Բլագա Դիմիտրովա

Բլագա Դիմիտրովա բուլղար․՝ Блага Николова Димитрова
Ծնվել է	հունվարի 2, 1922(1922-01-02)
Ծննդավայր	Byala Slatina, Վրաչայի մարզ, Բուլղարիա
Վախճանվել է	մայիսի 2, 2003(2003-05-02) (81 տարեկան)
Վախճանի վայր	Սոֆիա, Բուլղարիա
Գերեզման	Սոֆիայի կենտրոնական գերեզմանատուն
Մասնագիտություն	բանաստեղծուհի, գրող, սցենարիստ, քաղաքական գործիչ, թարգմանչուհի, գրական քննադատ, լրագրող և բանասեր
Քաղաքացիություն	Բուլղարիա
Կրթություն	Սոֆիայի համալսարան
Գիտական աստիճան	բանասիրական գիտությունների թեկնածու
Ժանրեր	պոեզիա և արձակ
Կուսակցություն	Դեմոկրատական ուժերի միություն
Պարգևներ	և Խրիստո Դանովի անվան մրցանակ
Ամուսին	Yordan Vasilev?

Բլագա Նիկոլովա Դիմիտրովա (բուլղար․՝ Блага Николова Димитрова, հունվարի 2, 1922(1922-01-02), Byala Slatina, Վրաչայի մարզ, Բուլղարիա - մայիսի 2, 2003(2003-05-02), Սոֆիա, Բուլղարիա), բուլղարացի գրող, բանաստեղծ, թարգմանչուհի, գրաքննադատ, քաղաքական, պետական գործիչ։ Բուլղարիայի փոխնախագահ (հունվարի 22 1992 - հուլիսի 6 1993)։ Դիմիտրովյան մրցանակի դափնեկիր։

Կենսագրություն

Բլագա Դիմիտրովան ծնվել է 1922 թվականին, Բյալա-Սլատինա քաղաքում։ Մայրը եղել է ուսուցիչ, հայրը՝ փաստաբան։ Բլագան մեծացել է Վելիկո Տիռնովոյում, այնուհետև տեղափոխվել է Սոֆիա։ 1941 թվականին ավարտել է Սոֆիայի դասական գիմնազիան, 1945 թվականին՝ Սոֆիայի համալսարանի սլավոնական բանասիրության ֆակուլտետը, այնուհետև՝ Մոսկվայի Մաքսիմ Գորկու անվան գրականության ինստիտուտը, որտեղ պաշտպանել է դոկտորական ատենախոսություն «Մայակովսկին և բուլղարական պոեզիան» (1951)։ Տարիներ շարունակ տարբեր թերթերում, ամսագրերում և հրատարակչություններում աշխատել է որպես խմբագիր։ Աշխատել է ազատ բանաստեղծական միավորման բաժնում, զբաղվել է թարգմանություններով։

Տարբեր թերթերում և ամսագրերում տպագրվել է 1938 թվականից, երբ դպրոցի աշակերտուհի էր։ Բանաստեղծությունների, արձակ ստեղծագործությունների, ճանապարհորդական գրառումների հեղինակ է, ունի Վիետնամի վերաբերյալ վավերագրական գրքերի, քննադատական և կենսագրական հետազոտությունների շարք։ 1987-1989 թվականներին այլախոհության պատճառով արգելվել է Դիմիտրովայի ստեղծագործությունները հրապարակումը։

Մահացել է լուրջ հիվանդության և սրտի կաթվածի պատճառով։

Քաղաքական և հասարակական գործունեություն

1988 թվականին Բլագա Դիմիտրովան հիմնադրել է մի քանի հասարակական կազմակերպություններ, այդ թվում` Ռուսեի շրջակա միջավայրի պահպանության կոմիտեն և Հրապարակայնության և վերակառուցման ակումբը։ Ավելի ուշ մասնակցել է Բուլղարիայի դեմոկրատական ուժերի միության Դեմոկրատական ակումբների ֆեդերացիայի, Բաց հասարակության հիմնադրամի ղեկավարման։ Եղել է Բուլղարիայի Ազգային ժողովի պատգամավոր։ 1992-1993 թվականներին եղել է Բուլղարիայի Հանրապետության փոխնախագահ։ Պաշտոնից հեռացել է նախագահ Ժելյու Ժելևի հետ ունեցած անհամաձայնության պատճառով։

Պարգևներ

• «Ստարա պլանինա» 1-ին աստիճանի շքանշան
• Դիմիտրովյան մրցանակ
• Խրիստո Դանովի անվան մրցանակ
• Լեհական ՊԵՆ ակումբի մրցանակ Ա. Միցկևիչի ստեղծագործությունների թարգմանության համար (1977)
• Շվեդական պոեզիայի թարգմանության համար Ա. Լունդքվիստի մրցանակ
• Հերդերի մրցանակ (1991)

Գրքեր

• Because the sea is black: poems of Blaga Dimitrova. Translators Niko Boris & Heather McHugh. Wesleyan University Press. 1989.{{cite book}}: CS1 սպաս․ այլ (link)
• Because the sea is black. Translators Ludmilla G. Popova-Wightman & Elizabeth A. Socolow. Ivy Press Princeton. 2003 թ․ հունիս. ISBN 1-930214-06-5.{{cite book}}: CS1 սպաս․ այլ (link)
• The last rock eagle: selected poems of Blaga Dimitrova. Translators Brenda Walker, Vladimir Levchev, Belin Tonchev. Forest Books. 1992. ISBN 978-1-85610-009-0.{{cite book}}: CS1 սպաս․ այլ (link)
• Forbidden sea: a poem. Ivy Press. 2000. ISBN 978-1-930214-01-9.

Անթոլոգիա

• Vasa D. Mihailovich, ed. (1977). «The Old Man and the World». White stones and fir trees: an anthology of contemporary Slavic literature. Fairleigh Dickinson University Press. ISBN 978-0-8386-1194-4.
• Walter M. Cummins, ed. (1993). «Almost a Prophecy; Night-light -- A Night-bird's Eye; The Great Wall; Amnesia in Reverse; Bee Lesson; The Shadow of the Trees; Overstepping One's Rights; Frost». Shifting borders: East European poetries of the eighties. Fairleigh Dickinson University Press. ISBN 978-0-8386-3497-4.

Գրականություն

• Блага Николова Димитрова
• Бенатова И.М. Время и герои художественной прозы Благи Димитровой // Баллада в болгарской литературе 20-х, 30-х годов ХХ века. – Львов: «Львовская Политехника», 2015 г. – С. 333-362.