քաղաքի հիվանդանոց։ Ըստ նախնական տվյալների՝ վթարի պատճառը եղել է եղանակային անբարենպաստ պայմանները։ Ավիավթարի պահին Գոմայում տեղատարափ անձրև էր։ Ինքնաթիռը չի կարողացել հասնել տեղի օդանավակայանի թռիչքուղին (մոտ՝ 7 կիլոմետր) և կործանվել է քաղաքի հենց կենտրոնում։ Տեղի ունեցած աղետից երկրի մակերևույթի վրա գտնվողներից ոչ ոք չի տուժել[5]։
Ծանոթագրություններ[խմբագրել | խմբագրել կոդը]
- ↑ «Goma, Congo (Dem. Republic of The)-(Zaire) Page» (անգլերեն)։ Fallingrain Global Gazetteer։ Վերցված է 2014-01-22
- ↑ «Congo (Dem. Rep.): largest cities and towns and statistics of their population» (անգլերեն)։ Արխիվացված է օրիգինալից 2012-02-16-ին։ Վերցված է 2011-05-19
- ↑ World: Africa Congo raids 'targeted civilians'
- ↑ «Congolese rebels seize Goma, take airport.» Melanie Goubyrukmini Callimachi, «Bloomberg BusinessWeek», Tuesday November 20, 2012. Retrieved 20 November 2012.
- ↑ «В катастрофе самолета Fokker 50 в Конго погибли 36 человек»։ Արխիվացված է օրիգինալից 2014-02-02-ին։ Վերցված է 2020-05-10
Արտաքին հղումներ[խմբագրել | խմբագրել կոդը]
